[梁子滔，到你喇。]班主任Miss Chen出左黎嗌名，佢係本身馬來西亞人，前年先成移民香港攞身份證，今個學期頭先入黎教我地英文。

Miss Chen少有著到成個OL咁，逼左個上圍出黎，連平時上堂一眼都唔望老師嘅阿滔，都忍唔住望多兩眼。Miss Chen冇理到阿滔有些微淫意嘅目光，而係轉頭望住我。

[Miss Chen早晨。]我好有禮貌咁講。

[你…]Miss Chen好疑惑咁望住我。唔係連Miss Chen都認唔到我掛？

[我係凌雲呀Miss Chen。]我見到老豆成個人呆左，唔多信我番左呢間學校咁多年，竟然咁多人唔識我。

[我知…但係你唔係讀D班嘅咩？]Miss Chen check番個人名表，發覺真係有我，即刻面都紅哂，話：[哈哈，我講下笑姐…err…你等一陣啦…]

[哦，原來係你。Sor，我都唔知點解無端端失左憶。]阿滔話，之後佢，佢阿媽就同Miss Chen入左課室。

[阿仔，究竟你有冇番學嫁？]

等左十五分鐘，我同老豆就俾Miss Chen叫左入課室。

[嗱，呢份就係你嘅成績表。咁呢…就…不如…小雲你講下自己考成點？]我未見過Miss Chen咁騰雞，不過都好彩，佢記得我花名叫小雲。

[err……就…………我呢…就……err…覺得…都考得……幾差……]仆街，我明明想講[考得唔算太好]，講到出口變左[幾差]。我考中文說話嗰陣，就係因為卡機卡得太勁，結果俾人狂截斷，連一個完整嘅point都講唔出，搞到勁低分。出到黎個中文大分，總分二百我攞七十九，差一分合格。

英文說話直程連俾我[err…]嘅時間都冇，因為我遇着全級英文最好嗰三個。I become a 炮灰。

[嗯，你肯承認自己嘅不足，係一件好事。其實作為一個中四學生，初初踏足高中學制，好多學生都會有啲失準，小雲其實都係差少少合格姐。我…作為佢嘅英文老師，見到佢都…好肯嘗試用唔同嘅字句，姐係…佢…都有諗過點可以表達得好啲…係好事黎嘅。]下？明明Miss Chen你每次俾我嘅評語都係句式死板喎！你係咪講緊我嫁？

[有一樣野小雲需要注意嘅，就係語言溝通方面。其實有啲同學都同你同班左好多年，傾下計都得嘅。]

[唉，呢樣野我一早就同佢講左啦，到而家都係木木獨獨咁樣。]

[小雲，呢樣就要多多改善喇。]

竟然打錯

冇存在感算唔算一種超能力

毒撚檬檬到此一遊

我同老豆只係見左五分鐘，就完左個家長日。由小學四年級開始，我見老師都見得極快，個個老師都好似搵唔到一件事黎評價我咁。

[阿仔，見完老師，咁我番工喇，晏晝嗰餐你自己搞掂啦！]老豆揸車絕塵而去。點解佢唔車埋我番去先？我住附近咋嘛，洗乜坐車。

我啱啱出校，轉左個彎，就俾人捉住左。[小雲，唱唔唱K呀？]阿滔捉住我問。

[下，我五音不全。]

[你五音都全就唔洗去唱K啦屌！一齊啦！當識下人都好吖！]大佬我地幾時變到咁 friend ？你頭先先話完唔識我。

不過，我都係去左唱K。

當毒撚進入MK嘅世界，就好似李白穿越黎現世咁，完全唔知人地講乜。不過李白有樣好，就係多人識，rap番兩句[將進酒]就有人埋身；而我，戇直直唔知做乜。

旺角新之城neway，MK必到之地，今次都唔例外。入面九曲十三彎，阿滔都可以移速搵佢班friend間房。房入面有七個人，五男二女。

[屌你老母黎喇？]原來頭四個字真係用黎問候人。

[係呀鳩頭。]用個[鳩]字唔用[柒]係唔係威啲呢？

[帶左個人黎咁巴呀？]我完全唔明條MK妹講乜。

[係呀姣莉，同學黎嫁。咪撚嚇佢呀屌你。]

