星期六朝早十一點，學校音樂室。

Pentaship準備聖誕聯歡會嘅歌。

「話就話大家要喺Christmas表演，但係我地都要過左初賽先得，所以大家要認真啲呀。」阿齊拍一拍手鼓勵我地，「但係我地都要比啲信心自己，我地係有能力衝入決賽，甚至拎埋冠軍架。雖然呢個係我地第一個嘅show，但係我地要do our best呀。」

「ok隊長。」我微笑，因為我地已經同意左阿齊係我地嘅隊長。

「咁我地開始架喇喎。傑仔。」阿齊示意傑仔開始。

傑仔點一點頭，前奏響起。



https://youtube.com/watch?v=CbSypYLHlYI
CD


https://youtube.com/watch?v=DJR4U50IBTA
Live
.
.
.
「這是一首簡單的小情歌　

　唱著人們心腸的曲折

　我想我很快樂 當有你的溫熱　

　腳邊的空氣轉了

　這是一首簡單的小情歌　

　唱著我們心頭的白鴿

　我想我很適合　

　當一個歌頌者

　青春在風中飄著...」
.
.
.
慧輕柔嘅聲音，簡約咁，演繹出呢首「簡單的小情歌」。

但係，已足夠令人聽得如痴如醉。

「你嘅表現真係一次比一次精彩。」阿齊放低鼓棍，拍手讚賞慧。「好似Michelle你咁靚聲，唱LIVE又好嘅女歌手香港已經好少，希望你可以堅持自己嘅夢想，唔好咁易放棄呀。我睇好你架。」

「做咩突然咁讚我，搞到我有啲唔好意思。」慧腼腆咁笑起上黎。

「咁Michelle你又真係唱得幾好嘅。」立暉都讚揚慧。

「多謝大家比面，哈。」慧淺淺一笑，輕輕鞠一鞠躬。

「大家表現咁好，keep住呢個表現，相信我地過初賽唔難，但要攞冠軍，就要更加努力練習。雖然慧你岩岩整體表現唔錯，但喺某個位都有少少瑕疵。你睇下呢度...」阿齊拎起份歌詞，對住慧講慧有待改善嘅地方。

「阿齊，今次sing con有高手參加？你好似好緊張咁喎。」傑仔問。

「記住我地唔好咁大意，可以入決賽嘅band嘅名額只係得兩個，基本上有一個已經定左，我地一定要爭取剩低個名額，唔好掉以輕心。」阿齊睇落好認真。

「有一個名額已經定左？」立暉。

「立暉你讀左五年，應該記得最近兩年冠軍係邊個啦。」阿齊。

「好似都係一隊band，叫..」立暉摸一摸下巴。

「KAGAYAKE，４個男仔組成嘅BAND，佢地全部來自５Ｅ。」阿齊拎返枝鼓棍，「佢地走嘅風格同LINKIN PARK、ONE OK ROCK好類似，都係好搖滾。佢地除左校內表演外，亦都參加過唔少校外比賽，都過唔少獎。」

「KAGAYAKE..？個名咁怪嘅。」傑仔。

「KAGAYAKE係日文（輝け），大約係係閃耀、輝煌咁解。」慧解釋。

「我前年同上年CHRISTMAS都有聽佢地唱歌，佢地LIVE真係唔錯。」我都慢慢記得返上兩年SING CON冠軍隊BAND嘅表演。「話時話，你話佢地全部５Ｅ，姐係上年同你同班？」

