lm

Day 5 鹿兒島-> 指宿-> 西大山-> 鹿兒島
「指宿玉手箱號」 車箱設計以浦島太郎遊龍宮神話故事作為主題, 並繪上玉寶盒為標誌






列車姐姐 拎牌出黎畀我地影相啦













一出站就有免費足湯 但係因為時間比較趕既關係 無浸到


早得濟 咩都未開







我地既目的地「天然砂むし温泉」 去浸砂浴



睇黎指宿D狗好鐘意周圍痾




沿住海邊一直行就會到




https://farm6.staticflickr.com/5511/14489289744_0cfa27bfe1_c.jpg
發現前面有龍宮城既入口喎

終於到左 因為趕路關係 未有時間到龍宮一遊






行左大概兩三個字 到左啦!



砂浴費用好似係950yen 如果自己無帶毛巾黎既話 可以畀100yen買佢呢到既毛巾






因為砂浴既相全部見到人樣 所以只好又借網上既相一用
畀d日本妹你地j下

你訓底左之後 工作人員就會用剷埋左你 直到得返個頭為止


時間大約10分鐘 你覺得成身都出晒汗既時候就差唔多出返黎啦
跟住可以入去沖下身 浸下室內溫泉同日本仔格下劍

走個陣差唔多12點45分 要搭1點18分班車去西大山 即刻狗衝返車站
miss左呢班既話 基本上就唔駛去 因為下一班車係5點13分




指宿好有鄉村feel 成個人都好relax




返到去d舖頭都未開...




返到指宿站仲有少少時間就去7仔是旦買d野食當午餐頂住先


本身諗住返黎有時間先浸 結果都係無緣浸佢

唔睇d字都唔知為國家隊打緊氣

上車了










西大山駅係 JR最南既駅 唔計JR 最南既當然係沖繩

班次好疏 MISS一班就有排等

終於到左西大山 一落車好多人就已經爭先恐後咁係到影相

所以我決定去間士多行下先 等無咩人再影



西大山黃色郵筒 話係到寄出既POSTCARD 會為收者帶來幸福咁話



座山係開聞岳 本身都諗住過埋去睇下 同埋去池田湖, 但係D交通點樣都係一日內舞唔掂 所以只好放棄

欣賞完風景後 就等14:18分架JR返鹿兒島啦








山川駅 JR日本最南有人駅





努力練習棒球中

返到鹿兒島中央 15:49分 買D野食醫醫肚先


個飯睇得唔食得 整到好靚 食落好普通 係酒店小休一陣之後就出發去天文館通






基本上見到100yen店都會入 買野食買野飲都好


唔知以前d薩摩人係唔係普遍呢個高度



3色丸 90yen

係街邊都有小神社

夜晚去試試鹿兒島拉麵 「豚とろ」



個拉麵唔錯 好食過博多個個

咸到仆街之半熟蛋

無限酸蘿蔔提供

鹿兒島名物 「白熊」 姐係刨冰 無試到

旅人列車

Sent from Android app by Gannet

個內籠有無咩特別??

旅人列車

Sent from Android app by Gannet

個內籠有無咩特別??

好普通， 基本上都係西鐵普通特急咁樣， 只係加左d 貼紙， 展板， 印仔同乘車紀念證咁樣

好正
同囡囡去果然唔同D

lm

鰻魚飯呀！！！！！！！！！！！！！！！！！！！！！！！！！

右邊嗰款好吸引

好靚

巴打個post上咗膠登Facebook

高質post留名
巴打識日文

高質post留名
巴打識日文

識基本日文 聽還好
講就只可以 簡單問下路 吹2句水 有時都係日文夾英文咁用

高質post留名
巴打識日文

識基本日文 聽還好
講就只可以 簡單問下路 吹2句水 有時都係日文夾英文咁用

不過唔識日文都無咩問題 好多野其實用身體語言+英文都搞得掂

巴打個post上咗膠登Facebook

多謝咁多位巴打支持

Day 6
今日5點幾就起身 因為要搭6點班車去宮崎


南宮崎 無野既 之前上網CHECK過晒係呢班車架啦 唔知係唔係未訓醒 個陣唔覺有咩問題

787系「きりしま２号」特急列車






包車






櫻島 不過好大霧睇唔清




因為早得濟 食唔到酒店早餐 所以只好前一晚買定啦

鰹魚 脆脆地


霧島 唔夠時間關係所以無去到

我張飛明明係寫去宮崎站 但到南宮崎前我都一直係聽到佢話南宮崎係終點站 咁都無計啦 只好落車
一落車我就見D職員係到問D乘客你地去邊架?係唔係去機場? 我已經知道自己奶野了
跟住同佢講 我想去宮崎站 佢就叫我出去搭巴士..

