嬸嬸就係咁一做就十幾年做到變婆婆，直至三個月前正值我大學畢業，果時有單咁嘅野：有個戴住金鏈嘅阿叔走黎公園宣布：「園丁婆婆做埋呢一個月就唔做啦！而我呢就係響呢區大嘅，細個果時我響呢笪地玩過泥沙同埋水氹，所以呢個公園係我成功爭取番黎！一個月後我就會頂呢份工！」

起初成班街坊都半信半疑， 金鏈叔突然um 把西瓜刀出黎亂揮一通！大家都嚇一跳，金鏈叔：「唔使咁驚！因為我鍾意食生果先至拎把刀出街舞姐！總之一個月後我就管呢個公園！有冇人反對？」

班街坊覺得金鏈叔睇落後生d 又有錢d, 應該會做得好過而家個園丁婆婆掛？同埋呢個時候say no 嘅話唔知會唔會被佢「舞刀」果時「誤傷」，於是大家ok了

園丁婆婆企響我隔黎笑笑口細細聲口快快講左句：「成班懵鳩咁都信？」 但婆婆唔係住呢區，同時佢睇睇自己份約又真係一個月後滿，橫掂佢做埋就退休返鄉下咯，所以想理都唔理得咁多

加甜，加甜

加甜，加甜

你想同阿叔hehe
定同阿婆啪啪啪

一個月後金鏈叔接任

起初金鏈叔都有掃下地淋下樹咁樣，但唔知點解笪地硬係成日有垃圾，d 樹硬係成日乾爭爭，設施又硬係會有幾個鞋印，金鏈叔強調：「我一日用五個鐘黎做野！我已經有做好呢份工！你地有冇見過我響度晨運瞓晏覺刨馬經睇八卦雜誌先？」街坊語塞。

後來佢又提議要用街坊福利會儲左一年嘅經費響公園搞個中秋賞月合家同樂嘉年華，第一次開會起初大部分街坊都唔多贊成，因為街坊不嬲都係自發黎公園賞月，根本一個仙公費都唔使，不過佢話嘉年華要搞靚個場就要好多電燈膽，仲會搞象棋比賽所以要買幾副棋，又話有門路用特價買高級月餅請大家食，金鏈叔仲即場拎左個月餅出黎俾大家試食，部分街坊聽落唔錯，個月餅又幾好味，（我都有食，）又覺得從未搞過不如搞番次，贊成同反對變左五五波，所以留待下次討論；第二次開會無啦啦多左班「街坊」黎join 個會，乜都冇再討論就即時表決過埋個議案，於是一年嘅錢就俾晒新黎班「街坊」買貨。買番黎先知d 月餅成千銀一盒，「外國高級時鐘酒店月餅黎架！已經平左一半！」然後d 電燈膽居然只係市價三成， 不過試用十個燒六個「橫掂都只係用一晚姐！」

加甜，加甜

你想同阿叔hehe
定同阿婆啪啪啪

睇你同佢兩個

加甜，加甜

你想同阿叔hehe
定同阿婆啪啪啪

睇你同佢兩個

本精靈唔會同咁低級既生物啪啪啪

嘉年華當晚，一個個壞燈膽掛晒響度，我心諗賞月定賞燈？而且公園不嬲都有燈，真係唔知呢d 燈膽掛黎做乜鳩。食月餅果時又唔知點解食到陣膠味，明明開會試食果時冇，「外國月餅嘛！檸些BU筒呀呢？d 錢唔使都使左，大家高興下啦！」淨低果啖我掉左落垃圾筒

至於個象棋比賽都有搞到，個比賽係有獎金，不過要先交$100報名費。我自問有番咁上下於是報名。見到張名單，金鏈叔同新黎果班街坊一早報左名，然後我第一個對手就係金鏈叔，捉果時又被呢班友圍住晒，心諗班友應該只係觀棋所以冇乜理，捉落先知原來我真心膠中晒伏：只有金鏈叔嘅馬係冇撬馬腳、佢d 炮又可以當車用，然後就算我食左佢d 棋，佢又可以由另一副棋度補番佢冇左果隻，觀棋果班就一路「食生果」一路陰陰嘴笑望住我，ok我知咩事囉！唔好用d 咁野性嘅眼神望住我！之後我死死氣玩自備燈籠算數，至於最後邊個贏我都廢拿事理

