首先，重申一點，我寫野真係好差同唔鐘意寫野，而且一路諗一路寫，所以有啲九唔搭八。而且好耐先有，同好短，表達到就好，歡迎有專業嘅加啲ff，更好嘅文筆幫我。希望有人睇啦，冇人睇真係唔寫!寫出黎純粹寫下！





情愛篇

是咁的，係好耐好耐以前，有個細路叫唯我毒尊。
由細到大，佢都係一個好平凡好䦕心嘅細路。由幼稚園到小學佢都好外向，交朋結友，日日過住遊戲人間嘅日子。而由於佢父母忙於工作，所以佢地將佢交比一間托管補習社，星期一至五每日放學都會乘坐校巴到某指定地點，便會有一個姨姨帶住一班一齊補習嘅細路返補習社。
直至有一天，有個乜鳩政府搞出黎嘅低能考試，學生會根據成績加運氣，自動分去不同Band嘅學校，從此就改變咗佢一生啦!
初時果個小朋友不暗世事，只係知間學校排名唔高而唔䦕心，但冇耐佢就適應咗果到嘅生活，並且覺得冇咩大不了，最多以後發奮圖強上一間大學，唔衰比大人睇(可惜最後結果並不如佢所想，以後有機會再詳細描述)。
係佢踏入中學第一日，由於要好多野申請同比錢，所以佢要同父母其中一個回校，係果到，佢果到撞到母親嘅朋友，而巧合地其兒子亦一樣申請入學，從此佢兩個成為咗知己。當後來大個喱兩個人過住唔同嘅人生。一個升到大學，佢就讀嘅學系成班女女;一個就係一事無成嘅毒撚，日日就不斷ff，身邊一個女仔fd都冇。而以下故事就係果個一事無成嘅毒撚後悔嘅ff往事...

第一個女孩

故事正式開始係由中三開始。係果一年，毒尊仍然玩玩下，同小學一樣就街同人玩，所以中三已經識哂全級嘅人。果年無啦啦有流言傳有個女仔鐘意佢，喱次係佢第一次接觸情愛嘅事(利申:佢以前真係好單純，而且果時冇mk仔一詞，當然而家佢本人亦非mk仔) 。佢當喱個係笑話，笑笑口咁講 :「咪傻啦!你就鐘意啊邊個啊邊個! 」之後講完就一齊笑笑口咁散band，完全不當一回事! 有次，果個女仔(暫且就叫許蘭)同埋一個肥仔係小息無啦啦行近小尊尊到，個肥仔首先開口:「hi! 」 尊:「hi! 」 肥仔(講笑口吻) :「haha! 你知唔知啲人話佢鐘意你?]尊 :「我知!啲人玩野姐! 」肥仔(指住個女仔):「佢真係鐘意你嫁!你鐘唔鐘意佢呀? 」許蘭即係怕怕醜醜，紅都面哂咁 尊:「咪玩啦!我都冇鐘意過人，大過啲先啦! 」之後佢地亦冇再講過野，亦由於中四要選科而分去唔同班，從此佢地再冇接觸過，只係有時毒尊上FB特登揾都可以睇到佢，感嘆 「女大十八變 」「當初點解唔低能，死都話好 」等等。當然最後毒尊唔知道果個女仔是否真心鐘意佢，因為果時好馨試拍拖，有拖拍好型嘅思想! 不過係後來，佢又聽到唔同傳聞，好似個女仔又鐘意其他人，毒尊個知己鐘意佢等，畢竟往事只能成為往事 ....


待續...