「係呀，所以我都幾清楚佢地嘅實力。」阿齊點點頭。「如果我地嬴到冠軍，我去美國都算無憾啦。」

「去美國？你要去美國？」傑仔同立暉都顯得幾驚訝，我先醒起我冇同佢地講過阿齊即將去美國留學嘅消息。

「原來你地唔知，咁你地更加要加倍努力喇。」阿齊拍一拍手，「黎啦我地練多次。」

我望一望知道左阿齊即將要走嘅事實嘅傑仔同立暉，佢地嘅眼神好似比起岩岩第一次果次練習唔同左。

變得更加認真。

「我地一定要嬴呀，我地PENTASHIP得架。」我鼓勵大家。

「WE MUST SHOW OUR SPIRITS！」阿齊輕輕敲一敲銅鈸。

「我開始喇。」傑仔開始彈起前奏。

我握緊粒PICK。我望一望我嘅隊友。

佢地嘅眼神都好堅定。

睇黎佢地都同我心諗同一句說話。

「一定要嬴冠軍返黎！」

留名支持

我條女阿敏呢

十一月二十三日星期五，終於到左初賽嘅日子。

我地PENTASHIP嘅第一次演出。

我地學校嘅初賽設喺禮堂舉行，雖然己經放左學，但都有六十幾人喺禮堂睇初賽。

經過抽籤之後，我地PENTASHIP同我地嘅假想對手KAGAYAKE表演位置係喺最尾同尾二。

「我諗呢度大部份人都係等KAGAYAKE嘅演出。」坐我隔離嘅阿齊笑一笑，「當佢地表演完之後，相信

啲觀眾會走左七成以上。」

「咁姐係會睇我地嘅人只係得果幾個？」慧好似有啲失落。

「唔緊要，評分嘅係老師，觀眾多少唔會影響賽果，當我地過到初賽，去到決賽咪全校睇住我地表演囉

。總之，加油啦，我地實得架。」阿齊鼓勵我地。

經過個半鐘之後，終於到KAGAYAKE演出，我望一望禮堂，已經聚集左近一百個學生，圍觀佢地嘅演出

。佢地上台嘅時候，甚至有人歡呼。

「HELLO大家好呀，又係我地KAGAYAKE，今年係我地最後一年參賽，希望大家多多支持。」睇落係主

音嘅男仔拎住枝電結他，「今年我地參加初賽嘅歌曲係Linkin Park嘅Numb。希望大家可以堅持住走自己

嘅路，唔好受到他人嘅束縛，特別係就黎畢業嘅同學呀，共勉之啦，多謝。」

]

https://youtube.com/watch?v=kXYiU_JCYtU

.
.
.
「I'm tired of being what you want me to be
　Feeling so faithless
　Lost under the surface,
　Don't know what you're expecting of me
　Put under the pressure
　Of walking in your shoes
　(Caught in the undertow
　Just caught in the undertow)
　Every step that I take is another mistake to you
　(Caught in the undertow
　Just caught in the undertow)

　I've become so numb
　I can't feel you there
　I've become so tired
　So much more aware
　I'm becoming this
　All I want to do
　Is be more like me
　And be less like you...」
.
.
.

果位主音的確實力非凡，佢果種接近嘶吼嘅聲線就好似困喺鐵籠入面嘅獅子一樣，能夠喚醒每個人心入

面嘅靈魂。主音嘅聲線就好似呼喚緊在場嘅每一個人咁樣，可以話係震撼人心。

除左聲線之外，佢手電結他都係一流，就算佢一邊彈奏一邊演唱，都冇影響到佢甩BEAT，顯示出佢嘅功

架。

仲有，即使係佢嘅隊友，都好完美咁擔當佢地嘅職位。貝斯、鼓手、鍵盤...

我地可以嬴到咁嘅對手嗎？

即將演出嘅我開始感到一絲緊張。

「唔好動搖，」突然，阿齊好似察覺到我有啲唔妥，對住我講左幾句，「我地雖然同佢地一樣係玩

BAND SOUND，但係風格完全唔同，唔好受佢地影響，做好自己。」
「依家觀眾都好亢奮，我地就用我地嘅音樂，一瞬間將佢地由灼熱嘅火山拉返去柔和嘅草原啦。」阿齊

微笑，慢慢行上台。

聽到阿齊嘅說話之後，我冷靜返落黎。

「做好自己。」我微微一笑，握緊拳頭。

「最後一個參賽者，PENTASHIP。」台下嘅老師攞咪宣佈，意味著我地第一次嘅演出開始。

我望一望台下，雖然人數少左，但完全冇影響我嘅情緒。

「大家好，我地係PENTASHIP，今次係我地第一次參賽，希望大家多多支持。」我望一望身旁向台下講

野嘅慧，慧睇落好似好開心。「今日我地要唱嘅歌係蘇打綠嘅『小情歌』，多謝。」

我閉上雙眼，靜待傑仔彈奏嘅前奏。

「...」
「...」
「...」

演奏嘅期間，我幾乎一直閉上眼睛，除左已經記熟位置之外，仲不斷回想起認識慧到依家嘅片段。

同佢坐嘅第一日，慧同阿敏畫花我張枱、第二朝早喺音樂室聽慧彈奏、果日慧畫花我本英文書，但之後

幫我做英文練習、慧同我講佢嘅夢想係BAND嘅主音、之後嘅星期六慧同我出去旺角買結他、然後為左

慧嘅我自學結他、之後仲自彈自唱令到佢感動到喊、我亦都宣言唔會離開慧...

