其實我未睇紅Van電影。但睇了高登版紅Van。

20年前，1994年，王大導拍了重慶森林。到昨天，我同我老婆先第一次睇。先利申: 不好意思，我係係youtube睇的。
一開頭，我以為我個死人icable上網慢，重乜一秒得十格畫面跳跳下……睇左半個鐘開始正常啲一秒有返24格，係個鏡頭fing來fing去，特然我老婆問金髮女係咪林青霞，我重話佢係咪傻的嗎？係人都知重慶森林係偉仔加王菲，金髮女一睇就知係女主角，緊係王菲啦……點知個死婆又問:"咁偉仔呢？" 我當堂啞左，睇住金城武chock左45分鐘，食緊5月1號過期菠蘿，只好同佢講:"王大導嘅野你識條鐵咩！"
之後終於見到偉仔啦。 我就話一睇就知金城武係後生版偉仔啦。 睇下睇，睇下睇…我老婆就一路問，一路問……我都費事答佢。
睇到完場，老婆話睇唔明，點解後生版偉仔係223, 但老左之後係633。我話乜都睇得明就睇TVB吧啦。

最後我都答左我老婆， 緊係偉仔升左職，警員號碼都升埋啦，唔係點升級做金像獎男主角喎！

下星期我會同老婆去睇紅Van， 好驚佢又會一路睇，一路問