lm肥左返睇

東方無比敵

竟然有人回
我心知作得唔多好

竟然有人回
我心知作得唔多好

文呢

<第二章>

　　係我面前既女仔好可愛 ,正當我諗緊佢係金庸小說入面邊個女角色,不過突然有個牛高馬大,同全盛時期既ARNOLD一樣咁大件
既麻甩佬走埋黎個我度,好似有啲企圖咁(唔通想爆我後花園 )

我唯有拎把瑞士軍刀同佢博過 ,不過個一刻我真好驚 ,
突然個個女仔叫停我,話:呢個係好人黎,唔好殺佢,佢係我既師父,所以我即刻收番埋把刀，我唔肯定我會唔會比佢打死，但我知道唔收埋把刀就一定會死，男人大丈夫，怕咩比人殺 ，冇錯，我就係怕比人殺

過左幾秒,佢用淩波微步走過黎我到,問我:少年,你渣把咁樣既刀仔就想殺我?你會唔會太異想天開
話口未完佢就拎左我把萬用刀黎研究,估唔到一把爛鬼野,係呢個時代係咁特別,我依家心諗:或者黎呢個世界係件好事呢?
個師父問我叫咩名,我答佢:在下"步驚暈",之後我問番佢高姓大名,佢過左幾秒先答我:我係蝗非紅,我話:師父可否收我為徒?
<待續>

彷彿尾已爛

啱啱開始就爛尾

啱啱開始就爛尾

冇計,我唔知點作古代題材既故
用番OUTLAST做題材算

重開？

重開？

係 我好鍾意武俠題材
或者遲啲功力有番咁上下先作

我其實唔多熟金庸啲小說
遲啲睇番晒金庸啲小說先 再諗作唔作

等我試下騎劫個故先

等我試下騎劫個故先

第三章

蝗非虹挺起胸膛，喺房裏面踱步，似乎諗緊野。個女仔就坐喺我身邊，似笑非笑咁望住我。

蝗非虹吸左一口氣話：[我倆素未謀面，何解閣下如似堂突，要我為師？我可否先知你身世？]

我話：[講起我就扯火，是咁的，小弟本住在蘇州嘅城邊，家中有屋又有田，生活樂無邊。點知…]

我突然發覺蝗非虹同個女仔一齊望住我，完全唔明我講乜。蝗非虹忍唔住問：[何解閣下談吐如此奇特，莫非你非本地人？]

我打左個突，就話：[我，本係鄉下人，唔太懂語言文字…所以就…比較難同鄉村以外嘅人溝通，請見諒。]

好彩蝗非虹都聽得明我嘅半口語半書面語，佢話：[原來如此。不要緊，你慢慢說。]

我話：[我原籍蘇州，父母係農民。父親喺我五歲時離開鄉村進城話要當兵，但從此下落不明，而我同母親就雙依為命。雖然父親一直沒有回來，村裏面其他人有啲都話我父親已經死左，甚至連我都不敢希望父親回來。不過母親一直堅信父親在生，所以多年一直在村口等父親回來，但佢越記掛父親人就越憔悴，仲病了…]

呢個時候，個女仔滿臉眼淚，掩面走出房間。蝗非虹亦都眼泛淚光，話：[這個女兒真是太感性了。]

我真係估唔到一個咁老套嘅故事竟然可以整喊哂佢地兩個，果然TVB師奶劇係啱古代人睇。

我繼續講：[好唔容易，阿媽…我母親才病好，但係佢非常頑固，病好了立即又待在村口等父親。終於有一日，有一個滿身傷痕嘅外地人，走到村裏，話係我父親的結拜兄弟。佢同我母親話，我父親被一個叫天下會的組織擄了去，並留下了一句，甚麼，金鏻豈是池中物，一遇風雲便化龍……]

仆街，我係咪作得太勁？如果蝗非虹知道其實係冇天下會嘅咁咪GG？

我望實蝗非虹，蝗非虹苦笑一聲話：[抱歉，我歸隱山林多年，莫說未知有天下會此等組織，世事如何亦是未有涉獵。]

哦，咁姐係作咩都冇問題啦！

我就話：[這個父親的結拜兄弟說了這些話之後，就失血過多死了，那時我十二歲。我母親將他埋葬後，便想辦法離開鄉村，希望尋找父親，我當然阻止。可是母親狂了，任何人都阻不了她離開。我唯有陪母親一起找父親。她不知道天下會的危險，竟然到處問父親的蹤影，於是在離開鄉村之後三個月的一晚，我母親就被殺了，只剩下我一人。我冇錢埋葬母親，唯有隨便找個山頭，挖了坑，把她埋了。可就當我埋好母親的時候，有個自稱地主的人說我破壞了他的土地，我當然駁他，不過我依然坐了半年冤獄。我輾轉來到這附近，又沒錢，又餓，幾乎死了。好在你救我，如果唔係我都唔知如何了。]

