你太容易鐘意人了 咁樣好辛苦

我都係

但係你個異地經歷好正wor

唔明 邊件

你太容易鐘意人了 咁樣好辛苦

我都係

但係你個異地經歷好正wor

唔明 邊件

係外國相遇
一齊玩左一日果件

呢排香港局勢咁
坦白真係無咩心情寫
唉...

你太容易鐘意人了 咁樣好辛苦

我都係

但係你個異地經歷好正wor

唔明 邊件

係外國相遇
一齊玩左一日果件

唉 唔記得今個星期幾 佢話...我聽日結婚
聽到都沉一沉 不過理性上 一早都知係無結果 遊羅馬果一日 開心就夠


Btw 無故拿屌

唉 唔記得今個星期幾 佢話...我聽日結婚
聽到都沉一沉 不過理性上 一早都知係無結果 遊羅馬果一日 開心就夠
Btw 無故拿屌

故就有...
不過等呢家UR...
無心機寫住...
遲D局勢明朗/平靜 先再寫...

9. 建基於利益的感情係脆弱的

承接上個故事，都係玩同一隻Online Game，但係之前就玩台服，而之後到暑假，港服就正式開始，我亦馬上由台服轉戰港服

吸收左之前玩台服的經驗，港服一開時已經知道自己要做d咩，要去邊打咩怪先升得快

咁果時剛剛開始，隻Online Game係香港都仲未廣為人知，絕大部份都係本身有玩開台服的香港人，人數亦相對好少

那時都仲算係開頭比較低的Level，咁有一晚去到某一個區打怪，剛巧同一個區入面有另一個女玩家

Game入面係夜晚，成個區入面除左怪之外，就係得我同佢兩個人係度

已經唔太記得係點樣同佢開始傾計，印象中佢係一個幾Cool的人，大家都係各有各玩

直到，其中一隻怪被打死時，跌左一樣「特殊武器」，而我用0.5秒時間就執左果件武器

咁講下果件「特殊武器」有咩咁特別先啦，佢個外形同普通武器無分別，但係當佢係地下時，隻色會有唔同，所以其實係一睇就知

而呢件特殊武器係平時個普通版本攻擊力的1.5倍(定係2倍？)

而且平時非常少機率會跌，係好罕有的武器

而有趣的是，果件武器其實唔適合我遊戲入面個職業用，而係剛剛適合同場個女玩家用

佢搶輸左畀我之後，就開始試圖說服我讓左件武器畀佢

呢個時候，就係體驗所謂的「談判技巧」啦

其實我一直都係一個正人君子，但係唔知點解果一晚，我偏偏化身成為一個「無賴」

點無賴法？我話將件武器畀佢都得，但係有一個條件...



