仆街出面打蛇餅， d 巴士又疏，又無小巴… 返到公司得小貓幾隻。

老闆就晨早響房，叫我入去問點解遲到…

我話等車耐，佢就話你一早知兩點落八號都唔識早 d 出門咩？ 我心諗出面有車先得架？平時坐開 d 小巴都無開

俾佢照完跟住同秘書講當我遲到，我真係好滾！好想衝入房屌爆佢

老闆你自己有車當然控制到時間話返就返，你逗你萬零蚊人工趕頭趕命返來同你賣命你都要體諒下呀！如果我今日唔返你 d order 過 dead line 啦

可惜我係一個要養家既毒撚，只能忍…但勤工獎就咁無撚左



跟住秘書吹水安慰下我，我問佢其他人無返咪好大鑊？
佢話其他人唔係請 AL 就 SL (我真係無撚野講，一個二個射波)
我跟住問秘書你住將軍澳點會咁早返到來既？
佢話：「啊，老闆打來話車埋我囉 」 (仆街老細，又唔見話車埋我 )

各位巴打，共勉之…