下午五點半。

「我地練到呢度就算啦。」強叔整理琴譜，「你地兩個把聲都好好，合唱時亦都好夾，相信要嬴真係唔難架。」

「當然都多謝強叔你嘅指導啦。」我感謝強叔。

「多謝強叔！」阿晴扮成士兵敬禮咁向強叔致謝。

「哈哈，呢個女仔真係得意。阿頌你要好好珍惜人呀。」強叔不忘提醒我。

「哈哈，我會架啦。」我只好微微一笑，「咁我地走啦。」我同阿晴行去門口。

「好啦，掰掰阿頌阿晴。」強叔向我地揮手。

「掰掰。」我同阿晴亦都向返強叔揮手再見。

...

「喂阿晴，我使唔使送你返屋企？」

「唔使啦我都係搭程車姐，前面就係巴士站喇。」

「咁呀，你自己小心喇喎。我走喇掰掰。」

「咪住！正常情侶走果陣唔係有good-bye kiss嘅咩。」

「吓？街黎架喎。」我難掩驚訝。

「哈哈，你真係信架。講笑咋傻仔，我邊會咁易比我個初吻你。唔講喇車黎喇，走啦你！掰掰。」阿晴笑住咁跑過去搭車。

「真係比佢玩死。」望住上左車嘅阿晴，只好向佢揮手道別。

我地兩個之間係咪真係男女朋友關係呢？

其實我都唔肯定。

但係我剩係知道，我同佢相處果陣好開心，好舒服。

咁就已經足夠喇。

文呢








留名

話咁快就到左我地學校聖誕節比賽嘅初賽。

我同阿晴以組合「晴空萬里」參賽。

至於點解叫呢個名，只係單純因為我地每次練習嘅時候天氣都係晴空萬里，同埋都因為阿晴個「晴」字，因而得名。

我望一望坐我旁邊嘅阿晴，突然回想起當日坐我旁邊嘅人，係慧。

突然有啲唔習慣。

雖然我同阿晴唔係識左好耐，但都為左呢次比賽練習過好多次。

然而，參加今次呢個比賽，我為我嘅拍擋唔係慧感到有啲唔慣。

即使我同慧嘅關係已經僵持左接近一年，但當我有時獨處嘅時候，都會偶爾回想起同慧相處嘅時光。

短暫但係深刻。

但係。

無論如何，我認為我都係應該忘記慧。

中五之後，我有冇機會同佢再會都係一個疑問..