[哎呀，唔洗驚，呢度大家熟人。有乜野，姐姐照你！]呢位花名姣莉嘅MK妹，用佢隻都幾白滑嘅手拉我坐低，佢就翹住我坐隔離，果然個花名唔係浪得虛名。

我唔知俾咩反應佢，成個人硬哂軚咁由佢挨落黎。我第一次俾差唔多大嘅女仔咁挨法，旗都扯埋，好在咁暗冇人睇到。

[做咩唔講野呀？怕醜呀？]姣莉有意無意咁用個胸黎磨我手臂，仲望到我實一實。救命，條校褲又窄，條丁撐到行一行，一直頂住個拉鏈位，痛到我呢…

阿滔同其他人不停吹水，好似完全發現唔到我地咁。

我鎮定落黎，大嗌一聲：[我地唱歌啦！]一嗌之下，全場人靜哂，連姣莉都呆左。

五秒之後，首先開聲嘅係坐我對面三個男仔嘅其中一個：[你係邊個，你幾時黎嫁？姣莉，你做乜攬住佢？]

[我唔知呀！]姣莉慢慢咁鬆開左手，好愕然咁望住我。

[err…佢係我同學，叫小雲。]阿滔幫我解釋。

[下，我頭先淨係見到你入黎咋喎！]個男仔再話。

[唔係掛？佢明明跟住我，仲要已經坐喺度成幾分鐘喇喎。你問下姣莉喇。]

[err…其實，係呀，佢入左黎好耐。]

[咁你做咩攬住佢？]

[我唔知呀！唔好問我！]姣莉一野標左入廁所。

甜故？

根本就係識隱形 扮哂野

甜故？

甜只係其中一部分

我望住廁所，唔知點解有啲down。近廁所嘅一男一女，攬頭攬頸咁，真係當所有人冇到。

我有時都幾佩服啲mk可以咁唔知醜，男又扮哂型，女又唔係靚，攬埋一舊仲柒過舊屎咁都唔知想點。

[喂，小雲下話？]坐我對面嘅mk仔話，[唔知頭先做乜撚野見你唔到，sor！]我都唔知點解你會見唔到我，我雖然矮姐，未至於見唔到掛？

[我叫做巨峰，我左邊呢個叫細峰，右邊呢個叫大峰。]乜咁多mk仔叫阿峰嫁？如果有五個阿峰，係咪XS，S，M，L，XL咁樣分呀？買衫咩而家？

[我…叫做…凌雲…]我用左七秒去講左呢五個字。

[嘩，唔怪得會見唔到你咁撚奇怪啦，原來個名咁撚雷嘅。]巨峰話。

呢個時候，姣莉出番黎坐番喺我側邊，但係冇再翹住我。我忍唔住望住佢，因為我突然問好掛住頭先俾人胸壓嘅感覺。係咪咁犯賤呀？人地俾你又唔要，而家冇又想要番！

[唱歌罷啦仆街！]阿滔話。

多甜please

SCP 茄麵邪視BB 一鍵留名！

姣莉雖然冇翹住我，但係仲好熱情，成日嬲我講野，但問題係我講野不停卡機，搞到佢好似好冇癮咁。

[陳奕迅呀，黎喇喂！]細峰話。佢係成班人之中最唱得嗰個，其他嗰啲，得姣莉叫做一般囉。

[小雲，唱啦！黎到neway唔唱k，點得嫁？]阿滔塞支咪落我手，我接左，但係驚唱得唔好俾人笑，所以唔敢開聲。

[攔路雨偏似雪花 飲泣的你凍嗎]細峰唱趁歌其他人都會靜哂咁聽佢唱。

[唱啦小雲，怕咩鳩姐？我地呢度個個都柒過啦！]阿滔話。

[哎，一係我陪你唱喇！]姣莉攞起支咪就唱:[苦心選中今天想車你回家]

唉，死就死啦，人生總要柒番幾鑊先係路嫁嘛！

[花瓣鋪滿心裡墳場才害怕]

[如若你非我不嫁　彼此終必火化]

[wow，勁野！喂，你條友仔扮哂野咁想點姐？]細峰都忍唔住話。

透明人間

估唔到我一開聲會引到咁多人讚我，我竟然有啲感動，真係咁大個仔都未俾人讚過。

基本上由細到大我都係俾人無視，隨左屋企人，根本冇我留意我，問題係我屋企人都冇乜點讚我。朋友圈子？我都冇乜朋友，仲講圈子。

而家我居然喺同毒撚對立嘅MK身上搵到啲存在感，令我覺得自己好想做番個MK。

唱完富士山下，成班人即刻想捉住我同我合場，當中以巨峰同姣莉最顛，直程係搶哂咪咁。結果，我被逼連唱十首歌，有兩首係啱女聲嘅，有三首係我唔識嘅。

[我走喇！]我準備唱第十一首歌嘅時候，巨峰搶咪輸左俾姣莉之後大聲話。

[玩下姐，俾番你囉！]姣莉話。

[唔係呀，我真係要走喇，約鳩左人。]

