關於膠登既政策討論大家已經離題到甚至忘記左我地聚集係到並為之奮鬥一年既原因
如果要定立膠登既發展路向必先要返到膠登既根本開始
膠登成立既起因係613事件
613事件既起因係林早信大規模BAM人
而林早信BAM人既理由係有人告高登留言誹謗
的確以此理由係BAM左一批
但另外又有一班原因不明既人被BAM
而且被BAM既人當中不乏政治活躍分子
加上IPROA既背景令人質疑BAM人既動機
最後係我地呢班613受害者聚集起黎成立膠登

就呢個背景膠登既存在意義就已經好明顯
如果我地聚集係到既目的唔係為左繼續誹謗個個人
咁我地剩低既目的只有一個
政治

為回避法律風險NIMDA用既係個外國SERVER
大家想嘲諷邊個都可以繼續隨意
如果你睇中膠登既理由係呢個既
咁當然你可以繼續做你想係膠登既野
如果唔係既 膠登存在意義就只有政治

無論係政治動員定製造話題
如大家所見高登已經失去左當年既功能
基於膠登成立既背景大家就算唔係咩高質既會員都至少係憤青中既精英
我地係613失去既係發揮政治能源既陣地 係動搖香港政權既工具
就憑呢點我地絕對唔可以甘於平凡
除非你會認為政治只係膠登仔之間既遊戲?

對於有D人會話我好享受膠登而家小村莊既氣氛
呢種諗法對膠登絕對係有害既
因為佢從根本上否定左膠登既存在意義
並從佢一己既喜惡否定左膠登既客觀定位
如果你只係喜歡一個有小村莊氣氛既論壇
全香港有大把冇人既論壇你自己去享受飽佢
唔通我地成立膠登就只係要爭取一個小村莊氣氛既論壇?
咁所有為膠登繁榮努力既人咪反而成為膠登既破壞者?

個D會講小村莊既人不外乎就係香港既失敗浪漫弱者崇拜傳統
利用浪漫既詞語去裝飾自己既無能同失敗
如果人多既論壇係咁可惡既咁你當日又為咩上高登?
又或者咁講
中產向往共產主義係浪漫
窮人主張共產主義只係大種乞衣
有資格講享受膠登小村莊呢D說話既就等膠登成為香港最大論壇先講

既然膠登既存在意義係咁明確既
之後就係要考慮點樣增加人流
你地係咪咁諗?
你地一直既討論都係假定左世上有某種手段必然可以吸引到人 我地要做既只係搵出個種手段
呢D完全係怪論
世上有老奉包生仔?
如果有人向你承諾既個個唔係弱智就係陰謀

可以令膠登繁榮既手段只有一種
就係忘記既膠登既繁榮 認清膠登既角色 認清自己係膠登既角色
膠登基於佢自身既起源決定左佢唯一既角色
如果佢做唔成佢注定既角色既話
咁呢個就唔係膠登 呢個只係一個名為膠登既網站 呢個先係膠登既死亡
而膠登注定要做既角色就係香港網路界既炮台
挑起社會一切既鬥爭 將我地成為旋渦既中心
係我眼中膠登中唯一做到呢件事既人就只有時報個班
佢地成功到甚至令膠登反而似係佢地既負累

咁膠登既失敗係D咩呢?
係我地冇高質既人?
對於呢點我會同你地講
一個群體既失敗唔係佢地冇成功既人
而係佢地對成功既定義失敗
對於有D人寧願用一個鐘出十個廢PO都唔願意用一個鐘去準備一個有內容既PO
寧願回十句廢話都唔願意留一句有內容既說話
佢地會話咁做可以令膠登熱鬧D
呢D係又一種用言詞去裝飾自己既無能同失敗
呢種行為最可惡之處係破壞左論壇既風氣
令人覺得出膠PO係比認真努力既更受歡迎 然後令更多人更無內疚咁出廢PO
最終廢PO淹過認真既PO 認真努力既人反而成為可笑既人 假膠小學雞反而成為論壇既主角
到時可能膠登會比而家更熱鬧更多人
但唔通咁就叫成功?

又有D人會話出膠PO只為會員間聯絡感情
咁我又好奇
對於一個只出膠PO既會員我地應該要點稱呼呢?
再講你地係認真PO中既認真討論係唔會凝聚到感情
只有係D廢PO入面拋低一堆表情你地之間先會有感情?
對於呢D垃圾我會好坦白咁同佢地講
你地呢D人對論壇冇願境 對自己冇抱負
將一件屬於大眾既公器 視為一己既玩物消費佢既價值
你地就係膠登既負累 你地就係膠登失敗既源頭
如果你地係關心膠登既公共政策既 你地就應該從我地既討論中消失 然後再從我地既論壇中消失

除左肅清呢D垃圾
作為一個膠登仔活係膠登入面我地都有我地應負既角色
就係要成為高質既人
高質呢個字 自膠登成立已黎被人不斷重複至內涵抽空
但我要係到定義高質呢個詞
高質就係要成為對他人有意義既人
有咩咁難理解呢?
一個只根據自己既喜惡出一D自己想出既PO比任何人睇完都唔會有任何成長
呢D唔叫垃圾人出垃圾PO 叫咩?

一個高質既會員就係明白自己既專長出做他人需要既野
不辭勞苦 堅定不移
將自己成為被人需要既人 令膠登成為被人需要既壇
用自己既行動開創論壇上進既風氣
呢D就係膠登仔既角色
冇人會擔保呢樣係膠登唯一既出路
但呢樣絕對可以令呢個壇不往此生