唔講唔知，原來今日係亞洲亞洲57周年台慶，日前(23日)朱慧珊、蔡國威齊到牛頭角一間小學，為台慶《529台慶創勢力》晚會環節進行錄影，當日除咗有蔡國威BB同朱慧珊之外，仲有劉錫賢、金鈴、秦啟維等，同200多名學生一同排列成亞洲電視嘅logo，祝賀亞視57周年生日快樂。又令人諗番起：岩布仙尼一臉尷尬，唱出「Happy Birthday to me」……



本來件事冇乜特別，但原來呢，當日拍完之後，有家長投訴。有自稱「樂善堂楊仲學校 5F全體家長」聯署寫咗封投訴信，指該校當日未經家長同意，就動用5F班學生，寧願要佢哋唔上音樂堂，反而落晒去禮堂幫亞視拍宣傳片。



該封家長投訴信寫道:「我們對學校此等安排極度不滿，學校並沒有出通告通知家長這些安排、徵得我們的同意，而我們根本也不同意兒女上電視；另外，這次考試是五年級呈分試，我們相信這也嚴重影響老師教學。我們也有理由相信學校透過我們的兒女拍亞洲電視台慶宣傳而從中取利。」

家長信中，最後一段就話，希望傳媒能夠查明此事，並要求樂善堂楊仲明學校公開向全校家長解釋此事，保證以後也不可發生同類事件，同時亦禁止其子女樣貌再次出現相關傳媒活動上。言下之意，即是今晚亞視播映台慶時，亦都唔可以再出呢條片。

http://hk.apple.nextmedia.com/enews/realtime/20140529/52526349



亞洲電視執行董事葉家寶今晚出席亞視台慶活動，接受訪問被問到此事時，佢話已經同學校了解過，並無此事，佢話：「學校話冇收過家長投訴，而且學校每個學期都有發出家長信，每個學期安排一啲電視活動同拍攝，作為通識教育，校長聽到有人話唔知情都覺得奇怪。」

葉家寶仲話該學校了解過當日有份拍攝嘅同學，聲稱嗰日拍攝過程好愉快，仲學到好多嘢。而且都有同相關家長聯絡，佢哋話唔知有咁嘅事。

另外，問到片段係咪如常播放，葉家寶話：「我睇唔到有乜理由唔播，其實呢個教學多元化，而且好多學校開始設有錄影室，將來同唔同學校合作。」羅霖聞言就話:「家長冇理由唔知情0架!」之後再謂:「應該係學校失當，家長都想知小朋友做乜0架嘛。」

http://hk.apple.nextmedia.com/enews/realtime/20140529/52528280