「飛哥﹐七點半啦係時候換衫返工啦。」
啊﹐又係一個陽光明媚既早上。
窗外﹐是那片熟悉的維港。
我移到床邊﹐拿起那一盒紅萬﹐「嚓」的一下﹐點起了一根香煙。
迷離的目光﹐失焦的瞳孔﹐模糊的記憶…

佢係﹐咩名呢﹐啊屌﹐搞左成晚都冇問佢叫咩名。
屌﹐知唔知都係咁啦﹐反正又係一隻「自來雞」。

啊﹐頂你個肺我終於記得啦﹐佢咪係伊莉亞斯。
唔係你地班死毒撚諗緊個位伊莉亞啊﹐係伊莉亞斯。
一個十八歲既青春少艾﹐雖然冇咩波路﹐但係勝在夠哂主動。
飛哥我食女無數﹐呢條女我比B+佢。

至於你問我點解會識佢﹐我只可以答你︰因為我既文采囉。
唔記得自我介紹添﹐我叫啊飛﹐今年三十三歲。
平時最大既興趣係寫故同上網﹐以寫手黎講﹐我諗我唔係金庸個皮都應該同董橋差唔多啦。
呢一位伊咩野小姐﹐就係其中一個折服係我文采之下既女人。

"He walks in beauty, like the night
Of cloudless climes and starry skies."
我一邊食住煙﹐一邊用半鹹淡既英文讀左呢句詩出黎。

伊小姐一邊望住我﹐一邊用一種莫測高深既眼光打量我。
你一望你就輸左啦﹐因為你唔知句詩邊到黎又想問啊呢？

「我岩岩讀既係十八世紀英詩三巨頭之一 -- Lord Byron既一首詩﹐
係香港我地好多時會叫佢拜倫﹐你有冇聽過佢既詩呢？」

伊小姐搖一搖頭﹐摸一下我略帶浮腫既肚腩﹐細細聲講左句﹐
「你真係見多識廣啊﹐識到你我真係好開心。」

係啊﹐其實我會考英文唔合格架﹐咁又點？
我識得掌握女人既心理﹐你識條春咩。
今日就算莎士比亞返生﹐佢都冇可能食到我條女。

我食完手上枝紅萬﹐著返件衫就頭也不回咁行左出酒店。
開工啊屌你老母﹐掛撚住吟詩就黎遲到啦。

我用光速開盡Turbo﹐岩岩好係九點鐘成功達陣。
「喂﹗啊飛你今日跟我車﹐撚樣強病撚左冇人頂佢個位﹐今日你負責搬貨。」

仆你個街啊﹐岩岩扑完野就要搬貨﹐殺撚左我啦頂。