上面咁多件事只係喺短短嘅一年內發生，我同慧已經好似經歷左好多野咁。

我打開雙眼，望一望身旁演唱緊嘅慧，佢清澈嘅歌聲喺我心入面迴響。

喺呢一刻，竟然輪到我有啲感動到想喊。

我強忍淚水，彈奏到最後一刻。

「...」
「...」
「...」

「多謝大家。」演出完畢，我地全部人鞠一鞠躬。

抬返起頭嘅望一望台下，估唔到台下嘅評判老師入面其中之一係楊仔。楊仔偷偷地咁舉起手指公，示意

我今次表演唔錯。

我微笑住輕輕點頭。

落到台下，我地坐返埋位，等待決賽名單。

經過一輪商討，評判老師代表楊仔上台，宣佈名單。

「大家好，經過我地評判老師商議之後呢，結果如下。」楊仔拎住張紙，「首先係個人組別..」

一路嘅宣佈，我都望住我地嘅隊員，佢地嘅眼神都顯示出佢地好緊張。

其實我都係，畢竟呢個係我地第一次嘅演出，亦有可能係最後一次。

但係至少，我對我地PENTASHIP有信心。

「最後，係團隊名單，入圍嘅係...」我吞一吞口水，「第一隊係KAGAYAKE，希望你地可以蟬聯冠軍啦

，」聽到入圍嘅KAGAYAKE，亦都互相擁抱慶祝。「最後一隊呢，就係...」本來無神論嘅我，呢一刻心

入面竟然喺度祈禱，祈求我地入圍。

「...唱『小情歌』嘅，PENTASHIP。」

宣佈入圍嘅一刻，我地開心到彈起身攬埋一齊。

「都話我地得架啦！決賽喇！」阿齊歡呼，我地五個人都開心到不得了。

「都話架啦慧，我地一定得架。但係我地唔只要入決賽，仲要攞埋冠軍！」我望實慧，佢堅定咁點一點

頭，眼眶又好似紅紅地。
「唔好喊呀傻妹，等我地攞左冠軍先喊啦。」我輕輕擁抱慧，佢挨喺我嘅膊頭度，感動到講唔出說話。

雖然我都好感動。

「雖然入到決賽係好開心，但我地都係時候要諗決賽唱咩歌喇。」歡呼過後，阿齊提醒我地。

「吓，原來決賽要唱第二首歌架。」呢樣野我都係第一次聽。

「我地決賽唱返初賽嘅歌都得，但係我想我地大家比多啲挑戰自己，至少唔好局限住自己先。」阿齊望

一望慧。「我地嘅主音小姐同唔同意？」

「嗯。..」慧輕輕點頭，索一索鼻水，「我都覺得我地要試多啲野。」

「最緊要我地要相信自己，信自己真係好緊要。ANYWAY，今日大家都GOOD SHOW！」阿齊舉起佢嘅

手指公。

我地４個都隨之舉起手指公。

「記住，我地最終嘅目標係冠軍。」阿齊對住我地講，「至少，喺我去美國之前留一個GOOD MEMORY

。」

「我地唔會令你失望。」我笑一笑。

PENTASHIP，入圍決賽。

十一月二十四日，星期六嘅朝早，我地約埋一齊去學校音樂室練習。

點知咁唔好彩嘅係，傑仔同阿齊都臨時黎唔到。

今朝聽傑仔講，佢琴晚一直發燒到依家，病到黎唔到。

阿齊佢就岩岩打個電話黎話突然有事黎唔到。

搞到原本諗住喺音樂室練習嘅我地得返我、慧同立暉。

「三個人乜都練唔到喎。」我有啲無奈。

「咁唔係咁快返屋企呀？我地岩岩出黎咋喎。」慧。

「其實三個人都練到嘅，但係唔係五個人練就冇意思。」立暉。

「咁不如去唱Ｋ啦。我好耐冇唱過。」慧提議。

「吓，唱Ｋ，唔岩我喎。」立暉即刻搖頭。

「我就冇所謂嘅。」我表示ＯＫ。

「去啦立暉，反正都出左黎，咪大家唱下Ｋ開心下囉。」慧笑一笑。

「咁呀..是但囉。」立暉勉為其難應承左。

