事實再一次證明　依個世界就係咁黑暗
如果你想成名　最好既方法就係搵個財主　打本幫你成名
如果你無錢　你就靠把口經營小圈子　養番班粉絲
上面兩野樣你只要做到一樣　你寫狗屎垃圾　都可以出書都可以話自己係作家話自己寫緊文學
而事實上香港人既品味真係咁低：多人睇＝好睇　多人討論＝值得討論

大家都係寫手（先唔好計優劣）
你話見到有人又出書又有大批讀者
你問我羨唔羨慕？話唔羨慕果個一定係呃你

好似係托爾斯泰曾經講過
如果有一日佢去到一個荒島　全世界得佢一個
佢幾鐘意寫野佢都未必會寫
寫得野比人睇，就一定有一定程度係度「討好」緊人
寫左野出黎　就一定想有人　最好有人讚
但我覺得更重要既　係鐘意自己寫既野
我都想名利雙收　寫文寫到陶傑倪匡咁發達
但當我做唔到　我都至少覺得自己寫既野係我真係想寫
因為我真係鐘意寫野
而唔係「完全」為左討好任何人　或者透過寫野去騙財騙色

希望各位講故台既巴絲打勿忘本心　努力耕耘

共勉之