愛琴海，玩夠喇……

對待網上嘅謠言，我本來想一笑置之，但當幾個平時連高登都唔會上嘅中學同學打黎問我咩事，Facebook pm問我搞乜鬼既訊息都有幾十個，我左邊同朋友解釋完，又要答讀者既問題，高登既Post開完一個又一個，用字一個比一個更重，早幾晚我訓唔到既時候問自己，究竟聽日會點，究竟我身邊有幾多個朋友仲係相信我，究竟謠言止於智者係唔係真？有人同我講，你潛一排水就會無事，今時今日，你講乜都無人信，不如去散下心啦。

雖然呢種對策好成熟，網上爭辯沒完沒了，但我覺得，事到如今，我必須要講幾句，我盡左自己責任去澄清，之後問心無愧。經過幾日朋友嘅慰問後，我覺得再唔出聲會對唔住呢班朋友，討厭我既人，睇完可以繼續鬧，篇文係解釋比一班支持我，信任我既朋友聽，因為你地，我不再沉默。

愛琴海小姐，已經一星期了，有咩都好，玩夠了。張飛人係我朋友，我絕對承認，而網上見到嘅圖，有講過，我絕對會承認；但無做過，我唔會食死貓。

朋友之間，張飛人同我傾計，佢感情生活如何，我唔會過問，佢講嘅，我聽，我比反應。感情生活再複雜嘅我都識，我都當佢地係朋友，感情嘅野，咁大個人自己會有分數，唔通我同佢講一句，檢點少少而佢就會改變？我有勸過，但張飛人嘅仇家又點會放呢種對話出黎？

要揀對話，咁大個Facebook，長達一年時間，講嘅野好多，要抽出有利用價值嘅去攻擊張飛人，非常容易，而我？無我嘅話把火又點會燒得大？上年已經鬧出過一次事，件事峰迴路轉，我唔敢肯定佢係所謂嘅新移民，佢亦無同我承認過，所以我只係警告身邊既朋友小心一點，但之後事情告一段落後，大家同一圈子，有講有笑之下，我覺得張飛人唔係傳聞中咁差，起碼佢從來無害過我，可能我係男仔，佢對我無興趣先。

網上嘅圖，我唔回應太多，張飛人同我講嘅野，真係存在過，我願意承受，但由一幅對話，無限演變到，蔣薇都有份一齊做，連帶到知情不報嘅其他作者都有罪，有一刻我以為返左秦朝，行緊連坐法，我亦不得不出聲去講。

圖有好多，一張無前文後理嘅圖，試問會係事實嘅全部嗎？將相隔幾日嘅圖東拼西湊，兩件完全唔同嘅事拉埋一齊，加幾句看圖作故事嘅做句，我無諗過有人會認真對待；最後將無時間標明嘅圖片，當係現時咁放出黎，令人覺得我背後暗算張飛人，大家諗下，目的好簡單，只係想佢地嘅目標身敗名裂之餘，身邊亦會斷六親。

感情嘅問題，我唔會過問，不歡而散嘅分手，欺騙感情係兩個人嘅事，我唔會干涉。有人認為張飛人係騙子，有犯法行為做過，我建議有關人士可以報警，比起係高登宣傳更有實際作用，佢有做過，就會受到制裁，而唔係用呢種網上公審。

當日你想我企你個邊隊我嘅朋友張飛人，有一刻我係曾經覺得，呢種圖，有理說不清，即使我解釋左，要做我，要鬧我，要數我有幾難？新圖可以源源不絕，舊圖要作文亦可以大造文章。兩部電話，你想蔣薇講乜都得，唔夠既，搵個分身出黎扮受害者，屈埋我都有份，再唔係，搵間酒店房，影個背影話係我亦得，反正蔣薇已經係大家心目中係一丘之貉。我可以選擇去隊張飛人，以我個名去講張飛人嘅事，強而有力，而且仲會令佢覺得眾叛親離，我亦可以置身事外，站係道德高地之上指責我朋友。

我有同張飛人講過：「如果我呢個時候同你劃清界線，你會唔會介意？」佢答我：「明嘅，你咁做，我唔會介意。」就係因為呢句，我任你玩，任你地PM我數落我，笑我，話我點解唔一早跳船咁蠢，我都無出過聲。你笑我同張飛人係酒肉朋友，話我痴佢飲痴佢食，我同張飛人聽到只係一笑。好多作者都驚落水，比你地玩埋一份，正如當日我都好驚一樣，但幾晚訓唔著，我已經習慣了。

我話你知，如果張飛人要坐監都好，我都會去探監。比我揀幾多次都好，我都會揀同佢做朋友。

好喇，你要搞我就搞啦，唔好連累埋其他作者。

網上世界，大家帶眼識人，希望唔會有更多受害者。

http://forum1.hkgolden.com/view.aspx?message=5178189&page=1