可能你地心中有好多疑問、有好多野唔明、有好多野想知，
但admin唔喺度，或者等我嚟向各位講幾句，講D你地唔知嘅事。
唔係咩淡入，有D野想俾你地知姐，我開完POST就會潛。

頭盔：以下內容係根據我所知道嘅事，唔代表ADMIN立場。

首先，好多人叫ADMIN出嚟解釋，或者關心緊點解ADMIN潛水。
老老實實，本身我同佢都幾多聯絡，
但由上個月中開始，我用盡各種聯絡方法都搵唔到佢。
成個月，佢淨係用Email覆過我一句咁大把，應該大約半個月前。
根據佢回覆嘅內容，同埋根據我對佢嘅認識，
佢應該唔係唔想上膠登，而係有D事令佢上唔到，同埋令佢同我地聯絡唔到。
詳情係點，我都好想知。

跟住係FACEBOOK註冊嘅事。

首先要澄清少少野：用FACEBOOK私下搵admin開account，並唔係因為神仙爆料而開始。
正常嚟講，膠登平時都係要用ISP email嚟申請，一係就要邀請碼，或者特別日子開放註冊。
但係，間中就會有人好有誠意咁嚟搵ADMIN，話冇ISP，但又好想加入膠登。
仲有，有D人話用ISP都註冊唔到，或者只有netvigator嘅email。
咁所以呢，ADMIN就會私下問佢地攞少少基本個人資料，
見佢地正正常常又真係有誠意，就會批准佢地用非ISP email/Netvigator Email 嚟開account。

開咗先例之後，哩個申請方法就變咗好似隱藏菜單咁，
成為一個冇乜人知，但又可行嘅開account方法。
據我所知，如果有人喺FACEBOOK PM ADMIN，話想開account，
ADMIN會要佢提供姓名等等嘅簡單個人資料，同埋會睇下佢FACEBOOK正唔正常，
睇落有問題嘅話係唔會批。

情況就好似...ADMIN手持無限個邀請碼，
佢見人正正常常，又可以順便增加膠登人流，
就會送邀請碼俾哩D人，俾佢地加入膠登咁。

我唔知點解神仙會主動教人用哩招嚟開ACCOUNT。
秘技嘅野揚咗，俾D有心人利用，咁就唔好。

根據我手上嘅資料，
以FACEBOOK PM嘅方式成功註冊嘅個案並唔多，
倘若無三不成幾，咁真係唔夠幾十個。

目前，FACEBOOK專頁管理員方面已經停止接受哩方面嘅申請。
至於會唔會處理已經註冊嘅帳戶，哩點唔論到我話事，要等膠流流返嚟再打算。
個人嚟講，我反對神仙公開同埋利用哩個非正式嘅註冊途徑，
但相信ADMIN本身係有權酌情俾一D特別有需要嘅人註冊，就如同佢俾邀請碼人地咁。

最後，我見有人話咁樣會提供咗途徑俾人開分身。
老老實實啦，我都三個ISP/大專大學Email啦......
捉分身都係要靠Check IP架姐，唔通限制一定要用ISP就唔使Check IP咩。
哩點影響唔大，總之都係check IP，話知你用咩Email。