如果得罪到巴打唔好意思

我本身喺“公共“服務機構返工 風涼水冷 又冇咩做
呢度又有冷氣 又有電腦 又有書睇 又有報紙雜誌
跟住就有好多遊手好閒同退休人士 老人家嚟hea

但係出奇地當中有唔少都係好後生 至少唔會好老 好多都40歲樓下
日日嚟hea 有啲個年資仲耐過我喺度做 睇書上fb上youtube之類

咁都算啦 有啲就情緒唔穩定 例如唔敢望人 唔敢接近陌生人 有啲見到陌生人行埋嚟會自動彈開三尺
講野一舊舊 下一秒就唔記得上一秒想做乜 唔能夠理解或者應付簡單對答
我講呢啲情況係由15至45歲不等都有出現
呢啲都唔緊要
有啲真係比較激動／有攻擊性 坐低唔肯讓位 郁啲就屌人老母
有啲對住部電腦係咁屌 一路行一路同“幾個fd“講野（應該係思覺失調）又試過有人拎支筆揚嚟揚去
同其他人起爭執 有時小事郁啲就情緒爆發boomboom聲 屌呀粗口呀呢樣嗰樣 最後又要報警

不過其實又唔係驚發生血案或者咩 只係應付得多呢類人自己精神上都好攰 真係溝通唔到
硬係愈做愈周身唔自在 但係份工本身物理條件又幾好 真係唔想唔撈
其實唔好話歧視定乜野 但係有時對得多真係會唔多舒服 唔自在

btw 我都係呻下 我都知冇方法解決