掉你公仔條女好八婆

掉你公仔條女好八婆

算啦....都過左咁多年...
咁係佢個角度睇....
可能我真係好煩呢....

你真係多姿多采
我咁多年嚟淨係鍾意過一個女仔
而且最後仲冇開到口

發現同類
我中1個時某女神同班，佢品行好好，有賢良淑德feel。最勁個句粗口係 x你個肺。3年來我到可以同佢一齊行路返學，但係我選擇搭車，因為為我怕撞到佢。我有為過佢讀書，有勁過佢。但係佢係中4就轉左去更勁嘅學校。。。好彩佢選嘅科有一科同我一樣，我有信心佢入到大學，咁我地之後就有勁低機率會再見面。。。大前題係要我入到大學。。。 ~.~

諗起以前幼稚園我都有少少鐘意個女仔想黐佢
但佢見到就一直避坐去第二度
依家既我覺得愛情係好嘔心既事,諗起依啲野就個心唔舒服同想嘔
唔係講笑,真係有小小想嘔
當然我唔係幼女控,(至今蘿莉大小小)
雖然我都想識蘿莉
睇你寫左幾樣野有種哀傷既感覺

8. 點解連網戀都要係單戀？

之前分享左好多係現實世界入面的單戀經歷，雖然都佔左人生一段幾大部份的時間

但大部份都只係停留係「心癢癢」的程度，而無真係覺得太傷心，但直到互聯網開始發達，人同人可以係網上面交流開始，我的惡夢先真正開始

話說我第一次係網上鍾意女仔，係來自我人生第一隻Online Game，當時有個同學(改個名畀佢叫做阿達啦)，咁阿達介紹我玩，我就同佢一齊玩啦

第一次玩Online Game感覺真係好震撼，因為可以同人一齊玩，一齊係個城入面行來行去，可以傾計，可以打怪，種感覺就好似一齊去左另外一個世界生活咁

咁有一日玩玩下，阿達介紹左兩個女玩家(係兩姐妹)我識，話係佢係game入面識的朋友(#時代久遠我已經唔記得究竟佢地係現實識，定係game識，當係game識啦)

咁起初都無咩特別，都係大家一齊組隊去打下怪，傾下計咁

但可能毒撚係現實生活入面無咩機會接觸女仔，突然可以透過一隻Game同一個女仔朝夕相對，對我來講真係第一次

就係咁對得耐左，開始日久生情，我發現自己鍾意左家姐

果時個情況係咁，細妹鍾意阿達，之後佢地好似約過出來見面，然後阿達就同佢一齊左 (好似係)

咁我就由頭到尾都無見過佢兩姐妹，因為阿達果時出去見面都無問我去唔去

咁直到有一次，我忍唔住係Game入面同家姐表白，話鍾意佢

之後佢當面拒絕左我，理由竟然係佢都好鍾意阿達，因為佢覺得阿達真人好靚仔

我果一刻真係好傷心，十幾歲人第一次當面被人拒絕，而個理由係因為佢鍾意佢細妹個男朋友？

今時今日諗返起成件事，我覺得好ON9，但果一日我好記得自己做左d咩

我個電腦播住周杰倫隻龍捲風，「愛像一陣風，吹完它就走，這樣的節奏，誰都無可奈何....」

我一邊跟住唱，一邊d眼淚就係咁滴落個鍵盤度，然後我走左入房，困左自己係入面係咁喊左成日

就係咁，我第一次網戀就係「又係單戀」之下收左皮

事後無幾耐，問返阿達睇家姐張相，Not Bad...

但果一刻，我只能係阿達面前扮瀟灑，係度仰天大笑，哈哈...唔係呀...咁醜樣...你食埋我果份啦...

其實心入面，多少都有D痛

第一次為左一個女仔喊，原來呢個只係序幕，更痛苦的網戀原來仲等緊我

Op柒事一籮籮

你太容易鐘意人了 咁樣好辛苦

我都係

Op柒事一籮籮

不要說了