長輩成日同d後生仔講「食鹽多過你食米」，但係有冇諗過呢句野既logic係點？

我認真mode咁照字面去解，如果你真係食鹽多過我食米，你晨早死撚左啦，因為你根本就食錯野。

人生經驗係有分多與少，但係你既人生經驗未必係正確，至少可以肯定唔適合我。姐係譬如我要由柴灣搭地鐵去觀塘，我搭到去金鐘站轉荃灣線，再由旺角轉線，兜個大圈去番觀塘，呢個係我既經驗，但係好明顯唔係一個最好既經驗。

故此「食鹽多過你食米」，只能反映出你既人生經驗比我豐富，又唔代表你既經驗係最好。

最重要既一樣野係，你地知唔知點解你地食鹽多過我食米？唔係因為你醒目、有智慧，亦都唔係因為你讀得書多，只係因為你地早出世過我幾十年。

我落街跑步，啱啱先開始跑，你地已經跑左5K，咁你跑得多過我好撚正常姐。

我玩一隻game，去到Lv.5既時候俾個Lv.10既人屌打，唔係因為我廢，而係因為我玩既時間唔夠多。如果大家同一時間玩既話，邊個去到Lv.10先都未知。

所以，你人生經驗豐富過我係正常，但係冇得用黎向後生仔打J，你要比就比下同你同齡班人邊個見識多d。冇人可以話自己既經驗一定係最好，經驗呢樣只係有少少參考價值。