諗下諗下，比賽都即將開始。

我拍一拍我塊臉，打醒十二分精神。

依家我要做嘅，就係嬴得決賽權。

絕對唔可以分心。

「之後輪到嘅組合係『晴空萬里』，有請！」司儀宣佈我地上台。

我同阿晴各自拎住一枝木結他上台。

「大家好呀，我地係『晴空萬里』，今日我地要表演嘅歌係韋禮安嘅『還是會』。多謝大家。」

首先由我開始。

我閉起雙眼。

慢慢奏起前奏。



https://youtube.com/watch?v=9dK9Krc4QNo

.
.
.
「在日出之前 能不能再看一眼 你的臉

　在離開以前 能不能再說一些 真心的諾言

　能不能給我 更多的時間 就躺在你的身邊

　把這畫面 你靜靜的臉 溫柔的肩 記在心裡面

　還是會

　害怕 醒來不在你身邊的時候

　害怕 從此不在你左右

　或許我

　還是會 還是會 還是會不知所措

　從今以後沒有我 你會不會

　太寂寞...」
.
.
.
「...多謝大家。」

掌聲隨之而響起。

我靜靜感受觀眾給予我地嘅掌聲。

自我開始表演以黎，都聽過來自觀眾唔少嘅掌聲。

每次我都好樂意聽到佢地透過掌聲給予我地嘅支持同埋鼓勵。

唯獨今日，我特別享受。

可能因為今次可能係我最後一次喺學校表演...如果我地入唔到決賽嘅話。

但係一切都係未知數，入到當然係BONUS，即使入唔到，我都唔會留有遺憾。

我慢慢走落台。

「一切就由佢順其自然啦。」

推

我一直追緊 皮已正

推

皮已正

明叔BAND房內，我同阿晴喺度練習。

原因，當然因為係我地已經進入決賽。

我地當然會把握住呢個最後一次喺學校表演嘅機會。

相信我同阿晴嘅目標都係一致－－冠軍。

為左目標，我地固之然要練習。大量嘅練習。

然而，初賽練習果時，強叔次次練習都會幫我地，但係今日強叔唔得閒，所以今日得我同阿晴兩個人喺BAND房練習。

冇左強叔嘅督促，我地難免有偷懶嘅時候。

我同阿晴並肩咁攤喺梳化上，身上仲掛住木結他。

「唉，練左咁耐，唔抖下都唔得啦。」阿晴閉起雙眼休息。

望住閉起雙眼嘅阿晴，佢微微泛紅嘅臉好可愛。

搞到我有啲衝動想輕輕錫落去。

但我冇咁做。

雖然我地係「話名」嘅男女朋友關係，但係我仍然唔敢作出越軌嘅行為。

心裡面好似仲有層阻隔一樣。

至於果層阻隔係咩...就連我自己都唔知。

阿晴打返開雙眼，望住阿晴發呆嘅我都馬上回神，企左起身。

「我地繼續練習啦。」我望一望捽緊眼嘅阿晴。

「好啦！我地要努力呀！」阿晴企起身伸懶腰。

「咁我地練返頭先個chorus啦。」我拎起我寫滿筆記嘅樂譜。

...

阿晴一路望譜一路掃佢嘅木結他。

我望住認真練習嘅阿晴。

其實我諗咁多做乜？

無論阿晴係我女友又好，拍擋又好，朋友又好。

我都當佢係我心目中其中一個最重要嘅人。

就好似我當時對慧一樣。

...

講起慧，唔知佢依家點呢。

...

「唔得。」我真係要忘記佢。

繼續諗住慧，只係會對唔住重視我嘅阿晴。

我都好重視阿晴。

我過往已經因為逃避唔敢講出自己真正嘅想法而錯失左好多野。

所以今次嘅我，唔會再比同樣嘅事再發生...

「阿晴。」

「嗯？」阿晴停止彈奏。

我握緊阿晴隻手。

「你可唔可以做我女朋友？」

「吓？」只見阿晴錯愕咁企喺度，傻傻咁望住我。

「我希望你做我真正嘅女朋友，而我亦都希望做你真正嘅男朋友。」

阿晴只係呆哂咁企喺度，一句說話都講咁出。

我都係第一次見樣子咁驚訝嘅阿晴，就算係上次果次表白，佢都只係笑笑口，可能佢以為當時嘅我我唔認真。

但今次嘅我認認真真咁再次向佢表白，佢反而驚訝到連野都講唔到。

「請容許我再次向你表白。」我再握緊阿晴隻手，「亦都希望你能夠再次接受我。」

「你...你講咩呀...？」阿晴慢慢冷靜落黎，但我仍然睇得出佢好緊張，「你...一直都係我男朋友呀...一直都係我，真正嘅...男朋友。」阿晴睇落有啲臉紅。

面對住咁嘅情況，我只好微微一笑，輕輕咁擁抱著阿晴。

呢一刻，我覺得我好幸福。

雖然男仔用幸福呢個字眼有啲奇怪...但係我諗唔到第二個字形容我依家嘅心情。

一直以黎轉數好快嘅阿晴喺呢一刻只係默默咁擁抱住我。

...

