我女朋友就是我左手呢句野聽得多，但有冇見過真係有人咁樣?我就係一個好好既例子，自從十八歲開始，我隻左手就有聲傳出黎，就好似識講野一樣，佢同我生活左五年，所以，我地既關係應該可以稱得上為「男女朋友」。

正當我身處係m記，打算好好咁去品嘗一個岩岩買既魚柳bell既時候，我隻左手突然間僵硬哂，仲有傳出一把聲音:「唔健康啊，唔好食!」我就細細聲咁應左一句:「ok」，點知，係我附近既人竟然聽到，仲要細細聲咁話:「條友係咪痴線咖，係度同自己隻手講野。」而係佢身邊既一個女仔就話:「我地都係快d買快d走人啦。」呢一切，我都聽得好清楚，我想講，其實我冇癲咖屌你!

我用右手拎起左魚柳bell，拎左返屋企，哈，佢已經阻止唔到我了，我真係天才，突然，我感覺到一道氣，我既左手大大力咁摑左我自己一巴。賤女人!原來你仲有後著既!最後，我不得不屈服係左手既淫威之下，掉左個魚柳bell佢，我係唔係就快要變成號...唔講得喇。

講起左手，其實佢叫原名叫Amy，話說佢五年前一訓醒教就發現自己變左我隻左手，一開始佢唔可以好好咁控制我既左手，而且好驚訝同好驚，但係其實我都差唔多但係五年之後，佢已經可以用左手玩到我仆街，不過都有個好處既，佢煮野食叻囉，好好味，如果可以既話，我想佢做我一世既煮飯婆。就算我隻手以後都冇可能變返正常，就算佢唔識煮野食都好，我都要，可能係因為感情啦。