就係佢要做我Game入面的老婆

起初佢好唔願意，但係我又透過交易介面Show件武器畀佢睇，引誘佢

我雖然唔係佢肚入面條蟲，但係我懷疑佢果時真係睇件武器睇到流晒口水

最後佢應承左做我Game入面的老婆

而我更加係得寸進尺，我要佢同我講「老公，我愛你」

佢又係好唔願意之下，拖拖拉拉左好耐，最終都係迫於無奈屈服係我的淫威之下，講左句「老公，我愛你」

於是我就守信，將件武器畀左佢

如是者，佢就係我生命入面第一個「女朋友/老婆」you name it la

第一次有一個「屬於」自己的女仔，感覺真係好開心

不知不覺我都由玩玩下，變到真係投放左感情入去

係Game入面都係老公/老婆咁叫對方，但實際上唔多野講

而佢升Level仲快過我

果時有ADD到佢ICQ

最記得兩件事

第一就係交換相，起初佢話唔好，佢話「不如留返個美好幻想畀大家」，時至今日，呢句野都仲係我口頭蟬之一

但最後，我都係SEND左張柒到爆的相畀佢，而佢亦回左一張相畀我，唔知點解，直到果一刻，都仲係幾鐘意佢，雖然我唔知自己鐘意佢D咩

第二件事，就係佢介紹左一隻歌畀我聽，係盧巧音的"喜歡戀愛"，我第一次聽就已經好鍾意呢隻歌，直到咁鬼多年後的今日，我依然係好鍾意呢隻歌

最後我地兩個點？

其實我本身唔太記得，但為左呢個真人真事系列，我睇返舊時寫落的日記，上面大約係咁寫

係暑假入面我跟親戚返左大陸一個星期，一個星期之後當我返香港時，我Level已經被其他玩家大拋

而最後一句係，「我老婆走左路」



無錯，走左路，我被拋棄了

呢個故事教訓我地，一段因為利益而開始的關係，亦會因為利益唔再存在而完結

已經唔記得果一刻有咩感受，大概係一種淡淡然的哀傷吧？

「誰也會走....剛失戀的我開始與旁人攜著手...但什麼可以擁有？」

老婆走路呢個「成就」，我十幾歲人時已經達成左啦





https://youtube.com/watch?v=g0wj3sxJvck

睇到走路果句笑咗

做乜嘢

走左佬

10. 最長的等待，最痛的結果

如果問我由咩時候，從一個細路開始成長，我相信絕對係由認識接下來要講的一個女仔開始

我唔知道應該點樣去介紹呢個女仔，或者就由相識開始講係吧

好對唔住，其實我已經唔記得點樣識佢

只係記得佢都係玩同一隻Online Game，當時佢仲係新手，唔多識玩，而我都算係老手了

當被之前的老婆拋棄之後，孤身一人的我遇見左佢

我完全唔記得係點樣開始，或者係因為年代久遠，又或者係我潛意識唔想諗返起

只係記得，係一條村入面，一間好細好細的教堂，入面得三個人，我，佢，仲有我現實入面的一個同學

個同學幫我地做證婚人，就好似牧師咁讀出一句一句的誓詞，大家也說了一句「我願意」

果一晚，或者係我一生人入面其中最開心的一晚

人類總是犯同樣的錯誤，我非常投入呢段感情，亦認真地相信可以由網戀發展到現實的關係

當時我準備要考CE (好似係)，佢就準備考AL，無錯佢係大過我

而佢叫我等佢，等佢考埋個AL先見面，當中有好多承諾，而我竟然選擇相信佢

但係果時佢無畀到電話我，而果時亦無智能電話，咩Whatsapp / Line 果d係全部都無

係果一年入面，佢個Acc就由佢「家姐」(又係家姐....)負責玩...而佢就消失左

我唔知點同你解釋，當你心入面真係好愛一個人，好想念一個人，但係係你生命入面完全搵唔到呢個人，而你要足足等一年，係咩一回事

我只係記得我開始唔笑，開始唔講野，開始收埋自己，開始一個人坐係度咩都唔做，剩係諗野，聽歌，唱歌，同埋喊

呢一年我成個人的性格完全變晒，變到好重愁善感，好負面，好寡言，好敏感，亦長期傷感，基本上無論任何時間，我都可以係5秒內流出眼淚

我每一日都係係痛苦同悲傷咁度過

仲要安慰自己，要相信佢，要相信佢，等一年好快就過

我仲傻到擔心見面時會因為佢外表而接受唔到佢，於是我就開始嘗試將自己價值觀掉轉

我不停上網搵d豬扒相睇，之後係咁同自己講，正呀，正呀，好靚女呀

無他，純粹係想洗自己腦，但出到來見面時，就算對方係肥瘦高矮定天殘地缺我都可以接受到，可以維持我對佢的愛

雖然我自己都要準備CE，但係我間唔中都會入Game試下搵下佢

有時會見到佢家姐玩緊，問佢阿妹點，都只係得到一兩句簡單回應

後來，個家姐用個Acc同另一個高Lv男玩家結婚

婚禮係村入面一間大教堂舉行，高朋滿座，最少5/60位玩家為佢地送上祝福

我亦唔識得去解釋果一刻我心情有幾咁複雜

我係度觀禮，個腦就諗返係自己當日係間小教堂入面，簡簡單單同佢行禮的美好時光

同一個角色 (雖然so call 家姐)，但我感覺就好似睇住自己前妻再婚一樣

我好唔開心

我記得佢同我講過佢住邊區，讀邊間學校，於是我得閒時有曾經去過果兩個地方

