睇post前提醒各位巴絲，做個不受人惑嘅人，獨立思考，只信自己。

相信好多遊走於時事臺同玩具臺嘅巴絲都知咩事，仲未知嘅睇link：
http://hkgalden.com/view/197277/page/37
#902
「而你又話，此次運動要堅持目標：公民提名 or 取消功能組別，係咪即係暗示如果爭取到其中一個，另一個就可以妥協放棄然後結束？<< 我沒有講 "公民提名 or 取消功能組別", 我只係講過 公民提名 or 真普選. 你現在是用共匪的手法唔道大家和引導我答你的陰濕問題, 我現在確定你是共匪的支持者, 在此我會 block 你和呼籲大家一齊 block 你.」

咩叫「陰濕問題」先？好在喺本登寫過嘅嘢改唔返，就睇佢講過乜嘢：
http://hkgalden.com/view/197277/page/27/highlight/
喺#674，佢確切語句係「記住當初的目標是什麼, 如果一項都得唔到就不可能撤, 最少都要有真普選特首 or 全民普選提名委員會」，即係話如果此君嘅意見代表會社意見嘅話，會社嘅底線係抗爭嘅香港人可以放棄取消功能組別，所以我無屈此君，即此君對本人嘅言論實屬誹謗（當然由於呢個係虛擬世界，無法應用針對現實世界嘅法律條文）。至於我寫嘅「公民提名 or 取消功能組別」，只係單憑印象憶述此君之前嘅言論，雖有筆誤，但錯唔晒。點解？

我將佢寫嘅關於運動目標嘅term「公民提名 和 真普選」（可在http://pastebin.com/tn9ZC5Nw舉例）錯記成「公民提名 和 取消功能組別」係因為後者係我同好多巴絲嘅信念，而事實上，佢每逢爆料post只係多次講「公民提名 和 真普選」以及最後講嘅「真普選特首 or 全民普選提名委員會」。首先，「真普選」一詞由於歷史原因，定義有分歧。其中根據「真普選聯」提出嘅三軌方案，「真普選」只涉及特首普選，而不包括雙普選之中嘅另一個立法會普選（取消功能組別）。而公民提名係特首普選中標準最高嘅軌。所以點會將有共同交集嘅一軌同三軌並列稱為「公民提名 和 真普選」呢？所以我對傻貓嘅呢個term只好採取另一種理解，就係佢所指嘅「真普選」意即「取消功能組別」，噉嘅話「公民提名 和 真普選」就等於「公民提名 和 取消功能組別」。而呢種理解係十分合理，因此先入為主記錯咗。而我喺最後嘅發問係咪二者可放棄其一，係將佢嘅「真普選特首 or 全民普選提名委員會」睇成「真普選特首 or 全民普選立法會」（乜全民普選提名委員會唔係真普選特首咩？意義包含嘅嘢點解又要或然稱謂呢？你會講「你阿媽or你雙親」呢種奇怪表達麼？）。
因此，我對此君嘅理解係佢嘅底線係「最少都要有真普選特首」（公民提名係滿足此條件嘅最高標準），所以我話佢為咗公民提名選特首，可妥協保留功能組別，只係複述佢嘅觀點，並無意扭曲。故其形容此為「你的陰濕問題」係惡意誹謗。

另外，佢喺#672話「只是如果香港有真普選不論日後是回歸英國 or 獨立 or 與美國合并 or 民國合并 真普選都會被保留成為香港的選舉特色.」，根據上文我嘅合理理解係「只是如果香港有真普選不論日後是回歸英國 or 獨立 or 與美國合并 or 民國合并 真普選特首都會被保留成為香港的選舉特色.」，隱藏含義係，如果而家通過一系列運動只爭取到公民提名，無爭取到取消功能組別嘅話，噉即使變天，共匪被清算後，香港新制度仍然保留功能組別。

題外話，如果我問呢條問題有含混，有扭曲，點解其他巴絲無質疑，要等到你隔幾頁之後鬧我係鬼呢？所謂嘅「共匪的手法」就好似「愛國愛港」噉，最終解釋權喺你度，而你從來無解釋，龍門任意搬。從反共嘅角度，如果我係一隻跟咗四十幾個post先block嘅鬼，你早就失職！（係串你呀，伺住自己嘅特殊信息來源，將自己妄稱為神仙，唔屌得咩？不過你嘅性格問題不在本post討論）。

至於會社，我嘅立場從來都似村上春樹噉。如果當前大家有爭取民主自由嘅共同目標，我咪搭下順風車，順便推埋車囉。但請記住，導人向善不等於公義，公義包括要不斷為弱勢充權嘅。當任何人或組織成為高墻時，我同好多巴絲都寧願做雞蛋！

如果一條五毛共諜被你block咗，佢就會為咗繼續監視，齋睇你嘅post；而當我被block咗，我會為咗追求信息自由，做同五毛一樣嘅嘢，齋睇你嘅post。

講咗就唔再講，講完。