HI，我係阿頌，今年大學一年級，讀緊人人都話毒撚科既Engine。雖則話係毒撚科，但係其實我都唔算

係一個毒撚，我外貌唔差，身高１米７５，同埋我都有拍過拖。

中五果年，喺某啲活動上，識左當時既女友，阿晴。佢同我同年同級唔同班，雖然佢唔係話好靚女，但

性格好nice，同好多人關係都唔錯，加上佢性格成傻更更咁，令我識左佢冇幾耐就比佢吸引左，後尾仲喺

埋一齊。果陣真係好開心，日日都同佢糖痴豆咁，個個人都話我地好襯。唔知點解，關係愈好既野好似

愈唔擺得耐咁。

中六果年，佢突然間話要過去英國讀書，當時我冇阻止佢，一來我冇理由阻止佢未來既發展，二來我已

經感覺到當時我地既感情開始轉淡。可能呢個只係我單方面既想法，無論如何，當時我做既只係喺機場

同佢道別，即使佢到左英國，我地都有保持聯絡，但感覺上，係朋友既互相關心。我相信我地既關係算

係無疾而終。即使某日佢同我講佢識到新男朋友，或者再唔聯絡我，我都唔會覺得奇怪，反正每件事都

有佢既期限。

更重要既係，我心入面一直有根刺，拔不走，亦都不想拔走。

自從中三果一年，心入面根刺就好似固定住一樣。