咁多事其實都同膠登本身嘅制度有關
試諗下，如果我係一個中學雞，想上膠登
目的只係要娛樂嘅
咁我就好簡單去吹水台就得啦
但如果我想係搵下啲學術性或者係功課性嘅資料呢？
成個膠登都只有「學術台」符合呢個條件

我想指出嘅係，膠登依家嘅架構過份copy高登
但同時又冇吸收高登收皮嘅教訓
有啲台例如學術咁
你可以將佢分拆做「學業」同「學術」兩種
咁樣分類的話就唔會出現任何因為過多學業post而冇晒學術post嘅情況

其實呢種分類喺膠登都可以話有，其中一個例子就係「電話台」同「Apps台」
嘅然分類之後可以令巴打們更方便搵post，又點解唔喺其他已經出現「民怨」嘅台試行呢？
講到尾，admin，你一直咁潛水，大玩無為而治
咁唔係話唔好，但見到問題你都唔去處理嘅，又點算得上係一個好admin呢？
你開得膠登就有責任要將佢搞好，你可能會話呢個係一個義務工作，如果係煩到你嘅你大可以將膠登收皮
或者讓畀其他想繼續搞落去嘅巴打接手

膠登已經差唔多一年，但一年嚟膠登喺功能上嘅變化又有幾大呢？
照抄高登我可以話係絕對行唔通
無論係admin又好，其他會員都好
我想都帶出一個信息：膠登今日嘅局面同本身嘅制度失效係絕對有關

btw, 邊諗邊打，可能會有啲1999

徐仲思