「阿晴。多謝你。」

追左好耐，終於live啦
加油巴打

水泡？

水泡？

男主角
人渣

講起我對今年決賽嘅睇法，我嘅心情可以話係好壞參半。

好就當然係因為今次係我最後一次參賽，自然相當期待。

壞亦都係因為今次係我最後一次參賽，一諗到之後再冇機會喺學校表演，就難免帶點失落。

無論如何，我都會把握呢次最後嘅機會，攞到冠軍。

坐喺後台嘅我，握住同上年一樣嘅電結他。

心情卻截然不同。

今次決賽揀嘅歌，正正適合我依家要做嘅事。

我拎起褲袋入面嘅耳機，播放手機入面嘅歌，開始輕輕哼起歌。



https://youtube.com/watch?v=qySMxzayRcM
(周杰倫 - 回到過去)
.
.
.
「一盞黃黃舊舊的燈　時間在旁悶不吭聲

　寂寞下手毫無分寸　不懂得輕重之分

　沉默支撐躍過陌生　靜靜看著凌晨黃昏

　妳的身影　失去平衡　慢慢下沉

　黑暗已在空中盤旋　該往哪　我看不見

　也許愛在夢的另一端　無法存活在真實的空間

　想回到過去　試著抱妳在懷裡　羞怯的臉帶有一點稚氣

　想看妳看的世界　想在妳夢的畫面　只要靠在一起就能感覺甜蜜

　想回到過去　試著讓故事繼續　至少不再讓妳離我而去

　分散時間的注意　這次會抱得更緊

　這樣挽留不知還來不來得及　想回到過去...」
.
.
.
我閉上雙眼。

我想回到過去嗎？

...

不。

我唔想回到過去。

過去已成過去。

儘管「佢」嘅身影已經消失在我眼前，但另一個「佢」亦都企喺我嘅身邊。

周杰倫演繹嘅「回到過去」演繹得好好。

但今日嘅我，實在唔能夠徹底咁感受同體會到歌中帶出嘅意味。

相比起回到過去，我更想嘅係...

「跟住落黎，有請組合『晴空萬里』。掌聲歡迎！」台上嘅司儀呼喚我上台，我只好放低耳機，慢慢行去舞台上。

「大家好我地係『晴空萬里』，今日我地要表演嘅歌係『回到過去』。但係，唔係周杰倫嘅『回到過去』，係相同歌名，由張震嶽同林芯儀主唱嘅『回到過去』，多謝大家。」阿晴向台下講出我地即將要唱嘅歌。

冇錯，即使係同樣嘅歌名，但表達嘅野、曲風都完全唔同。

我嘅心態都隨之而變得唔同。

我深呼吸，彈奏起前奏。



https://youtube.com/watch?v=kwX-nw1bhcU

.
.
.
「時間它像是河流

　慢慢的輕輕推送
　
　有時候像是旋渦

　很難靜止而不動

　開心的 傷心的

　一輩子 能改變什麼?

　能相信什麼?

　遊走在夢的盡頭

　也常常不時回首
　
　人與人擦身交錯

　誰停留誰又遠走

　我曾經 犯的錯

　我曾經 留下的遺憾

　就讓它去吧

　如果想要回到那過去

　但是你我之間存在遙遠的距離

　試圖去彌補破碎的縫隙

　我學著不放棄...」
.
.
.
「願你牢記我曾經愛過你　因為有你我才學會相信愛情

　關於過去的事就藏心底　未來依舊有你的回憶...」

回憶就由佢藏在心底。

與其回首過去，不如望向前方，慢慢前進。

「我曾經 犯的錯

　我曾經 留下的遺憾

　就讓它去吧...」

...

「多謝大家。」我向台下深深鞠躬。

結束，唔一定失落。

參賽前嘅我，因為今次係最後一次參賽，而感到失落。

但係比賽完，呢一刻嘅我，反而無感覺到任何失落。

取而代之嘅係，覺悟嘅心。

儘管未來係未知之數，但係與其執著於過去，倒不如逐少逐少咁，一步一步咁向未來邁進。

無論係邊一方面都好...

「時間唔會倒退。」儘管係一句老掉牙嘅說話，甚至係一句廢話，但我最近先理解到呢句說話嘅真正意思。

人往往都會喺過去做出錯誤嘅事，現在就希望回到過去作出補救。

但回到過去係冇可能嘅事，但受過去所束縛住嘅佢地就不能夠向前方邁進。

結果失敗嘅事就只會愈疊愈高，當你肯望向前方嘅時候已經太遲。

令我明白呢個道理嘅人，就係喺我身旁嘅阿晴。

參加今次嘅決賽，除左希望攞到冠軍之外，仲增添左另外嘅意義。

令我有新嘅領悟。

希望今後嘅我會愈黎愈進步，不停前進。

喺台下等待結果嘅我，並無一絲緊張。

雖然我唔緊張，但又唔代表我唔想攞到冠軍。

始終我都想知我同阿晴努力得返黎嘅成果係咩。

我望一望住我身旁嘅阿晴，佢一邊望上台，一邊咬唇，睇得出佢好緊張賽果。

「順其自然啦阿晴。唔使咁緊張喎。」

「唔緊張就假喇...呀你睇！評判老師上台喇。」阿晴指向行緊上台嘅楊仔。

我望向楊仔，等待宣佈賽果。

靜靜咁，等待。

...

