頭先響屋企附近畀個健身中心sales拉住
平時我肯定唔會睬佢地
但今次個sales居然跟左我十幾二十米
又話present多一個客就收工，又話老細睇住，又話聽佢講十幾秒野就得
唔知點解我竟然會一時心軟，同意聽佢present，就當係日行一善，幫佢做場戲啦

聽佢講完十幾秒廢up，佢話會送返張試玩卡 (我其實都無興趣)
本來我以為佢會即刻畀張卡我就搞掂
點知佢居然想帶我上去健身中心領取
唔好意思，大街大巷就多人睇住，對方唔敢做乜野姐
上到去容乜易又會用十幾廿分鐘hard sale我架？
況且明明佢講明只需聽佢講十幾秒野就得，而家同個事實有出入，我已經唔再信佢
我只拋低一句：「我係唔會跟你上去」，頭都唔回就用九秒九速度離開現場

一句講晒：如果一個sales要用呃呃騙騙既手法先至sale到客，佢真係要好好檢討一下