其實我都係頭先見到saynotochina巴打封信，我先知原來時報改左名

時報改唔改名，其實我都無乜感覺，因為係我心目中，膠登巴打／管理員對時報無權力

佢改咩係都阻止唔到佢


我會奇怪既，反而係點解會有巴絲咁大反應

話人地點解自己搣甩「膠登」個名

點解？其實真係好簡單

就係「膠登」個名已經唔代表ｄ咩

講多次，「膠登」已經唔再代表ｄ咩


無論膠登曾經代表過咩都好，依一刻，人地已經有自己讀者群，有自己既風格，有自己既文路

依一刻，講句「是咁的」都會俾人話係高登仔

而膠登就咩都唔係，乜撚都唔係


一年前既膠登為咩而建立都好，之後會唔會重振都好

依一刻既膠登已經乜柒都唔係，只係一個小小既論壇


我講依一番說話，唔係想踩低膠登

而係希望有心既巴絲認清事實，膠登真係得番個名

一年落黎，無任何代表性既作為，時報勉勉強強（因為我都唔係好記得當年既細節）都係膠登既衍生品

依家連唯一既時報，都要獨立。

膠登仔真係的起心肝，去做好自己本份，至少唔好再少少事就罵戰，唔好硬記住當年最人才濟濟既膠登

另一邊我見有位手機台巴打話過黎避難，都係有人屌佢「避咩難呀！」

點解唔好同佢吹下水，講下手機野，或者佢會上黎回番你，咁咪多個巴打囉


咩話？唔需要做到咁低，有吸引力自然有人流？

係呀，就係無果度弊。膠登已經無任何吸引力，係時侯認清事實，重新上路。

共勉之。