農曆年去澳門, 俾某國人拖筴黨碌腳唔在講, 夜晚返香港仲見到有某國人維園跑步徑食煙, 仲要啜到行掟煙頭入樹叢. 呢種生物真係去到邊衰到邊.

對於澳門起輕軌, 冇研究唔好發言, 睇於我俾鏟咗嘅祖先神主牌有冇修復之後, 就去澳門北面行個圈, 反正其他都行過.

行到三盞燈街市, 見到烚粟米個電飯煲烘到紙皮起火, 個阿嬸要人叫先知. 唔通澳門人真係遲鈍D? 之後一直行去筷子基, 青洲自來水, 鴨涌, 上去北區公園, 關閘, 佑漢街市, 電廠, 漁翁街 (髮夾灣), 螺絲山花園, 望廈墳場, 最後返去二龍喉.

其實 Google map 都好耐冇 update, 電廠隔離係澳門日報, 仲有新口岸聖羅撒中學遠D嘅中聯辦, 依家都仲未顯示. 珠海橫琴嗰邊仲亂晒位.

澳門話起輕軌, 基本上冇譜. 我 2047年選香港總統, 都叫有個日子. 佢冇. 不過我唔會催佢起, 反而覺得唔起好過. 因為澳門根本冇諗清楚起嚟做乜. 當然你話疏導交通, 但真係會"疏"到咩? 澳門政府對居民生活作息有幾多研究? 聽到個塞字就話起條 XX, 大白象, 掟一大筆錢 hea 咗你就算.

澳門起多條 XX 鐵路, 同我講香港問題一樣, 只係助長城市再繼續向中心位置塞, 將來愈起愈密 -- 香港仲可以喺港九市區內側起多少少, 澳門只會進一步整壞已經脆弱嘅馬路系統.

輕軌起響度? 有空位一早起馬路就得, 駛乜要鐵路咁唔 flexible? 專用線只會奪走現時行車線; 即使共用, 是但一樣壞車都會塞死晒.

架空, 單軌形式, 我都好支持, 不過都仲要落腳點, 兩線都係收窄到變一線, 好多路要單線單程. 預留高度畀大貨車過, 架空要離地近兩層樓. 如果來回方向分開兩層月台, 上層連上蓋將去到四五樓! 真係奇景呀!

地底, 又得啫, 去新加坡 city gallery 睇到地下唔同深同, 有不同用途. 咁我諗喺澳門半島要深過大廈地基囉. 打核戰都有得避喎, 好橋!



其實澳門真係需要嘅, 可能係將城市設施搬家, 縮短交通距離.

人應該住近工作地方, 每個區都要有學校醫院, 工廠連宿命搬離澳門過去橫琴, 港澳碼頭搬去觀光塔附近.

澳門半島可以向東大幅填海, 興建低密度平房, 獨立社區設施, 政府部門一併東遷, 唔需要迫入舊城區. 氹仔向北填到澳門二百公尺外, 剩低一條可行船河道, 同 Thames 相約, 用普通石屎橋過河; 新填地做中央公園, 圍住中央公園起豪宅大樓, 增加街道綠化. 氹仔削平山頭, 拉直、打通幾條主要馬路, 改建更加精細嘅小公園.

澳門發達十年, 街道都係好核突. 你唔會同巴黎、倫敦比. 媽閣附近河邊新街, 乃至整個澳門, 好多樓都好舊, 都唔重建, 唔修繕. 唔准起多幾層搵錢, 支那人係可以住到冧樓都唔理佢. 成個市都係鐵籠, 唔通真係咁多賊佬, 咁唔安全? 可見澳門人對居住質素仲係未有要求. 亞洲人, 除咗日本仔, 冇一度嘅人會追求完美.

澳門新區, 由樓房到街道, 應該參照及延續固有建築門派, 可以係中式或葡式, 維護整個城市建築風格一致. 唔中意, 可以將氹仔訂為新區, 但澳門半島唔應該亂咁起.

澳門食西江水, 偶有鹹潮. 可以喺橫琴西北面磨刀門起水閘, 當西江出海流量低, 或者打風、大潮, 關閉水閘, 令馬騮洲水道流量增加, 推出海水. 沿江上溯會去到我鄉下. 向西再遠少少有崖門、斗門河口, 應由江門市負責.

作為拜山客, 冇利害瓜葛, 我講嘅整個城市嘅規劃, 唔係有人嗌塞車就起輕軌, hea 過就算, 繼續私賣地皮貪污. 你中共揀嘅人就真係最直正, 最唔漢奸, 同你地本身一模一樣. 崔世安仲話要做多五年, 哈哈, 真係同你中共一般見識, 臭味相投喎.