四. 遷居是放棄人生的代名詞

好啦 咁係個間新學校讀左年 小五六又重新分過班
(其實有鬼得分咩 精英班每年都係走兩三四五個人 根本就冇改變)
咁第一日開學 發現上年玩弄我個位同學已經唔見左
個下真係發覺出面天這樣藍 煙花最暫亦燦爛
玩弄本大爺既感情係無一個有好結局

返左唔到幾日學
每一個學期最刺激又驚心動魄既時間又到
---調位啦

想當年精英班係永遠地女多男少
因為男仔都鍾意打波打飛機打架打麻雀打啤牌...
只係冇一個鍾意讀書 所以入到去三十三條女十個男仔真係好爽
每一個男性動物可以分到三點三條女喎 你叫雞要點先可以叫到三點三條女先

結果調位就如我所願...周圍都係女人
(斜前面有個男仔囉 其他都係女...)
其實我就冇諗咩野既 男既女既都好 只要會出下聲就好
係我附近既正係一班好多野講既女仔

問題黎啦 當年佢地講黎明既時候 我對黎生既印象就只有
和記電訊佢同啊MAY既廣告
同埋
I Love You
你會否聽見嗎 你會否也像我
秒秒等待遙遠仲夏
(呢首歌我只係識唱呢段...其他就...)

根本就無話題...唔通我同你講尋晚真情好好睇
MAYMAY比人推落樓真係大快人心
我見到啊海個衰樣就唔開心咩...

結果為左要隨著時代既步伐 我就走左去聽黎生唱歌
(明明我鍾意王傑多D...黎明呢D真係WFC...)
之後講講下就開始熟 仲同佢地睇黎明金閃字鑽石卡
慢慢地同一個女仔開始比較熟 就成日傾下電話問下數咁

呢個女仔冇咩特別 唔係白淨TYPE而係運動型 黑黑地但係幾靚女(好似係掛 我仲同佢有聯絡比人見到就唔好啦)
係呢一面之下 其實佢畫畫好有一手 成日去比賽仲成日係我檯面亂畫完唔比人擦走佢
一想擦走佢就會咬你打你同飛你枝筆去牆邊(我每個月都總會有幾枝筆唔見...)

後來就開始上佢屋企玩下大富翁同埋扯舊木出黎個隻GAME(唔記得咩名)
不過我地玩得好卑鄙 見人地就黎跌既時候就會推人地隻腳一隻手指飛落加拿大
之後...又會打架 不過我閃避值高所以冇咩受傷
而且仲成日見紅 不過又要唔比人知...(條友用手指甲都唔係打架既...)

但係好景不常 唔知點解老師心血來潮要調位
雖然小息午息會一齊吹水 但係我既愛好似同班房既距離成正比咁
慢慢拉下拉下又變左朋友 除左傾下電話之外 已經唔會再上佢屋企...

小學雞既愛情 果然會跟隨遷居而消失啊!!!!!!!!!

你條仆街真係食女無數

你條仆街真係食女無數

都無食...

五. 毒撚最多的就是錯愛與悔恨

同個一位女仔分開左之後 只屬男人既出征之路又響滿天風沙既炎陽天下繼續爽快地唱住歌(輓歌唔撚係歌啊!)
係短暫既沉寂底下 我領悟到不在沉默中革命就在沉默中滅亡既道理
我決定 我要...
做一隻冇腳既雀仔 不再為任何一個森林一片樹蔭留下我既雀屎

咁岩下一次調位 後面兩個都係好文靜好文靜既女仔
其中一個仲比人當係級花(鳩UP既姐 我覺得隔離班有人正過佢 後來我證實我既目光總係錯誤...)
咁呢位級花姐組就好文靜好文靜 上灶除左望黑板就係望黑板
屌你老味當我透明 等我變身唔做二表哥先

咁慢慢地我就好似梅姐首歌咁講 將冰山~~劈開~~
雖然未到羅文既火加歌就等於我 我與歌再加上你溫度將提升更多既程度
但係一小步都係步啊 佢開始同我傾計啦

原來...佢係一個第一代既宅女...日日係屋企就只係睇動畫漫畫
而我 就只係會睇柯南同男兒當入樽(好似仲有睇亂馬1/2 但係個人因為唔鍾意相馬茜好快冇睇)
佢開始成日介紹我睇漫畫 仲租啊買啊一大堆漫畫 迫我成為第一代既宅男

當時我真係冇興趣睇卡通 反正我睇完又唔會識天馬流星拳既
降龍十八掌呢D我都仲有機會學識啊 天馬流星拳喎...我點會識發光先...
慢慢地佢竟然明目張膽到拎漫畫返學睇 佢成日叫我睇啦
(屌 冇老師理佢架 我上堂訓下覺都比人屌到凌空360加多個湯馬斯迴旋...好撚唔公平)

後來半個學期之內我就睇左幾套漫畫 成日係到傾下漫畫
仲扮漫畫家係D廢紙上面畫公仔 仲要有設定
之後變本加厲買本簿係上面畫 畫完就猜包剪揼睇下邊個可以出技
(我都唔太記得點玩 如果我識我就整D贏一場可以有一百回合防禦既技啦)

玩到冇咩癮就變成升LV既遊戲 係本簿上面一個扮NPC控制D怪
一個就要打低哂D NPC先當贏
(個時應該係得單機PC GAME 呢種玩法係後來ONLINE GAME公司抄我地 好似係)
玩下玩下又到好重要既呈分試 咁就開始冇玩落去

我個時係一個唔會做主動既男人(小學其實冇諗拍拖個D野 我當時仲係一種好TVB既想法
冇錢冇事業既男人係唔適合拍拖 所以我就將愛情藏於心底)
冇幾耐之後 有個男仔同呢個女仔表白
係個男仔既狂攻之下 我條女就咁就冇左...

車 你兩個又冇錢又冇事業既狗男女 我睇你地可以一齊幾耐
我當時咁諗 後來...又再證明我係錯
佢地好似拍左十年拖先散
係我個心入面開始有呢種念頭

冇錢既男人都可以拍拖可以識女仔 最重要係要學識語言的藝術而已

語言的偽術 , 點解我學唔識

唔通真係三歲定八十？

語言的偽術 , 點解我學唔識

唔通真係三歲定八十？

三歲比人飛 八十歲都要比人飛

同親你坐都會比你褻玩

同親你坐都會比你褻玩

小學雞係無自制能力 只要煩多幾煩就會同你玩

你條仆街真係食女無數

都無食...

屌你老味閃到我盲撚左

如果我有語言藝術
我條路就唔會咁淒慘

my eyes

同親你坐都會比你褻玩

小學雞係無自制能力 只要煩多幾煩就會同你玩

其實我小學都比女同學圍，只係冇揸JJ咁咸濕

小學啲野都記得咁清

小學啲野都記得咁清

只要你有心記住就會記得住

小學啲野都記得咁清

只要你有心記住就會記得住

咁多 仲要咁detailed

小學啲野都記得咁清

只要你有心記住就會記得住

咁多 仲要咁detailed

都要有野值得記先得架

無啦

岩岩先返到屋企
追我爛尾野咁耐知我星期五六日都係不歸家的漢子啦

同親你坐都會比你褻玩

小學雞係無自制能力 只要煩多幾煩就會同你玩

其實我小學都比女同學圍，只係冇揸JJ咁咸濕

細個靚仔啊嘛

小學啲野都記得咁清

只要你有心記住就會記得住

咁多 仲要咁detailed

都要有野值得記先得架

因為我既記憶都係用黎記呢d野