憑彭氏兄弟電影《見鬼》榮獲金像獎及金馬獎雙影后嘅李心潔，於10年嫁畀導演彭順，不介意對方已育有9歲女兒，愛情至上嘅李心潔甘為後母，婚後主力做好人妻角色，每年只拍一部電影，生活低調；

相反彭順婚前已有偷食前科http://m.getjetso.com/?action=thread&tid=244090，於07年被踢爆與0靚模Kama（羅凱珊）夜蒲中環，最後更帶飲到啤啤夫嘅Kama到佐敦尋開心。以為彭順婚後會修心養性，怎知大前日傍晚約6時許，本報發現彭順現身圓方，與0靚模李悅彤（Liddy）密會。






現年26歲嘅Liddy，比彭順後生22年，兩人齊齊到戲院排隊買飛睇《香港仔》，其間Liddy向彭順大施嗲功，突然嘟嘴索吻，彭順望一望佢怕尷尬冇反應，佢不甘被無視，死纏望實他半分鐘，彭順投降與Liddy啜嘴，入場前兩人買咗一杯汽水同爆谷，Liddy再發功餵彭順食爆谷，旁若無人。




約8時許散場後，兩人各自去完洗手間，Liddy跳跳紮走向彭順，兩手拖住佢玩人肉拉筋，被冧到暈嘅彭順，再情不自禁啜咗佢一啖，Liddy即發出得戚甜笑，之後兩人喺圓方覓食，最後揀咗稻成亞丁京川料理撐枱腳。

飯後兩人意猶未盡，搭的士到尖沙嘴iSquare行街街，彭順搭住Liddy膊頭步入HMV，其間兩人打情罵俏，彭順扮向佢揮拳，Liddy即施擒拿手搣胸，兩人買完DVD，後再去便利店買飲品，之後齊搭的士返將軍澳日出康城寓所。

http://hk.apple.nextmedia.com/enews/realtime/20140526/52513860