3年前，楊思琦因與空心老倌吳帥撻着，而狠飛拍拖9年嘅李泳豪，未婚懷孕匿埋喺美國生女，思琦懷孕後先知吳帥喺內地有正室，搞到佢無啦啦變第三者，於是思琦決定揮慧劍斬情絲，同對方劃清界線，而現年2歲幾囡囡Krystal，就同佢一樣姓楊，做個單親媽媽獨力湊女。

思琦近日接受雜誌訪問時，仲大爆女兒曾經患過大病，甚至要開肚切腸，認真冇陰功﹗



原來囡囡Krystal去年中曾經大病一場，思琦喺訪問中表示，當時囡囡病得好嚴重，嚇到佢半死：「最初係牙肉腫晒滲晒血，食唔到嘢又不停發燒，入院睇醫生，驗出係疱疹二型。食藥後未有好轉，仲試過半夜抽筋，嚇到我死。佢發燒持續咗成個禮拜，最高燒到105度，嘴仔都紫晒，又屙又嘔，我即時飛車送佢入院。抽咗血，又電腦掃瞄又照超聲波，但當時醫生都唔知係咩事。」

思琦喺訪問內又表示，當時一個月內不停出入醫院，有日咁啱佢返緊工，醫院打俾佢，話要佢即刻趕去醫院，佢就話：「阿女情況唔多好，醫生要我簽字做手術。我真係好徬徨，好無助，仲驚到攬住個女狂喊。」

思琦接著道：「醫生打開佢肚仔，先知原來有個拳頭咁大嘅膿瘡喺入面，個瘡黐住啲腸，最後要膿瘡連腸都一齊切走。當時阿女只得歲半人仔，肚皮上就留咗條3吋長嘅疤痕，睇見個女咁真係好心痛！」幸好最終手術大成功，不過都影響咗Krystal嘅飲食吸收能力。

http://hk.apple.nextmedia.com/enews/realtime/20140508/52456283

疱疹二型即係咩