依家所有嘅 Social Media，佢除左用黎比大家去旅行時貼相鳩威，去食勁飯同正女時晒命之外，佢今時今日仲有一個功能，就係賣廣告。所以佢會有以下特色：

1. 整個架構都係以發掘 KOL (Key Opinion Leader) 為主，所以你會好方便咁發言，又可以好方便地分享，但若果想討論一個特定題目就會有心無力，所有嘅回覆晌第一篇文時已困死左方向，你要講另一個角度，麻煩你另開新文
2. 因為方便賣廣告，所以佢會將每一個人落好多 tag，之後再將有共同 tag 嘅人聚埋一齊，例如你會見到同 tag 嘅人嘅文章嘅機會比較多，你甚至可以將一啲自己唔喜歡嘅題目排除在外。

即係 Social Media 嘅溝通係比較單向，一言堂，唔適合多元討論之餘，又因為作為賣告平台嘅特性，令你身邊志同道合者越來越多，其他意見越來越少，所以 Social Media 除左係一個方便溝通同交換資訊嘅平台之外，亦都係一個容易令各方意見極端化嘅地方。現時晌網網上誕生嘅網媒，十居其九都會同 Social Media 有互動，於是就更受影響。而香港嘅本土思潮久久唔能夠取得合作共識，我認為呢個亦都係其中一個重要原因。

簡而言之，要成功，就要要做好情報工作。正確地評估當下狀況，唔比眼下全部氣上心頭嘅支持者打亂，係大家最需要通過嘅考驗。

反而高登膠登呢類討論區會更方便討論。