美國讀歷史既好處就係好少河蟹
之前讀中史都有教文革同64，仲有紀錄片睇
中學時從來未試過咁深入咁接觸，以前都係上左隔離登先開始有反共意識，所以雖然用英文讀中史同日本史好辛苦，不過真係大開眼戒

最初因為對武士、幕府同幕末有性趣走去讀幕末到近代日本史
當然我大學major都要求我讀日本史 但係越讀越覺得有趣

我就先拋磚引玉，講下近來我讀到幾得意既野
唔知大家知唔知以前日本天皇係有天皇血統既男女都可以做？
日本女性既自由同權利比同時期既中國多好多，以平安時代為例子，女性貴族可以繼承屋同地，亦可以主動提出離婚
不過平安時代已係高峰，到鐮倉幕府時日本女性人權已開始變差，直到20年代初日本開始現代化後先有好轉

好諷刺地女性人權高峰既平安時代一個女性天皇都無，
而直到德川幕府時代先出現日本最後一任女性天皇，中間所有天皇都係男性，點解？
就要由奈良時代最後一位女性天皇－孝謙天皇開始講起，
奈良時代係最多女性天皇既時代，7任天皇內有4個係女人，孝謙天皇亦都係少數卸任後重新上任成為天皇既人

是咁的，話說孝謙天皇老豆叫聖武天皇，佢推崇佛教，建立東大寺又鑄造有名既東大寺大佛

影響到孝謙天皇都信奉佛教，佢身邊有個和尚叫道鏡，由東大寺被孝謙天皇招入宮。
孝謙天皇卸任後，有一年佢病左瀕死，係道鏡醫返好佢。呢段期間，發生政變，孝謙天皇重新上位，是為称徳天皇
自始之後道鏡就被升到可以參與政事既職位，因為有称徳天皇撐腰，佢一直升職，區區一個和尚仔權力竟然越來越大，大到佢隨時可以謀住天皇呢個位，令到宮廷中其他大臣相當不滿。称徳天皇過身後，道鏡亦被放遂去郊外，失去權力
称徳天皇咁搞一搞，日本仔怕晒女人當權，因為佢地太容易受男人影響而根據自己喜好升職。相反男性天皇幾寵愛佢身邊既女人都好，都唔會俾佢地參與政事搞搞震。令到差不多一千年之後先出現另一個女性天皇，仲要無下一個。

我估好多人會TLDR[/size=2]