出左個站 搵黎搵去都唔見有巴士站, 跟住就問下個婆婆 點樣去宮崎 講左一陣都只係隱約知道而家無車去宮崎
跟住死死地氣返車站問人 先知原來宮崎站個到前幾日發現左個懷疑係二戰美國丟落黎未爆既炸彈
今朝就封晒成個宮崎附近既路 拆彈

因為原本打算去青島, 日南海岸個邊睇 要係宮崎站到搭巴士 因為巴士4點幾就尾班 如果10點幾先出發一定玩唔晒
佢地就建議我坐列車去青島, 但係就去唔到「Sun-Messe日南」同「鵜戶神宮」 所以打消左呢個念頭, 決定聽日再黎
最後係霧島同返鹿兒島之間選擇左返鹿兒島, 所以就坐返787系返去 遊左成朝車河
返到鹿兒島已經差唔多11點幾12點 上電車買返個市電，巴士 1DAY PASS先 600yen

搭到水族館前落車, 都見肚餓啦 就去櫻島碼頭到食野先




「黑豚カツ丼」


黑豚拉麵

D黑豚好甜 好正

食完就去水族館 入場費1500yen 有市電pass就1200yen








睇完出黎見到有刨冰賣 天時暑熱就買返杯食啦 300yen 有好多味揀 我揀左桃味


跟住返酒店放低d無謂野 周圍行下 係前日食個間野前面 有個琴畀人隨便彈,
我都忍唔住表演返首「有隻雀仔跌落水」

本身係到等緊有個大叔整緊小丸子, 但係因為要趕巴士 等唔到 買唔到黎試下
搭「鹿兒島City View」上城山睇景











睇完就搭返車落天文館通行下

Mister Donut

見到有間野賣日本炒麵巨無霸 無咩勇氣去挑戰

行到攰就去試另一間牛肉飯



跟住又返AMU PLAZA行下

日本有樣野好既就係佢d巴士電車入面有唱錢機 如果你上左車發覺無散紙可以唱散張大紙 唔駛搵人同你唱 同埋部機可以幫佢地張IC卡(類似八達通?)增值 方便好多

去左機舖打左局 100yen/人 一局

呢部野就係係到彈下彈下 控制下方向 鬥快到終點 十分戇鳩



ps. 去日本玩可以用呢個網check晒你想搭既車幾點有
http://transit.loco.yahoo.co.jp/

787 系感覺科幻過885
885 比較歐洲車既感覺

增值呢樣好少巴士有， 福岡京都都係無既
但佢哋個錢箱識用你張整理卷計你幾錢同埋數你入左幾多， 好痴線

機鋪舊野香港都有
唉…未食飯睇到好肚餓

Day 7 宮崎
呢朝又係搭06:00班車 今次係宮崎無錯啦

早餐


炒麵包 無想像中咁好食 但都唔錯 麵偏甜

都係787系

08:22到宮崎

觀光案內所09:00先開門


係觀光案內所買「VISIT MIYAZAKI BUS CARD」 1000yen/person




第一站青島





「鬼之洗衫板」 - 由海底堆積既砂岩和泥岩規則化互相傾斜重疊而成 經幾百萬年地殼運動而露出海
面,再受到海浪侵蝕,因硬度不同而形成一排排凹凸面






青島神社 - 供奉 海幸山幸神話既 山幸彥，佢老婆豐玉姬同鹽筒大神。主要係求姻緣、安產同交通安全







