我間房盞房燈每次開燈都眨好耐先著嘅
咁我今日就襯得閒拆落嚟睇睇 順便洗埋燈罩
拆咗燈罩落嚟 首先就換咗個匙躂 發覺換咗都係冇分別 都係眨
跟住我就拆個光管落嚟 換返個士啤光管上去啦 點知都係一樣眨眨眨
好 望落去唔關匙躂事 唔關光管事 咁即係代表個火牛死左啦

主人房盞房燈本身設計係放兩條光管嘅 所以係有兩個火牛既
後來因為搵唔到個隻細碼既光管 所以第二隻火牛一路都係冇用到
既然係咁 不如拆落嚟 換返上去我間房嗰到啦
跟住我就準備落手拆火牛
不過換呢啲嘢之前 當然就去啪返電箱嘅制會安全啲啦

咁我就擒上張凳上去打開個電箱準備啪制
喺個電箱度首先見到睡房冷氣機嘅制
咁我就試下啪哂佢 睇下有冇斷盞燈電
係冇嘅
跟住見到睡房插蘇嘅制
咁我又試下啪佢 睇下有冇斷盞燈嘅電
係冇既
再落去望吓 哦 原來有粒廁所客房燈同抽氣扇嘅制
咁我又試下啪佢 睇下有冇斷盞燈嘅電
係冇既
我心諗 唔係掛 呢粒都唔啱？
跟住我抱著極度懷疑嘅心態 啪埋隔離客廳燈制
你老味終於斷到電

好啦 總算完咗呢段小插曲 我可以返返正題
咁我就拆咗個火牛換返上去啦
去啪返粒制再開電

個光管眨咗幾眨...
兩端開始著橙色同粉紅色既光...
我熄咗佢 再開 就已經剩低橙色同粉色光
見到咁我唔知點好
會唔會係駁錯線？
又唔係吖 掉轉咗啲線都係唔得
呀 仲有隻士啤光管 試埋佢
屌燒撚埋 唔著
得得得 我換返舊嗰個火牛上去 睇下點
換咗上去 兩隻光管直情係着到唔着

去到呢度...
I have nothing else to lose
我就攞左主人房嗰條光管放上去我間房度
今次眨兩下就著...

所以 最後嘅結論係兩條光管壞哂 得主人房嗰條冇事 同埋主人房拆出黎嗰個火牛好有問題...

太長冇睇：比盞壞嘅燈玩同埋電箱玩殘 但盞燈最後都work返