謝霆鋒與胞妹謝婷婷噚日去咗大潭水塘放生金魚，為尼泊爾災民祈福，兩兄妹原意係好，但放生此舉就唔太鼓勵，予人好心做壞事之感，事關喺水塘放生動物，隨時違反香港法例、《水務設施條例》第30條。其次漁護署一直呼籲市民唔好胡亂放生，因為未必適合養殖出嚟嘅金魚。而唔少網民喺網上留言洗版，鬧爆霆鋒及婷婷胡亂放生。

今日霆鋒現身中環結志街，有報道指佢買咗幾個舖位，其中一間係會做曲奇餅店，嚟緊就快開張，霆鋒今午五點幾，去到呢間名為「鋒味by Beyond Dessert」嘅餅店拍宣傳片，拍到大概6點幾離開，被問到與婷婷放生金魚，遭網民勁鬧嘅事，佢笑笑口話：「錦鯉嚟㗎！」之後就上車離開。

資料來源:http://hk.apple.nextmedia.com/enews/realtime/20150430/53690706