「...之後落黎，就係輪到組合方面嘅頒獎喇！」楊仔揭開摺疊左嘅評分紙。

「今年度組合方面嘅冠軍係...」

我望向擺喺遠處長枱嘅冠軍盾牌。

我能夠得到佢嗎？

答案馬上就會知道。

「冠軍係...」

我吞一吞口水。

「『晴空萬里』！恭喜！有請得獎同學上台領獎！」當楊仔宣佈我地得獎嘅一刻，全禮堂掌聲四起。

我亦都幾乎企起身舉高雙手慶祝。我再望望身邊嘅阿晴，佢已經由個位到彈起身歡呼。

我地快步行上台，深深咁向台下鞠躬答謝。

「恭喜你。」楊仔微笑著向我恭賀，亦都向我地遞向我呢兩年黎一直夢寐以求嘅冠軍盾牌。

上年我失落冠軍，今年，亦都係最後一年嘅我，首嘗冠軍滋味。

我同阿晴一齊舉高盾牌，向台下大聲呼叫。

「多謝大家－－！」

十二月二十四日夜晚，平安夜。

我同阿晴兩個人喺擠迫嘅尖沙咀觀賞燈飾。

雖則話就話係睇燈飾，實情我嘅注意力都唔係擺喺華麗燦爛嘅燈飾上。

我嘅視線，當然經常性咁停留喺抬頭望住燈飾嘅阿晴。

有時發現有趣或者漂亮嘅燈飾嘅時候，阿晴都會興奮莫名咁捉緊我隻手臂，指向遠處閃爍嘅燈飾。

有時發現有人喺路邊唱聖詩嘅時候，阿晴都會隨著節奏慢慢咁擺動身體。

有時發現凍風吹過嘅時候，阿晴都會輕輕咁靠近我，希望得到更多嘅溫暖。

我地兩個人手握住手，漫步呢個人潮擠湧嘅街道，每當阿晴做出有趣嘅舉動嘅時候，我地都會笑到見牙唔見眼，雖然比人望住嘅時候有啲尷尬，但我同阿晴相處嘅時候，就好似唔再介意其他人嘅想法一樣。

可能我慢慢都比活潑嘅阿晴同化左。

講起平安夜嘅尖沙咀，唔少音樂人或者樂隊都會聚集喺海傍，喺寒冷嘅夜晚為市民帶來音樂。

我同阿晴當然唔會錯過呢個機會，但我地今次唔係做一個表現者嘅角色，反而係做一個觀眾嘅角色。

每一班表演者都有圍住一班觀眾，我地慢慢行過每一個由觀眾圍成嘅圓圈，細心聆聽每個表演者嘅演出。

我地冇專登停低去聽每一個演出，直到我行到差唔多喺海傍嘅盡頭嘅時候。

佢地係一個四人組成嘅樂隊，有貝斯手、鍵盤手、鼓手，同一個握住電結他嘅主唱。

而果位主唱好似好熟口面...我行近細心一睇，原來係Donovan，前Dreaming Birds嘅主音。

我冇專登過去打招呼，只係慢慢行入觀眾群，睇下佢地嘅演出。

「咁我之後落黎，要送比大家一首日文歌，係一首相當適合今日呢個日子嘅歌。雖然香港唔係一個會落雪嘅城市，但我都希望我呢首歌能為在場觀眾澆一場由我地音樂組成嘅『粉雪』。多謝大家。」



