原文：http://polymer.hkgalden.net/articles/2014/12/02/9163/



此文致社運偶像林輝。

你問我停止打飛機爭取普選有冇用？係呀，應該冇用o架，你知我知，黃之鋒都知。你估我諗住停止打飛機之後就會感動到689，感動到中央，然後有普選？咁你真係太睇少我。

不過，我地一直以來，唔係一直都做緊啲冇用o既嘢咩？紮營有冇用？鳩嗚有冇用？衝有冇用？其實可以話全部都冇用，做左兩個月，被人拉被人打o既同路人無數，但政府一步都冇退過，我地連普選邊皮都見唔到。

但係，既然冇用，點解你又做？點解你唔放棄返屋企？點解你仲拎住個頭盔出去俾人扑？

因為你心底仲有一道傲氣，覺得冇理由咁就放棄認輸。

因為你心底仲有一份希望，覺得總係仲有機會，仲可以行前多步。

然後你發覺，其實只要大家一齊行，就可以越行越前。有啲嘢冇做過，你唔會知結果；做左，屎忽撞掍又竟然有成效。有啲嘢你做咗，發現原來柒咗，咁咪返回原地，重新上路。

總之死唔斷氣，死唔放棄，就總有生機。跌低左，旁邊戰友扶一扶起，又可以繼續嚟。

徐仲思