長毛從政幾廿年，頂上風中飛揚長髮，捱到今日油膩膩灰白毛冷，版本除了掟鞋、掟蕉、掟杯，曾幾何時，引經據典窒到蔣麗芸口啞啞，幾乎芸斷議事廳啲火那裏去了？

隨年歲增長最近掟埋啲冇嚟火氣、軟賴賴午餐肉，真係隔夜油條，唓……

忠實粉絲如筆者惜長毛，愛之深都要喊一句：收皮啦，唔好咁折墮繼續演小丑角色，獻世有餘回天乏術You don't get to anywhere！

去年，少年黃之鋒登上長毛恨之不得Time封面。

今年，二五仔游梁，簡直二枝成一雙獨秀，你唔好理，中央要釋法，肥彭訪港開口指摘。

如果我係公關公司Occasion大將、天下第一關公鄭兆康，定必簽約羅致成為旗下明星藝人，每次出席公關活動例必轟轟烈烈，就算黃曉明加Baby也難望項背、No Way？

有冇咁誇張，點會冇？

中央何曾為黃B二人大動肝火？

當然冇，長毛更加連影都冇！

連將國旗、區旗倒轉，好彩俾正氣凜然河東獅吼蔣麗芸逮個正着……嗰位阿邊個、阿邊個都撈到半身彩。

例如游梁二人出席中環皇后像廣場聖誕樹亮燈儀式，收出場費二十萬一位（肯定高過好歌蘇永康），好似係律師嗰位阿邊個也定收硬人氣價二五折，5萬。

收順啲冇壞，又唔使佢還選舉費、月薪俾香港政府並納稅人，游梁之嘛！

不過一百八十萬，點算係錢？

如果何超瓊旗下法蘭西．鄭肯簽，一個月去九次Function已經係番晒度。好運得到賞識，廣告客戶有興趣，例如Idea愈做愈唔知想點嘅LV，甚至禮聘華人第一名模劉雯當代言人，大大張照片掛在Armani中環專賣店普照電車路，劉小姐的青雞面、三白眼表露無遺。

游梁起碼更青春，身罹起伏跌宕無損青春無敵，未露殘態，絕對代表……點止鴨脷洲？

中國香港、中國，甚至東亞，可能全世界反動正能量青少年，給那些老不死認識何謂「小學雞力量」，以他們為代表，隨時轟動陷世界，就是肥彭憂慮因游梁效應、帶動香港民主活動並進程倒退，點啫？

話知你、當年教改認真成功，新世代紅衛兵接棒係時候啦，醒定啲啦長毛代表的老鬼，無力阻住小學雞嘅地球轉啦！