這時，個女仔喊住咁跑番入黎間房，攬住蝗非虹話：[爹你收他為徒吧。他的經歷如此辛酸，你就行行好吧，好嗎？]我望住呢個咁靚嘅女仔，居然因為我一個老作嘅故事喊到咁，慚愧之餘亦都有啲感動。

蝗非虹：[好吧，我就收你為徒，你跟我學武功，好報家仇！]大義凜然到咁嘅樣，真係霸氣到我有啲腳軟。搞到我想叫番佢做黃飛鴻添。

黃飛鴻話：[你說完了你的身世，到我介紹自己了。我黃飛鴻原籍廣東佛山，現年四十有二，早年於佛山成立寶之林道館，但為貪官污吏所害，被逼結束，與家人一起逃往山東。這女孩，叫紫霞，芳齡十一。]

紫霞喊到滿眼通紅，好溫柔咁望住我。佢呢個嬌滴滴嘅樣，係人都想衝埋去攬住佢。

黃飛鴻繼續講：[我還有一個大兒子，現年十八歲。此子神出鬼沒，已有兩天不在家了。他性格孤僻但聰明非常，他名叫黃藥師。]

黃藥師……東邪？

有冇人睇

我問：[師父，我可唔可以拿回那把刀？]

師父二話不說用食指同拇指夾住把刀，食指一彈，把刀就[啵]一聲高速向我飛黎，仲要刀尖向前。我連驚嘅反應都未做得切，把刀已經擦過我嘅頸邊，把刀冇掂到我，但係把刀嘅炙熱辣到我條頸多左個傷口。

[噠]，把刀垂直咁插住道牆，你要知道嗰把只係萬用刀，攻擊力有限。

我呆住咁望把刀。呢下，莫非就係彈指神通？

黃飛鴻話：[你雙眼看得挺快的，不錯。還有，你需要讀一些書，增長語言及知識。紫霞，午飯時間到了，做飯吧。]紫霞雞偷望左我一眼，咁腳咁走左去。

我趁住紫霞煮飯嘅時候沖個涼。

其實點解我要拜黃飛鴻為師呢？我唔係應該想辦法走人咩？我覺得既然黎到古代，咁緊係玩番夠本先啦。我番到去，咪又係要做毒撚，一個人食飯打機番學。既然係咁，點解我唔試下啲特別嘅經歷呢？我可能會死？是但啦，我番到去生不如死，咪仲衰！

我沖完涼一出黎，就聞到一陣飯香，搞到個肚打哂鼓。

紫霞嘅廚藝真係冇得彈，三道菜色香味俱全，睇到我想大啖大啖咁鯨吞，但係我都要顧及下禮儀。食飯嘅時候，師父同紫霞都一言不發，悶到上想開話題傾下偈，但係又唔敢開口。

食完之後，我忍唔住讚：[紫霞，你煮的菜真好味呢！令我吃完又想再吃。]紫霞嫣然一笑。

黃飛鴻話：[此女廚藝精湛，各種煮法皆有水準。再加上她琴棋書畫樣樣皆精，實是賢慧。]

聽到老豆讚到佢上天，紫霞不禁怕醜，話：[爹你別這樣說。]

黃飛鴻繼續話：[我是想徒弟跟你學習文藝。]紫霞當然更加臉紅。

[下？]我驚呼一聲，話：[怎麼可以要一個女子整天與我一起？男女受授不親呀！]

黃飛鴻話：[你竟懂這道理。但不要緊，紫霞作你的老師，我也會從旁協助，這樣可以吧？]

100%無違和騎劫

100%無違和騎劫

有違和，仲好多添
首先個女仔同黃飛鴻本身師徒變成父女
仲有寫作風格都唔同，兼且我冇用icon

我唯唯諾諾咁話：[好啦！]

紫霞問我：[不知雲你對哪些文藝有興趣？]

我爭啲想講，潮文！因為照番呢個時期黎講，最犀利嘅潮文好似係六國論。我話：[琴吧！]

紫霞笑左一笑，話：[琴偏偏就是最難學的。可是這裏沒有古箏，只有玉簫。你學吹簫可以嗎？]我點頭。

紫霞再講：[那我明天開始教你基本技巧，往後再教你一首我自創的一曲，碧海潮生曲。]

下？咪就係黃藥師用黎同洪七公，歐陽鋒挑機兼用黎選婿嗰首？