可能有D人唔知發生咩事，我簡單講兩句。

話說，我琴日正式淡出，仲貼BAM圖自爆俾人BAM。
之後，蕃茄伊貝就鞭咗我三個post，都係留低粒icon/貼幅圖咁樣啦。
跟住犬養學富就開咗個公投，話佢惡意回覆過舊主題。
公投最後數字上通過咗，而且投票人數都唔少。
但係，兩位內務長就話，佢地覺得哩次公投認受性低，唔承認哩個結果喎！

首先利一利申先：雖然伊貝成日抽我水，又成日屌鳩我，不過我都冇同佢有咩私怨，冇乜敵意。

POST裡面提到幾樣野嘅
咁我作為 one of the founders of 哩套系統，希望仲有少少資格評論兩句

首先，就係話「之前ZEN都係推咗9個post先BAM，今次就3個就BAM，喂，越嚟越緊喎」
哩一度，大家有必要搞清楚少少野：
新一套版規，「推舊POST」同「洗版」係分開兩條版規嘅。
換言之，「推舊POST」係唔一定要推好多好多POST先算違規
例如話，當啱啱掛三號風球嗰陣，有條友推兩三個舊嘅八號風球post，我個人就覺得夠BAM啦
仲有，版規之所以唔落具體數字，唔量化哩D違規行為，係因為有D野係量化唔到，要會員自己判斷
哩樣就係佢嘅意圖
三個？四個？十個？通通都唔係唯一嘅考慮重點

跟住就衍生到第二個問題：
「意圖嘅野好主觀，咁如果條友乞人憎咪死梗？」
冇錯，哩個亦都係成套系統，由版規到公投法，嘅缺點之一
但係，玩咩投票都係咁架啦
如果答案係有得量化咁機械嘅，使鬼投票咩，幫佢計下條「抵BAM指數」咪得囉
再講，我夠哂乞人憎啦，又唔見我郁D又俾人捉出嚟公投要BAM我

仲有，到底內務長嘅決定能唔能夠凌駕公投結果，凌駕於民意呢？
一句講哂，如果內務長有最終決定權，咁仲投乜春姐，改名做「民意諮詢」算啦
開個投票POST，同你講「嗱我諮詢下架咋，未必跟你地嘅投票結果架」
你地睇返幾份方案內容，邊度有D咁嘅制度？
冇呀！
講到明，過咗公投就BAM架嘛
做咩姐？！
BAM人系統有兩套，一係內務長直接BAM，二係公投BAM
前者，係依賴內務長個人判斷；後者，內務長只需要機械地執行公投結果

仲有，有人強調，話倘若哩次公投過咗，會立壞先例
因為今次之所以公投係因為針對伊貝，赤道過嚴
冇錯，哩樣野係相當重要，會成為日後執法嘅參考
所以我成日都叫大家正經D投票
點解我叫大家正經D投票，唔係叫內務長正經D執法？
明啦

膠登歷史上，的確試過不承認公投結果
例如係奈亞子同畢絲嗰次
umm..好似都冇喇
嗰次就真係特殊情況喇..
全膠登都俾人告咩咩宣傳

立壞先例？
你地有冇諗過，今次過咗公投都唔BAM，用內務長行政權力嚟凌駕村民嘅公投結果
咁樣先係真正嘅立壞先例？
今次你可以話「我覺得今次投票冇認受性」「我覺得佢冇做錯到！」
喂，你一句打我地幾十票喎
我地以後仲投乜春？
下次會唔會連上訴機制都俾你控制埋？
「我覺得今次情況特殊，唔俾上訴」

飄揚話，佢覺得「未見到蕃茄伊貝明顯違反版規」，所以唔執法
咩叫未見到明顯違反版規？
你強調「明顯」，咁你都覺得佢有「不明顯地違反版規」啦
咁都係有違反嘅成份喎，按照制度，有咩理由唔BAM？
你話，如果條友明明冇貼圖，D人集體屈佢貼BAM圖，咁就話連基本嘅證據都唔成立姐
依家「推咗一D POST」嘅情況的確存在，至於算唔算舊，有冇「有意誤導」，有冇「影響版面秩序，就屬於主觀嘅層面，投票結果就係你嘅答案

一句講哂
「因主觀判斷而不承認公投結果」係一件好嚴重嘅事，內務長係唔應該有咁嘅權力
如罺擔心哩單Case會立壞先例，不如擔心你地自己做壞先例啦

已被BAM的現咩準


原linkhttp://goo.gl/b8I9MJ