「咁行啦。」慧睇落好似好開心。

我望一望身旁嘅立暉，立暉睇落好似好唔願意唱Ｋ咁，但係又望住慧喺度微笑。

「唔係吓話...」我已經唔係第一次有咁嘅感覺，雖然話男人嘅直覺唔多準，但係我硬係凝住立暉對慧有啲野。

諗諗下，果時我邀請立暉入隊嘅時候，佢睇落唔多願意，直到知道慧係主音之後，又突然話要加入。

唔通立暉真係鐘意慧？

如果係嘅話...咁我係唔係應該追慧？

但係我又怕...

究竟我幾時先能夠將我嘅心意傳達比慧呢？

「...」

唉。

坐左半個鐘頭車，我地去到旺角唱Ｋ。

雖然大部分時間都係慧唱，但我都好ENJOY同慧相處嘅時光。

「喂，唔好剩係我唱啦，你地都唱下唔得架咩？」突然慧轉身，叫我地兩個唱歌。

「唔好搞我喇，我唱歌好難聽架..」立暉即刻擰頭。

「邊有人去唱Ｋ唔唱歌架？你黎食野架？」慧格硬遞左枝咪比立暉，「唱啦。」

睇落佢好似面有難色，我就拎起枝咪，「立暉唔唱我唱喇。」

「等你呢句好耐喇。」慧即刻拍手叫好。

「但係唱咩歌好？」我望住選歌單，一時之間諗唔到唱咩歌。

CLICK下CLICK下，就CLICK左入國語男歌手。

「就林宥嘉啦...」我CLICK入「林宥嘉」嘅介面。

「呢首啦。」我。

前奏響起。

「呢首咩歌黎架，未聽過嘅。」慧好似未聽過。

「林宥嘉嘅『神秘嘉賓』..？」立暉答，我點一點頭。



https://youtube.com/watch?v=KTISbg9QQhg

.
.
.
「我踩著夢的階梯
　
　走進了 一座迷霧森林

　誰的心事 被天使竊聽 泛起漣漪

　時間它幫我設計

　下一秒 誰是神秘嘉賓

　小心翼翼 揭開了面具 掌聲鼓勵

　誰闖進我的場地

　誰讓我措手不及

　我早就預備的劇情 妳卻給我一筆

　狡猾地 致命地正中我紅心

　我跟誰變得親密

　誰逐漸離我遠去

　華麗演出共襄盛舉 唯有妳的背影

　友情客串卻留下刻骨銘心的回憶...」
.
.
.
「估唔到你唱得幾好喎又。」慧笑住讚我。

「哈，我唱歌不嬲都咁好聽。」我苦苦一笑。

睇黎慧感覺唔到我想憑歌寄意，其實，慧就係我人生入面嘅「神秘嘉賓」。

「鳴謝生命有妳參與 笑納我的邀請
　
　曲終人散卻寫下不會結束 的結局。」

「...」
「...」
「...」

「點呀立暉，唱唔唱？我地兩個等你表演好耐呀。」我邀請立暉。

「我唱都得，不過，慧，你可唔可以同我一齊唱？」立暉問慧，慧只好點一點頭。

立暉突如其來邀請慧唱歌，搞到我有啲措手不及。

「吓？你同慧？你地唱咩。」我。

「Jason Mraz&Colbie; Caillat嘅Lucky。」立暉笑一笑，就去左點歌。

「你講笑咋？」我覺得好驚訝。

「係呀。ok呀可？慧。」立暉望住慧，問佢意見。慧好似乜都唔知咁點一點頭。

睇黎慧唔知Lucky首歌講咩。唔通立暉想？

「喂慧..」正當我想同慧講野嘅時候，前奏響起。

「有咩陣間先講啦，呢首歌我未聽過，依家聽個前奏又幾好聽喎。」慧根本冇心聽我講野。

http://www.youtube.com/watch?v=acvIVA9-FMQ
.
.
.
「Do you hear me,
　
　I'm talking to you

