| 發表文章 | 發起投票 |
讀者來稿 - 學字頭一定要為罷課失效負上責任！
原文 : http://polymer.hkgalden.net/articles/2014/09/16/6596/
走堂，唔一定就係罷課[/size=5]
入正題之前，筆者我想講清楚咩叫罷課。罷課，就係走堂唔讀書，直至訴求達成為止。但係走堂唔算罷課。舉個例子：中共領袖之一嘅李克強去香港大學參加校慶，一班港大學生為咗對佢示威而走堂，只係走堂，而唔係罷課。但係，如果你話一班大學生為咗有普選，一直走堂，直到有普選為止，呢啲就係罷課啦。兩者嘅目的同樣值得支持同尊重，但係一個叫走堂，一個叫罷課，呢個就係走堂同罷課嘅分別。走堂，唔一定就係罷課。基於呢一個分別，呢次罷課必定失敗！
公義緊要過程序： 罷課要罷到訴求達成為止[/size=5]
呢次罷課最失敗，就係發起罷課嘅「學字頭」，即係學聯同埋學民思潮，兩者都程序上腦！家下張融之流嘅小人橫行，點樣出師人地都會抹黑你，偏偏學字頭就係糾纏於「罷課不罷學」、「罷課不罷學承諾書」呢啲程序上面，而唔諗下點樣罷課行公義。到底讀少陣書係咪會死？唔通張融之流嘅小人，會因為罷課學生無罷學，堅持學習，就唔批評罷課運動？少年，你太天真了！
喺程序公義入面，公義緊要過程序。程序，只係用嚟約束掌權者，等佢地都要問下「村民點諗」，從而令到社會有公義。以罷課迫使政府畀一個民主嘅選舉我地，等個選舉同社會都公義啲，點解要講咁多程序？程序上腦，結果咪就係改變唔到不公義。
我本人喺前面講過咩係罷課，入面有兩個要素，其一係走堂呢個動作，其二就係「直至訴求達成為止」。一開始就唔係「直至訴求達成為止」嘅罷課，有乜資格稱為罷課？有啲為偽罷課運動護航嘅人話：各大學生會都要向同學負責。係，學生會要向同學負責，但係依家學生會緊要啲定係普選緊要啲？學生會只要有足夠人手輪流辦公，維持運作，其他人無限期罷課，why not？學字頭以為抗爭一定要有個完結期限，限死咗幾時罷課到幾時，咪就係程序上腦囉！既然你依家都拎住把刀指住佢啦，我唔要求你割佢個人頭落嚟，但係行埋去劃佢一刀姐，點解唔做埋佢？
講到尾，咪又係借罷課™空殼公司招兵買馬！[/size=5]
至於學字頭成員乘機組成一大堆政改關注組™，就更加令人扯火。組織關注組去聚集學生，或者真係必要嘅。但係依家學字頭為咗罷課一日或者五日，而組成呢啲關注組™，從而獨攬罷課大旗，再將罷課學生吸納入去學字頭組織。講到尾，咪又係一堆罷課™空殼公司招兵買馬！
為咗普選，學字頭可唔可以再盡啲？[/size=5]
未開波就講明罷幾耐，咁嘅罷課係唔會有用。而呢一班所謂社運中堅嘅組織、人物，就係以唔持續嘅罷課去維持「可持續社運」模式。喂！為咗普選，學字頭可唔可以再盡啲？點解唔搞返場持續罷課，令社運唔使再持續！當我地能夠長期癱瘓學校，喺普選上面，共產黨點都要讓步。無奈搞罷課嘅學字頭村民「唔係咁諗」，但係呢班學字頭一定要為將會嚟到嘅失敗負上責任！
利申：我「被罷課」，但我唔會參加罷課運動，我係分裂「民主派」嘅罪人，共產黨最開心。
作者：南宮行
(larrylo)
走堂，唔一定就係罷課[/size=5]
入正題之前，筆者我想講清楚咩叫罷課。罷課，就係走堂唔讀書，直至訴求達成為止。但係走堂唔算罷課。舉個例子：中共領袖之一嘅李克強去香港大學參加校慶，一班港大學生為咗對佢示威而走堂，只係走堂，而唔係罷課。但係，如果你話一班大學生為咗有普選，一直走堂，直到有普選為止，呢啲就係罷課啦。兩者嘅目的同樣值得支持同尊重，但係一個叫走堂，一個叫罷課，呢個就係走堂同罷課嘅分別。走堂，唔一定就係罷課。基於呢一個分別，呢次罷課必定失敗！
公義緊要過程序： 罷課要罷到訴求達成為止[/size=5]
呢次罷課最失敗，就係發起罷課嘅「學字頭」，即係學聯同埋學民思潮，兩者都程序上腦！家下張融之流嘅小人橫行，點樣出師人地都會抹黑你，偏偏學字頭就係糾纏於「罷課不罷學」、「罷課不罷學承諾書」呢啲程序上面，而唔諗下點樣罷課行公義。到底讀少陣書係咪會死？唔通張融之流嘅小人，會因為罷課學生無罷學，堅持學習，就唔批評罷課運動？少年，你太天真了！
喺程序公義入面，公義緊要過程序。程序，只係用嚟約束掌權者，等佢地都要問下「村民點諗」，從而令到社會有公義。以罷課迫使政府畀一個民主嘅選舉我地，等個選舉同社會都公義啲，點解要講咁多程序？程序上腦，結果咪就係改變唔到不公義。
我本人喺前面講過咩係罷課，入面有兩個要素，其一係走堂呢個動作，其二就係「直至訴求達成為止」。一開始就唔係「直至訴求達成為止」嘅罷課，有乜資格稱為罷課？有啲為偽罷課運動護航嘅人話：各大學生會都要向同學負責。係，學生會要向同學負責，但係依家學生會緊要啲定係普選緊要啲？學生會只要有足夠人手輪流辦公，維持運作，其他人無限期罷課，why not？學字頭以為抗爭一定要有個完結期限，限死咗幾時罷課到幾時，咪就係程序上腦囉！既然你依家都拎住把刀指住佢啦，我唔要求你割佢個人頭落嚟，但係行埋去劃佢一刀姐，點解唔做埋佢？
講到尾，咪又係借罷課™空殼公司招兵買馬！[/size=5]
至於學字頭成員乘機組成一大堆政改關注組™，就更加令人扯火。組織關注組去聚集學生，或者真係必要嘅。但係依家學字頭為咗罷課一日或者五日，而組成呢啲關注組™，從而獨攬罷課大旗，再將罷課學生吸納入去學字頭組織。講到尾，咪又係一堆罷課™空殼公司招兵買馬！
為咗普選，學字頭可唔可以再盡啲？[/size=5]
未開波就講明罷幾耐，咁嘅罷課係唔會有用。而呢一班所謂社運中堅嘅組織、人物，就係以唔持續嘅罷課去維持「可持續社運」模式。喂！為咗普選，學字頭可唔可以再盡啲？點解唔搞返場持續罷課，令社運唔使再持續！當我地能夠長期癱瘓學校，喺普選上面，共產黨點都要讓步。無奈搞罷課嘅學字頭村民「唔係咁諗」，但係呢班學字頭一定要為將會嚟到嘅失敗負上責任！
利申：我「被罷課」，但我唔會參加罷課運動，我係分裂「民主派」嘅罪人，共產黨最開心。
作者：南宮行
(larrylo)
0
0本貼文共有 0 個回覆
此貼文已鎖，將不接受回覆
| 發表文章 | 發起投票 |