[嘩唔係掛？咁早走人？掃我地興？你係咪路呀？]細峰話。

[咪係囉，唔好走住啦！]阿滔話。

[唔係呀，唔走唔撚得，最多我俾多啲喇！]

巨峰掉低左五百蚊，咁就走左。

[屌你咩，有錢大哂呀？]大峰話。然後連續十分鐘，成班人就不停講佢壞話。原來早走都要鞭屍。

話說巨峰有個女朋友，叫做樂晴。樂晴讀同我一樣讀Form 4，得意嘅係佢竟然同我住同一條村。世界真係細，我竟然咁轉折咁識到個同自己住同一條村嘅人。

黃子華講過，一對男女拍拖有鐵達尼極限，而巨峰同樂晴係呢個極限嘅加強版。巨峰識左樂晴一個禮拜，就喺whatsapp度send左幅裸體嘅自拍照，話：[me big dog make you height（閪） wet.]

由於巨峰好有米，而港女對有米仔毫無抵抗能力，所以樂晴完全受溝，send番幅鮑魚close up相話：[my height have so many water.]姣婆遇著脂粉客之下，樂晴就上左巨峰屋企住三日，做過啲乜就自己FF啦。

ff 唔到 詳細d

樂晴喺巨峰度住左三日，就開始擺款，又話月經到唔扑得，又話攰得滯唔想扑，但係巨峰啲錢就係咁洗。

而巨峰，已經想搵過條女代替樂晴，但係新女又識唔到，識左嗰啲唔係屌過就唔啱胃口，所以甩唔到樂晴。

一個星期之後，樂晴覺得要進一步控制巨峰嘅錢，就開始起佢底，點知一起之下，不得了…

02年嘅時候，巨峰老豆原本仲係地下組織[K41]嘅其中一個支派，專責毒品轉口。
由東南亞黎，經香港轉口大陸嘅毒品大部分都係由佢主辦，當然買俾香港人嘅都有唔少。

毒品買賣佔左[K41]全部收益嘅三成。縱使巨峰老豆咁仆心仆命，所有買賣毒品嘅收益都要上繳中央，所以巨峰一家嗰時好窮。為左脫貧，巨峰老豆決定離開[K41]自立門戶，而估唔到嘅係，有一半[K41]嘅成員竟然轉軚跟巨峰老豆。

自立門戶之後，毒品收益有一半歸自己，另外嗰半分哂俾其他兄弟。此舉得到一眾兄弟嘅支持，因為喺[K41]根本唔會分咁多。

巨峰一家人表面上無業，忽然有咁多錢實會有人懷疑。所以冇幾耐佢就一半自資一半借貸咁開左間叫[權發]嘅藥房有限公司，一方面先用下啲錢，減低其他人嘅懷疑；另一方面令佢更方便做毒品交易。

輾轉去到03年七月，政府開放自由行，除左一班中國旅客湧入香港購物，另外亦令到毒品交易更加方便。所以，無論係[權發]嘅收入定係毒品買賣嘅收益都大舉上升，巨峰老豆就決定連開兩間藥房分店。

就係呢一下，[權發藥房]一舉成名，巨峰老豆被譽為一代商驕。跟住呢一兩年裏面，[權發]連開多十一間分店，成為全港最大藥房連鎖店。

另一邊廂，毒品買賣嘅收益亦不斷上升，[K41]餘下嘅手下大部分都轉而投靠巨峰老豆。淨番嘅死硬派，全部俾人…所以，[權發]變成黑道龍頭。

將兩邊收益加埋，巨峰老豆身家接近一億。巨峰老豆又開始驚人懷疑，所以佢又決定將部分資產轉移去中國，貪佢冇人監管，就算有，俾番甜頭就得啦。

於是，巨峰老豆喺惠州買左笪地，幾幢物業，再開左個戶口。當然唔少得嘅就係開藥房。

樂晴起完巨峰老豆嘅底之後，覺得絕對可以鑿一筆勁嘅，所以就走去勒索巨峰。

無啦啦劇情轉得咁快
講個女人既

無啦啦劇情轉得咁快
講個女人既

舖排緊，但係作得太長

我係咪應該繼續出，自己個故仲多過其他人留言…

睇黎個故名冇改錯…

一鍵留名