　Across the water across the deep blue ocean

　Under the open sky, oh my, baby I'm trying

　Boy I hear you in my dreams

　I feel your whisper across the sea

　I keep you with me in my heart

　You make it easier when life gets hard

　I'm lucky I'm in love with my best friend

　Lucky to have been where I have been

　Lucky to be coming home again

　Ooohh ooooh oooh oooh ooh ooh ooh ooh...」
.
.
.
我望住一路唱歌嘅慧同立暉，我怕佢地就好似首歌講嘅野一樣，由best friend變成情侶。望住立暉不時對住慧微笑，我就更加肯定立暉鐘意慧。

「唔可以比佢先下手為強。」我心諗。

「yeah。唱完。話時話首歌都幾好聽架喎，唔知講咩架呢。」慧唱完睇落好滿足。

「吓，你唱完都唔知首歌講咩架。」立暉好似有啲驚訝。

「哈哈係呀，呢首歌我第一次聽，掛住記個melody，只係得閒照歌詞唱，連首歌講咩都唔知。」慧笑一笑。

「你真係傻傻地。哈。」立暉拎起遙控，「黎，今次呢首我唱得喇。」立暉click入美國男歌手。

「你想唱咩呀。」慧。

「今次都係Jason Mraz，我今次唱嘅係佢嘅I'm Yours。」立暉微一微笑，「呢首歌送比你架。慧。」

「？？」慧睇落都係一頭霧水。

「今次大獲喇...」我心知不妙。

https://youtube.com/watch?v=cl88QEll-Xc

.
.
.
「Well you done done me and you bet I felt it

　I tried to be chill but you're so hot that I melted

　I fell right through the cracks

　Now I'm trying to get back

　Before the cool done run out

　I'll be giving it my bestest

　And nothing's going to stop me but divine intervention

　I reckon it's again my turn to win some or learn some

　But I won't hesitate no more, no more

　It cannot wait, I'm yours...」
.
.
.
「慧，雖然依家講好似好唐突，但係，唔知，你可唔可以做我女朋友？」唱完歌之後，立暉怕怕醜醜咁向慧表白。

「吓！？」我簡直震撼到唔知講咩好。

「喂你講笑咋下話。」我覺得難以置信。「咁嘅場合你表白？」

「啊...對唔住，我都知道呢個場合都唔係好適合表白，但係，我真係覺得唔可以再拖。我打從第一次見

到慧就覺得呢個女仔好得意，仲要知道佢唱歌咁好聽，性格又咁開朗，我真係，真係。好鐘意慧。」立

暉望住不知所措嘅慧，「你可唔可以比一次機會我做你男朋友？」

面對呢個場景，我簡直連聲都出唔到。

呢啲係咩情況？

唱唱下Ｋ無端端表白？仲要係有我呢個外人在場嘅情況下。

究竟立暉諗緊啲乜？

靜左好耐，慧終於打破沉默。

「你..你講真架？」慧望住立暉。立暉用力咁點一點頭。
「你..比我考慮下先啦..因為真係，好突然..」慧好尷尬咁坐喺卡位。

「喂大佬，你出一出黎先。」我拉左立暉出Ｋ房。
「老老實實你諗緊啲乜？你又會無端端向慧表白咁鬼搞笑都有嘅？」我問立暉。

「唔好意思呀，其實你知架啦..我就黎考會考，代表住我就黎離開呢間學校，我唔想離開慧呀。」立暉

，「自從我第一次見到慧嘅時候，我就鐘意左佢喇。直至同佢相處耐左，就更加覺得呢個女仔好可愛，

好想好好地咁照顧佢。我知道機會係唔等人架，好耐之前有一次喺學校練習，我專登喺學校地下等慧，

就係為左向佢表白，點知果時我因為太冇膽而唔敢講，自此之後我就下定決心，要搵機會向慧表白。」
「一直都唔敢單獨約慧出黎嘅我，一知道今日慧同我地去唱Ｋ，我就立定決心要今日向慧表白。」立暉