https://youtube.com/watch?v=GFl21L7wZiA

.
.
.
「粉雪舞う季節はいつもすれ違い
　總是錯過細雪飛舞的季節

　人込みに紛れても同じ空見てるのに
　就算人潮擁擠紛亂　也看著同一樣的天空

　風に吹かれて 似たように凍えるのに
　冷風吹拂　相似的冰凍

　僕は君の全てなど知ってはいないだろう
　我能不瞭解你的一切嗎？

　それでも一億人から君を見つけたよ
　因為我在一億人中遇見了你

　根拠はないけど本気で思ってるんだ
　雖然沒有證據　但我真的是這麼想

　些細な言い合いもなくて同じ時間を生きてなどいけない
　沒有細微的口角　就無法在相同的時間內相處

　素直になれないなら　喜びも悲しみも虚しいだけ
　若無法變得誠實坦承　喜悅與悲傷也都是虛幻

　粉雪 ねえ 心まで白く染められたなら
　細雪 啊 若連內心都染成雪白一片的話

　二人の孤独を分け合う事が出来たのかい ...
　是不是就能分享兩人的孤獨...」
.
.
.
(中文翻譯由上網參考外加自己翻譯)
.
.
.
我同阿晴都向佢地嘅表演報以掌聲。

但我地都冇逗留好耐，我同阿晴行近海傍嘅欄杆，望向維多利亞港。

我地彼此都冇出聲，我只係默默咁望住海港發呆。

「你做咩突然唔出聲呀？」阿晴見我有啲沉默，忍唔住問我發生咩事。

「吓？冇呀。你唔覺得好靚架咩。」我望一望阿晴，再示意佢望向對岸。

我望向天空，今日月亮冇出現，但係平安夜呢個日子令到唔少大廈都應節咁喺外牆鋪設燈飾。燈飾發出黎嘅光反映落去漆黑嘅維多利亞港，燈飾就好似浮喺維港嘅水面，隨著波浪起伏。

良久，我望一望阿晴，發覺佢都同我一樣一直都望住水面發呆。

「你係咪都覺得好靚呢。」我問阿晴。

「唔係呀。」點知阿晴嘅答案令我此料不及。

「吓？咁你又同我一齊望咁耐嘅，哈哈。」

「我見你喺度望燈飾嘅倒影望左咁耐，我心諗你點解唔直接睇燈飾呢？咁我咪唯有跟住你望下睇下有咩睇囉。」

「....」我比阿晴搞到無言以對。

「望左咁耐，我得出嘅結論都係直接睇燈飾好過。你睇夠架啦？行喇我地。」阿晴講完就笑嘻嘻咁蹺住我手臂向前行。

「阿晴呢個傻妹，就算唔知我望咩都跟住我望左咁耐。」我心諗，諗諗下就不其然笑左出黎。

「你無端端笑咩呀。」點知我偷笑比阿晴見到。

「笑你囉。」

「笑我咩呀。」

「笑你我望住維港發呆你又跟住我囉。哈哈。」

「有咩好笑姐。你無聊我咪陪下你無聊囉。」阿晴又向我展現佢嘅笑容，可能係冬天乾燥嘅關係，佢嘅嘴唇好似比平時嫣紅。

「阿晴。」

「嗯？」

「我可唔可以錫你一啖？」

「可以呀。」

「咁我錫架喇喎。」

「好呀。」

我輕輕咁錫落阿晴紅紅嘅嘴唇上。

我只係輕輕一碰，唔敢太衝動。

「錫完喇。」我就好似向上司匯報咁。

「咁好啦走啦。」阿晴睇落有啲臉紅，講就就急急望向前面行，我只好跟住佢。

我地一路行嘅時候，大家都冇出聲。

可能大家都覺得怕醜。

估唔到阿晴都會覺得怕醜，哈哈。

我慢慢伸出我嘅左手，握實阿晴嘅右手。

我嘅初吻雖然短暫而平淡，但係付予心愛嘅人，一切都係值得。

尤其是望到羞澀嘅阿晴嘅時候，就更加覺得一切都值得。

當我拖實你隻手嘅時候，我都唔會放開。

我心諗。

...

冇錯，當時嘅我，的確心諗住呢句說話。

仲有冇人睇

仲有冇人睇

淡出都留言

仲有冇人睇

淡出都留言

冇甜就淡出?