是咁的
小弟一直都想寫一個魔法故
但有一個問題我一直好困擾
就係我想有一幅具體小小既地圖
比起冇地圖就寫/就咁起小小草稿撩下我覺得有幅實際地圖好玩啲
但係問題就係我唔係好識畫
又冇話玩MC/佢d mod果啲
所以想睇下有冇巴絲可以幫下拖
係咩遊戲既地圖編輯/手繪都冇所謂

背景:
一塊比海圍繞既大陸 冇其他島嶼(因為唔打算玩海/船戰)
大陸上有四個國家 最弱果個國家係由各獸人部族統一而成
所以設計上可能係比較多叢林/少啲官路
而其他三國大約可以諗成古代/城堡時期
有大大小小既城市,亦可能有極少數荒遠既小村落
城市與城市之間會有官路
即係每隔幾里有哨兵看守,比一般人/商人行既比較安全同平坦既路
小路就係冇修葺過,亦冇人照住,亦可能係森林區,不過可能會路程短左

第三國同獸人國係fd啲,領土都係相接
第二國係以商立國,以一個聯盟形成運作,由幾個家族/領主組成,唔係一個皇帝話事
第一國係軍事力量最強既國家,領土亦最多
除此要有一個中立區域,一座至兩座大城,可連接一二三國
係商人通往其他國家通商既唯一途徑,亦所以依一至兩座大城幾繁華,亦係唔同國藉人士聚居之處

地圖上最緊要有幾樣野:
一係城市,你可以用正方形表示就夠,你鍾意畫埋入面有乜都得,隨你鍾意
二係官路
三係森林,多啲都唔怕,畫到除左官路之外都係森林區都冇所謂
四係山崖,一個地區總係有幾座山,又或者山路連接幾塊地方,不過唔係太必要
其他湖,海,地形,地勢可隨意發揮

利申: 個魔法故我之前都有寫過五萬字架喇
不過果啲只會用黎參考
而不久既將來我會著手重新寫過 故事開始既時間點會有唔同

唔使係度追我篇甜故 星期四五mid term考完我再同你地癲