搭一搭我膊頭，「如果影響到阿頌你嘅，唔好意思。」

我無言以對。雖然我大概都估到立暉鐘意慧，但當聽到佢嘅心底話之後，我簡直搵唔到位反對佢同慧表

白。

正當我同立暉沉默嘅時候，Ｋ房度門打開左。

係慧。

「我諗，我都係返去先啦，我都有啲攰。我自己返去得喇。」慧自己一個離開，靜靜咁向我地揮手道別

。

「如果我講嘅野令你做成困擾嘅，對唔住！」立暉即刻跑過去同慧道歉。

「算啦，由慧靜下啦。」我拉實立暉，廢事佢再講啲咩。

「唉。唔通慧佢唔鐘意我，一切都係我一廂情願？」立暉睇落好失落。

我冇回應立暉，講左句再見就一個人離開左。

行去小巴站期間，突然見到前面有隊熟口熟面嘅BAND表演緊。我一行近去睇，果然係Dreaming Birds。

行過去嘅時候，咁岩得咁橋比我遇到慧。

「喂慧...」我即刻行過去，點知佢見到我即刻快步離開。
「放心啦得我一個喺度，我自己走左。」我拉實慧，唔比佢走，佢知道立暉唔喺度亦都停左落黎。
「其實，你做咩咁快走？」我明知故問，目的就係為左同慧打開話題。

「我..唔知呀，我唔知點面對立暉呀..」慧dup低頭，好似諗緊好多野。

「咁又係嘅，立暉條友無端端同你表白，我係你都嚇親，唔知點應付佢啦。」我同慧漫無目的咁行。

「其實，我又唔係唔鐘意立暉嘅，只不過，唔係情侶果種鐘意囉。」慧。

「咁..你諗住點？立暉始終係我地嘅bassist，你以後好難唔面對佢架喎。」

「唉，就係咁先煩囉。我唔知之後要點同立暉溝通呀。」

「老實講丫，一旦一個男仔鐘意一個女仔，佢就好難當返個女仔係普通朋友架喇。」

「咁如果一個男仔鐘意一個女仔，會唔會一直同佢做朋友，又唔再進一步？」慧突如其來咁問我，「就

算佢係有機會既呢..。」

「應該會，但係，如果，個男仔太過怕醜嘅話，有可能會阻止佢地兩個嘅發展。」當時嘅我完全冇注意

到慧嘅問題可能係一個暗示，依家諗返起，就好後悔我當時點解會咁遲鈍，後尾仲講左啲收唔返嘅說

話..

