都係嗰句，有片有真相。

大批反佔中人士連日來到各個「雨傘革命」佔領區搗亂，人物性格「千奇百怪」，雖然「收錢做嘢」甚囂塵上，但佢哋當然係死口唔認。

有讀者就向我哋報料，今日（10月5日）搭的士時，突然聽到的士台「吹雞」動員人手去遊行，「今晚4點至6點，想睇吓有冇同事想參加合法遊行，由警方開路，有津貼500蚊，大概兩個鐘頭左右，啱就自己去筲箕灣XX寫字樓，或者打俾我，詳情可以問我。」

而的士台所講的「合法遊行」，又係咩呢？原來係的士司機從業總會，聲稱不滿佔中影響生計，故發起「千輛的士」慢駛至金鐘等被佔領的道路，以表達不滿。有得表達訴求又有津貼收，幾好喎。
http://nextplus.nextmedia.com/news/spot/20141005/91058