＜一＞
大家好，我叫周子華
－
－
－
－
「爸B，你幫哥哥換好校服未啊？再唔出門口就遲到喇！」

「就得喇！就得喇！你睇個衰仔仲訓到流晒口水，除左佢條褲都唔知，你帶細妹落樓下先啦。」

「一早叫左你同個衰仔咪玩咁夜架啦！朝朝都搞到咁鬼趕！」

「係係係，樓下等啦！」





就係咁，我已經步入婚後第六個年頭
哥哥四歲，妹妹兩歲
為左佢地，我同老婆放棄左原本既二人世界，
兩個人每個月供三萬蚊既樓，為既就係有多一間房比兩隻小魔怪。
有時見到膠登仔成日笑東邪，
但其實，我諗佢應該幾享受比你地笑佢係老婆奴。
因為，每日同自己最愛既女人係埋一齊，已經係世上最幸福既事
某程度上，東邪應該覺得自己係放緊閃光彈。