「係咩...咁立暉...」

「睇黎立暉真係好鐘意你，先會敢喺我呢啲外人面前向你表白。」其實，我打從心底佩服做左我唔敢做

嘅事嘅立暉。

「...」慧又陷入沉默。

一時之間，當時為左想打破沉默嘅我，講左一句我後悔莫及嘅說話。

「其實，立暉都唔錯丫，點解你唔考慮下佢呢？」我半開玩笑咁講，原先我講呢句說話係諗住打破沉默

，點知換來嘅都只係慧繼續嘅沉默。

「...」慧好似有啲眼紅，但當時嘅我冇留意到。
「係嘅，你又講得岩嘅，我諗我真係要考慮下立暉，因為至少佢比你大膽好多。」慧講完呢句之後就快

步離開。

對住慧又無端端發脾氣，我當時只係呆呆咁企喺度，諗我做錯啲咩。

依家諗返起，當時嘅我應該追返離開左嘅慧。

可惜，當我明白一切嘅時候，已經太遲。

星期一朝早，我返黎已經見到坐左喺自己位嘅慧。

我行過去聊佢，點知佢都唔理我。當時完全唔知衰咩嘅我只係呆呆咁坐喺自己位，等慧擰轉頭話原諒我。

呢一段沉默，持續左整個上午，呢件事從來未喺我升上F4後發生過。

直至午息，我真係忍唔住，行過去向慧道歉。

「對唔住呀，慧...可能我琴日講左啲野激嬲左你，..唔好意思。」我衷心向慧道歉。

點知慧只係只係望左我一眼，就行開左。

雖然我都激嬲過慧好多次，但係我從來都未見過慧嬲咁耐。

百思不得其解嘅我唯有去Ａ班搵西成食午餐。

一路午餐，我都冇乜胃口，原因當然係因為慧而令我困擾到食唔到落野。

「喂兄弟..你今日咩事？做咩咁靜？又好似好冇胃口咁，你唔舒服？」連少少遲鈍嘅西成都睇得出我有唔妥。

「唉，我都唔知..」我嘆氣。

「又話唔知，兄弟相處就唔好咁多隱瞞啦。」西成。

「就係連我都唔知衰咩先慘。」

「你都唔知？發生咩事？講黎聽下啦...係咪關於阿敏個FRIEND架？」

我輕輕點一點頭，就將琴日件事簡略咁講比西成知，包括立暉喺我面前向慧表白，同埋慧無端端嬲左我。

「照你咁講，我覺得阿敏個FRIEND係鐘意左你喎。」西成。

「吓？」我覺得詫異。

「你條友遲鈍成咁，其實個女仔都暗示左好多次比你聽啦，都唔知點解你唔去馬。」

「你意思係？」

「照你所講，個女仔拒絕左條友嘅表白之後，你唔覺後尾佢同你講嘅野係同你暗示緊佢鐘意嘅唔係向佢表白嘅果個人，而係你？」

我腦海回憶當時嘅片段。

的而且確，當時慧嘅樣係好似期待緊某樣野咁，但係，當時我完全冇注意到。

但係，會唔會又係我會錯意？好似上次阿敏果次咁...

「唔好再拖喇兄弟，你唔把握機會就後悔莫及架喇。」

「我...」我仲係覺得猶豫。

「仲我咩丫，上去搵佢，講左你嘅心意先啦。至少，你比佢知道左你諗咩先得架嘛。」西成鼓勵我。

「好啦...我陣間，就同慧講。」我下定決心..雖然有啲害怕。

「加油呀兄弟。」西成向我伸出拳頭。

我輕輕碰一碰佢嘅拳頭。

之後呀慧同你講已經同左立暉一齊

我上到四樓，我簡直唔敢相信。

立暉同慧竟然一齊行緊，仲有講有笑。

望到呢個畫面嘅我，覺得難以接受。

見到我嘅立暉，揮手向我打招呼。

「喂阿頌，HELLO。」立暉向著我微笑，但我根本冇心情望佢。我望一望佢身旁嘅慧，只係見佢迴避我嘅眼神。

「阿頌，講樣野比你聽呀。」立暉佢興高采烈，我從來未見過咁開心嘅立暉，「慧佢，接受左我喇！」

「吓？」聽到呢個消息嘅我，即刻望住慧，點知佢唔出聲，就好似默認左西成嘅說話一樣。
「你講真架..？」我完全難以置信。

「係呀。岩岩慧同我講，佢接受左我星期六向佢嘅表白。我望一望慧，只係見佢望一望我，輕輕講左一句說話，直至依家，我都難以忘記。

「我..鐘意啲坦率嘅人...至少，立暉佢將佢心入面嘅想法向我傳達。」慧吞一吞口水，「我鐘意對我坦承心意嘅人..。」

我沉默左落黎。

一直以黎，我同慧相處嘅時間遠比立暉同慧相處嘅時間長。正因為如此，我就一直覺得，慧永遠都會喺我身邊。即使我唔將自己嘅心意表達..原因只係因為我怕瘀，怕關係變質，先唔敢同慧表白，結果一拖再拖。

相反，即使立暉冇我同慧相處咁耐，但係佢比我更加明白到慧希望其他人向佢表達心意，多過由彼此嘅關係藕斷絲連。正正係呢一點，立暉就已經比我更明白慧需要啲咩。

我徹底咁輸左。輸得我心服口服。

我無言以對。我只係靜靜咁轉身離開，就連偽裝嘅祝福都冇向佢地講。

我實在唔能夠喺我鐘意嘅人面前向佢祝福同別人幸福快樂。

我真係覺得自己好冇用。

一次又一次咁，錯失機會。

之後呀慧同你講已經同左立暉一齊

一切都在我掌握之中

唉主角
雖然係意料中嘅劇情
但睇完都係會心情好差