有冇咩comment

我睇嗰陣一直諗緊究竟套戲係真，定係其實係演員黎。可能我習慣左香港嗰種生活模式，所以我覺得兩個唔識嘅人無端端喺度討論死刑啱唔啱同埋無端端叫司機拍片講遺囑都好奇怪。

我個人覺得伊朗係一個個好封閉嘅國家，人與人之間應該冇互信，因為對方隨時投訴你，等你俾人拉（套戲去到後尾嗰個紅玫瑰女人都有提及），但係拍片講遺囑嗰度又唔係咁，因為遺囑呢樣野竟然交托一個三唔識七嘅的士司機幫手，少d信任都做唔出。

我已經嘗試放低香港嗰種思考模式，但係我睇套戲嗰陣依然有時會諗佢真定假。

一開頭個老師嘅價值觀同一個賊仔嘅價值觀呢個係好好嘅矛盾位，個老師有點左膠嘅味道；個賊仔見慣世面，而且似乎盜亦有道。更加好嘅係後尾導演個姪女份電影功課嘅框架又扣番個老師嘅身份。唔要現實主義但係又要取材於現實，反應伊朗老師都會刻意要求學生美化伊朗。

利申，如果俾我識着好似個姪女咁嘅人我驚我會車佢幾巴，好撚煩膠，不過佢煩極都唔夠去放生條魚嗰兩個阿嬸煩