嘉年華之後眾街坊散水歸家洗洗睡。我撻落床果下聽到樓下勁大開咪聲，望下公園原來金鏈叔班人仲未走，響公園set好晒大台大燈大喇叭開live show! 街坊終於知道d 錢去晒邊度，即刻落公園興師問罪，要佢拎晒d 貨單出黎埋數，（雖然明知冇用，）吊詭嘅係月餅+燈膽+象棋條數仲大過果筆一年份公費「我仲要自己um 番d 出黎添呀！」

同時街坊再懷疑究竟係咪真係有人請金鏈叔做呢份工？要求佢拎份約出黎睇過，佢又真係拎到出黎，但以前嬸嬸份約係中英對照，無論學歷高低都睇得明，而家呢份約好似係中文，但唔知點解有一半字冇人睇得明，連個印章都唔同嬸嬸果份入面果個。「車！冇約又話冇約！有約又多多GEE GUT！成班正一輸打贏要！我仲有專業園丁資格證！俾埋你地睇呀拿！」同樣地，張證一半字睇唔明且印章都係唔同，不過街坊又真係吹佢唔漲

「咁你地可唔可以聽朝先唱K?」

「我地有自由！」

附近幾棟樓低層嘅人就係咁被通宵聽免費live

係咪冇人睇得明？

加甜，加甜

你想同阿叔hehe
定同阿婆啪啪啪

睇你同佢兩個

本精靈唔會同咁低級既生物啪啪啪

冥交

之不過真正嘅惡夢依家先開始。金鏈叔開始唔做野，淨係見佢飯都係響公園食，食完個飯盒同餐具黎手就掉，成地煙頭酒樽冇人執，成陣煙味加酒味加唔知咩味總之就係烏煙瘴氣，我有次放工行過親眼見過佢一個人打出個屎忽踎響矮樹叢入面鬼鬼祟祟唔知做乜野，我諗我已經知道其中最難頂果陣不明氣味係乜野味；不經不覺間佢已經係晚晚飲完酒就直接瞓公園瞓到今時今日；有時又無端端周街鬧人，街坊睇見都避之則吉，想去玩嘅話只可以趁佢瞓著果時去，但係個韆鞦d 「舊患」又返黎，d 吱吱 聲一嘈到金鏈叔佢就會發晒癲追住人黎打，如果佢宿醉嘅話更加係暴走初號機追人幾條街，好似話有個女仔被佢追到之後又揸波又攬腳又扑穿頭又搶晒d 錢搞到成家搬走埋

後來又有街坊聽到金鏈叔自爆條金鏈其實係假嘅，頭髮又唔知點解突然變白，睇黎平時只係靠染；仲傳佢其實係離島老黑，因為爭人周身債先至走黎市區避債。差佬有次路過公園，睇住佢蝦蝦霸霸都只係翹埋雙手當睇唔到，原因係：冇市民報案，之後有街坊去報案又話：冇證據，街坊冒險拍片再報案又話：阿SIR 睇唔到，然後有次金鏈叔又發癲咁啱差佬行過街坊又拍好晒片同阿SIR 報案又話：呢d 野食環做。成個區係得呢個公園，想去第度玩一定要搭貴車，成班街坊冇晒乎，過多幾個星期終於到左極點

住我樓下、細我兩年嘅阿康聽聞金鏈叔有捉開棋，（不過佢好似未聽過老黑傳聞，）而佢自己亦初學有成，於是某日朝頭早拉埋成班街坊去嘈醒金鏈叔講數，（當然我都有跟埋去啦）：「我同你捉番鋪棋，我贏嘅話你唔可以再騷擾街坊！而且你要執好個公園！咁大家就俾你繼續響公園瞓，大家和理非非解決問題好唔好？」

金鏈叔平時一向WFC， 呢一刻佢俾人嘈醒果下成個想發作嘅嘴臉擺晒出黎，但佢宿醉未醒兼未食過期米粉做早餐，前一晚又被我見到佢醉酒PK 跌親隻手，我呢邊雖然烏合之眾不過都係人多勢眾，佢就忍一忍左道氣，不過講野仍然霸氣十足：「死o靚仔毛都未出齊就想挑我呢個新鮮出爐中秋棋王？我有兩個條件：第一，我行一次要行兩步棋；第二，你雙馬雙炮要換晒做卒，你要應承先至同你捉！」