海幸山幸神話 有興趣既可以睇下
火照命「海幸彦」和火遠理命「山幸彦」這對兄弟，是天照大神的曾孫。哥哥海幸彦擅長釣魚、弟弟山幸彥則擅長狩獵，有一天弟弟山幸彥對一成不變的生活感到有點無聊，提議交換彼此的工具、體驗一下不同的生活。於是海幸彥將他的魚鉤交給山幸彦、山幸彦將他的弓箭交給海幸彦。
怎知隔行如隔山、擅長捕魚的海幸彦一上了山打獵卻什麼也打不到。擅長打獵的弟弟山幸彦到了海中捕魚也一無所獲....山幸彦不但補不到魚、甚至連哥哥捕魚的神兵利器「魚鉤」給弄丟了！晚上兩兄弟再度會面時、哥哥海幸彦當知此事大發雷霆！要弟弟還他原來的魚鉤。

山幸彥只好把自己的配劍溶掉、做了五百個新的魚鉤給哥哥，但哥哥拒絕了！海幸彦只要他原本的魚鉤。山幸彥無計可施，有日在海邊發呆時得到陌生的老人指引、到了深海中的龍宮，結識了龍宮公主「豐玉姬」，而豐玉姬的爸爸得知山幸彦是天照大神的子孫非常高興，就把女兒豐玉姬許配給了山幸彥。

山幸彥和豐玉姬過了三年幸福的日子，山幸彥跟妻子說出了內心的煩惱，妻子豐玉姬告知了爸爸海神，海神便招集了海中全部的海中生物，結果在一條鯛魚口中發現了海幸彥的魚鉤。

海神告訴山幸彥，他把魚鉤還給海幸彥時要默默念咒，讓神奇魚鉤失去法力。另外囑咐山幸彥：如果海幸彥選擇高處種田、山幸彥就要選擇低處。如果海幸彥選擇低處種田、山幸彥就要選擇高處。海神會讓水只流進山幸彥的田裡。另外海幸彥只要出海、山幸彥只要朝海面吹氣就能讓海幸彥的船翻船。如此一來海幸彥勢必走投無路，只能攻打山幸彥。海神說完就把兩個寶珠交給山幸彥，並由一條鯊魚護送山幸彥回路上(青島神社)。

過了不久！海幸彥果然攻打山幸彥，但山幸彥使出法寶後海幸彥只好投降（海幸彥據說成為九州南部、隼人族的祖先）。打敗哥哥的山幸彥就接豐玉姬自己統治的國家生活，但豐玉姬因為丈夫違反了約定，在豐玉姬生產時偷看了生產過程，而離開丈夫和兒子而去、返回海中。

豐玉姬不忍兒子沒人照顧，便派了妹妹「玉依姬」到陸地上照顧她山幸彥的孩子，結果玉依姬後來和這個孩子結婚生下了四個孩子，長子就是日本皇室的始祖：神武天皇。



用貝殼和陶片掉入中央部份，就可以願望成真同消災解惡



行完就出去返搭巴士去第2個地方
「芝士饅頭」



11:51車

上左車就後無耐就開始落狗屎 灰左一陣 因為今日全部都係戶外景點 海邊 落雨好屎煩
去到「SUN MESSE 日南」個站個到 撞到幾個都係要行上去既人
有個泡菜仔入左附近間民宿(?)問個老闆路 跟住個老闆話今日落雨 可以打上去叫佢地揸車落黎車我地上去 叫我地係個到等下
「SUN MESSE 日南」 700YEN/PERSON
1960年智利發生大地震, 復活島石像遭受極大破壞 後來日本有三間公司免費替島上15座石像進行維修, 工程長達3年及逾億日圓費用
工程完結後, 復活節島長老會決定唯一授權日本建立呢七座MOAI 石像以表答謝
所以日本都係出現呢D石像啦