為的只係感受佢的存在

聰明的各位睇到呢度，應該都知道我係被人玩緊

其實雖然小弟當年柒到入血上腦，但其實我心入面多少都知道

只係理性上知道，感性上叫自己相信

悲劇

最後，一年後，係Game入面終於見得返佢

佢用左一個低能藉口同我分手

唔緊要，其實我預左，不過可唔可以唔好諗個咁低能的藉口？

由果一開始，我痛恨人玩弄感情

咩都可以玩，但請你唔好玩弄一個人的感情，因為你會好傷害一個人

咩都可以玩，但請你唔好開空頭支票叫人等，因為等一個人，sorry，係等一個等唔到的人，係好痛苦

我由一個陽光男孩，係一年之內被你傷到變成一個陰鬱的人，時至今日，傷痕仍在

其實我係一個好簡單的人，喜歡你，就會一直對你好

可能有種種原因，佢只係想玩下，無諗過個傻仔會咁認真真係等足一年

但如果呢個世界有如果，我可以同佢係一齊，我相信我會令佢幸福

不過呢個世界沒有如果

same here
只不過係由愛情轉左友情
係咁俾人呃俾人玩
太天真太易信人

same here
只不過係由愛情轉左友情
係咁俾人呃俾人玩
太天真太易信人

i know that feel bro~

乜冇人教精果陣嘅9499架

乜冇人教精果陣嘅9499架

到家下都無人教精我

乜冇人教精果陣嘅9499架

到家下都無人教精我

冇講下比朋友聽咁咩？

乜冇人教精果陣嘅9499架

到家下都無人教精我

冇講下比朋友聽咁咩？

有
不過大家都半斤八兩
幫得幾多？

乜冇人教精果陣嘅9499架

到家下都無人教精我

冇講下比朋友聽咁咩？

有
不過大家都半斤八兩
幫得幾多？

印象中佢地嘲笑多

收工前試下出多一篇先

乜冇人教精果陣嘅9499架

到家下都無人教精我

冇講下比朋友聽咁咩？

有
不過大家都半斤八兩
幫得幾多？

印象中佢地嘲笑多

朋友永遠不可信(起碼我識咁多大部分都係)

11. 辜負一個人，其實都好痛苦

當睇到標題，大家係唔係以為我被人玩完之後，就去玩返其他人呢？

咁你就錯啦，因為我係唔會做呢D仆街野，但有時命運就係要你做唔到好人，請聽我細細道來：

話說當我已經被傷到體無完膚，人唔似人之後，我亦終於離開左個隻Online Game，去左玩另一隻以聊天系統完善見稱的Online Game

其實呢隻Online Game 我只係玩左短短幾個月就無再玩，呢個女仔係其中一個原因

記性唔好，已經唔記得當初係點樣識佢，大概狗公似我，都係見女就衝

同前幾次網戀最大分別係，今次好快就交換左電話，開始傾電話

如無意外，係我第一次認真同一個女仔傾電話

17歲人先第一次同女仔煲電話粥，(之前講兩句收線果d柒野唔計啦)，真係幾可悲

咁出奇地同佢又幾好傾，佢以前學校原來又係我學校附近，而且有d人仲要係common friend

雖然佢又好似大過我，但係大家都有唔少共同話題

而佢本身係Game入面一直鍾意緊一個男仔，但貌似果個男仔唔多Show佢，所以我就係呢個位乘虛而入左 (Timing o既o野，你識條鐵咩？)

咁唔知點解講講下，我鍾意佢 (其實我真心唔知我鍾意佢d咩)，而佢又無啦啦鍾意我

但佢過去的經歷實在太誇張

詳細我已經唔係好記得




過左幾日，到左某一個位，我開始諗，我係唔係真係愛佢？

定係我只係因為佢慘慘豬而同情佢？

而我到底足唔足夠去背起佢，同佢的過去？

呢條題目，當年17歲的我拆唔到，最終我選擇逃避。

咁之後係一日講電話時，佢提起佢因為之前佢係Game入面鍾意的男仔令佢好唔開心 (心諗：屌你咩，跟左我仲掛住第二條仔？)

唔知係女人的直覺定咩，佢問我有咩就同佢講，等佢一次過承受晒佢

於是我就同佢講清楚同分手

最終呢段感情，係大家都未見過面，只係傾過電話之後就完結左

我收左線之後，喊左好耐，灰左好耐

我覺得我好仆街，我覺得我辜負左一個女仔對我的愛同信任

呢種內疚感一直綁左我好耐時間 (都應該有兩年)

直到後來，睇左d唔知愛情電影定小說，我先放開左

當時我放開係因為我終於明白到

我只係Timing上係佢最唔開心時出現，扶左佢一把的人

果一刻，就算果個係路人甲乙丙，佢都會一時錯亂分唔清感激定真係真愛

其實佢從來唔係真正愛過我，正如我唔係真正愛過佢一樣

安慰完自己，亦都放過自己

經過今次之後，我知道感情係要好小心

自己受傷的同時，其實亦會傷害到人

我唔想做傷害到人果一個

我想做一個好人，但係命運就係令我做左一次衰人

辜負一個人，唔好受，所以我絕對唔會再犯第二次

朋友永遠不可信(起碼我識咁多大部分都係)

之後剩返唔係好多啦

遲d得閒再講埋去...

之後剩返唔係好多啦

遲d得閒再講埋去...

本身都sad sad地
睇完仲sad

見仲有少少時間
試下講多一個
呢個應該好快