以自己及身邊多位結婚朋友經驗…我發覺結左婚真係同你對住老母無分別：

老母：
1) 鐘意搵別人個仔同你比
2) 俾家用永遠都嫌少
3) 鐘意煲TVB無聊劇，八掛雜誌學者
4) 自己外家先係自己人，老豆家人就係外人/敵人
5) 唔想你出去應酬，要你成日留在屋企但同時想你要有高收入/搵錢門路
6) 你閒在家中就話你唔上進
7) 永遠聽人地講，自己個仔講既野就唔聽。重要頂你一句：「你識乜野呀？！」
8) 細個陣就叫你 BB，大左就喝你叫「死仔」或者你全名
9) 但有事要你幫手個陣就叫你「阿仔」，解決到就叫「乖仔」；解決唔到就叫「衰仔，無鬼用」/「死仔包，生舊叉燒好過生你」
10) 永遠當你個胃係黑洞，迫你食好多你唔想食既野/好濃既怪湯

老婆：
1) 鐘意搵別人個老公同你比
2) 俾家用永遠都嫌少
3) 鐘意煲TVB無聊劇，擁有熟背八掛雜誌/時裝雜誌技能
4) 自己外家先係自己人，老公家人就係外人/敵人
5) 唔想你出去應酬，要你成日陪佢但同時要求你有高收入/搵錢門路
6) 你閒在家中就話你唔上進
7) 永遠聽人地講，自己個仔講既野就唔聽。重要頂你一句：「你識條春咩？！」
8) 初初拍拖個陣就叫你 BB / 眶稱，結左婚就喝你叫「死佬」或者你全名
9) 但有事要你幫手個陣就叫你「老公」，解決到就叫「叻叻」；解決唔到就叫「癈柴，無X用」/「Hi Hi，你死 X 左佢啦」
10) 永遠當你個胃係黑洞，迫你食好多佢食淨既野/佢煮左唔好食既野




不過，我地都係好愛呢上述兩位大家身邊既女士。証明男人係犯賤的。