廁所

呢個係類似日晷 用影黎計時間

因為真係大雨到仆街又得一把縮骨遮 本身諗住係到STAY個幾2個鐘 慢慢睇
但係呢到基本上全部都係戶外景 頂唔順
最後決定係到食個飯就落返去搭車走





黎到日本之後愛上左呢到既高麗菜 加埋D醬好正 次次食親都停唔到口

「蕃茄芝士焗飯」

「南蠻雞定食」 南蠻雞D酸汁無得頂 個陣係日本超市見到都會忍唔住買

食完野已經12:50 但係要坐13:08班車 即刻狗衝落去
好彩架車未到

補返上斜坡前 既招牌

下一站係「鵜戶神宮」
落車13:13
落左車要行大概10分鐘路程入去




亦撞到一班阿叔阿嬸既香港旅行團


以前相信跟從左上個個牌咁係呢個圈行3圈 就可以洗淨我地每日返下既罪




呢2粒糖係係停車場間士多 買遮個陣 個老闆娘送畀我地既 佢叫我地一定要食左佢 話會帶來好運

之後上網睇返
豐玉姬因不捨小孩沒奶喝於是留下乳房，就是鵜戶神宮的お乳岩，滴下お乳水來餵小孩，並且託付給其妹妹玉依姬照顧。後來鵜葺草葺不合命與阿姨玉依姬結婚，生了四個小孩，其中四子神倭伊波礼毘古命後來統一大和，世稱神武天皇。這就是鵜戶神宮整個神話故事的來龍去脈。

「御乳岩」 可能因為落雨既關係 D水會係上面一直流落個尖位滴出黎 可能因為咁似lin頭

D香港朋友勁嘈 個個睇完都要大聲講一句 都唔似既 個一刻覺得好羞家

係御本殿旁可以買「運玉」5粒 100yen

相傳男用左手，女用右手，如果投中龜岩上面既草繩洞，願望就會實現

玩左200yen all fail
走既時間買左個角煮食 個包夾左個肥豬肉係入面 食落好似東坡肉


跟住經過岩岩個間野 買左張postcard 個老闆娘又送糖 仲話佢廿年前都去過香港 係一個好地方
我想同佢講香港被回歸左中國之後 而家已經變左好多... 但係唔識用日文講

等15:23班車去今日既最後一站 有 九州・小京都 之美譽的「飫肥城」

去到大概16:05

本身諗住買飫肥城既展館門票，因為散策地圖上有餐飲及紀念品換領券5張 可以去有呢個公仔同數字牌既舖頭換禮物

但係因為呢到大部分既舖頭都係收16:30 買左都無時間用

呢到好靚 真係好古城feel 推介各巴打去宮崎既話點都去睇下







去到已經收左

「療癒森林」






係呢到撞到每一個人(大部分都係學生) 佢地都會同你打招呼 感覺好有人情味
「公民館」 見到有d學生哥坐係入面做功課 好似自修室咁

因為要搭18:58分係南宮崎返鹿兒島既車 所以都係時候要走啦

因為仲未夠鐘 所以去左隔離食d野

入面係極凍既雪糕

食完就去7仔買埋等陣上車食既晚餐就差唔多上車啦

17:54 ＪＲ日南線 快速 日南マリーン号

返到南宮崎18:54 轉18:58既 787系


7仔冷烏冬幾好食

你真係不停坐787 系， 好似我去果陣成日中885系咁

跟住就返酒店抖一抖 就去左附近既商店街行下
地鐵係會話你知下班列車而家係邊一個站 係咩位 唔係講仲有幾多分鐘, 同香港唔同




其實唔係佢唔講,佢有個TIMETABLE講晒某個鐘數架車既標準到達時間(大阪)

EG 晏晝12點個陣可能係7,17,27,37,47,57到個個站,即係10分鐘一班

BTW,LAWSON雞扒先係王道

最慘就係當我想買芝士雞扒既時候俾隔離收銀機搶左

你真係不停坐787 系， 好似我去果陣成日中885系咁

見親佢就提醒我又無機會搭下885系

跟住就返酒店抖一抖 就去左附近既商店街行下
地鐵係會話你知下班列車而家係邊一個站 係咩位 唔係講仲有幾多分鐘, 同香港唔同




其實唔係佢唔講,佢有個TIMETABLE講晒某個鐘數架車既標準到達時間(大阪)

EG 晏晝12點個陣可能係7,17,27,37,47,57到個個站,即係10分鐘一班

呢樣野幾好 巴士都係會每個站話晒個實際時間畀你 就算架車早左到站 有D司機都會等到個個時間先再開車(我見等同唔等既司機差唔多50:50，唔知係等既司機好人 定唔等既唔跟 guild line la)