我就心諗：捉鋪棋都要結扎完仲要戴condom?! 使唔使咁驚輸呀？之不過阿康話「一試無妨，ok」

於是乎，開波！一眾街坊留低圍觀

兩個人一路捉，成班花生友就一路嘈

花生友A：「後生仔你邊度贏到架，學多幾年棋先啦」

阿康自知大部分都係爛頭卒又冇馬同炮，起初都唔知點做，不過金鏈叔神智不清，（應該話本身都低低地，）阿康有D 棋又神奇地間唔中自己郁，阿康越捉越順，全盛時期差唔多每兩步就食佢一隻棋，（所謂全盛時期其實都係得十步左右，）而阿康d 棋就刀槍不入，尤其係識自己郁果d

花生友B：「細路你手棋去到咁盡，係咪想趕阿叔出公園？好唔人道喎，講好左俾佢留響公園瞓架喎，大家都係街坊嘛！」

金鏈叔見形勢不妙，係時候一次過祭出中秋果晚我奶晒野嘅特別規矩。阿康抗議，金鏈叔反駁：「我地不嬲都係咁玩架喎，你都可以架！」阿康先至醒起佢一開始就冇雙馬雙炮，更加冇準備另一副棋

花生友C：「我以前係佢同學我認得呢條仆街！中學果時佢參加左校內象棋比賽，決賽就快輸棋果時惱羞成怒反人檯，仲打跛左對家雙手搞到佢以後冇得捉棋！單野上庭果時因為佢未成年同埋佢爸是李肛所以無罪釋放，學校亦都唯有頒個冠軍俾佢；佢自以為好有face屎，其實全校人都響佢背脊大大力指住佢黎笑…」阿康聽到都咪話唔淆淆地

話咁快就黎到殘局，盲拳打死老師傅(?)，金鏈叔剩低單車單士，阿康剩低雙車單士

花生友D：「阿康你係時候乘勝追擊，我建議你用隻車黎搏佢隻士，贏面大好多」

花生友VWXYZ：「又好似係噃」「我都係咁話」「聽下大人講啦」「大家一條心，唔會老點你嘅」「理性D先得架嘛」

（溫馨良心小提示：旁觀者不得醫牙鬆弶係常識黎，不過唔出聲嘅就唔係花生友啦，劇情需要大家將就下）

我聽到

然後阿康真係搵隻車搏左金鏈叔隻士，我oh到下巴跌左落地 在場隱約見到有人同樣反應

最後一人一隻車都搏埋，兩邊都將唔死對家，阿康只係多隻士，鋪棋收唔到科

到底真係群眾壓力定係棋藝未精定係仲有其他原因，得阿康同金鏈叔先至知道囉

呢個時候金鏈叔：「咁樣啦！我本來一日飲三罐啤酒，改做一日兩樽啤酒，循序漸進戒酒，你地滿意未呀？」

眾花生友見鋪棋由日出捉到日落，大部分人成日都未行開去食野，唯有見好就收順便拉埋金鏈叔一齊去食個晚飯，呢一刻就算阿康又好我又好say no, 都唔會有人理

話時話，之前街坊會議撐嘉年華果班友，呢一日潛晒水

ps. 希望預言唔會成真

ps.2 個公園唔係叫玫瑰園，阿康唔係姓周，金鏈叔唔係深圳人唔係黨員而且從來未上過電視，如有雷同實屬巧合

後記：

散水果時花生友E：「階段性勝利yeah! 俾d 掌…」

佢未講完就被我一巴車落去塊面度：「掌聲下話！要幾多俾幾多！」

大家都驚會大打出手所以即刻拉開我地兩個，呢個時候平時唔多響公園蒲頭、成鋪棋又冇出過聲、更加冇份幫手拉開人嘅花生友F：

「我討厭捉棋更加唔識捉棋！而家睇見成班人咁暴力，我寧願以後都俾金鏈叔管呢個公園！」

係我高估左膠登仔嘅政治觸覺定係我寫得太深，點解冇人推post

加甜，加甜

你想同阿叔hehe
定同阿婆啪啪啪

係我高估左膠登仔嘅政治觸覺定係我寫得太深，點解冇人推post

未得閒睇，我呢啲白痴唔會睇得明
聽朝/一陣睇下

好淺 睇到金鏈叔出場已經明左

係我高估左膠登仔嘅政治觸覺定係我寫得太深，點解冇人推post

係你比喻太差