是咁的
星期日嗰晚成班親戚去伯伯屋企做冬
堂妹男朋友係警察，係近期識嘅

大家都廢事講到啲敏感話題搞到個埸面太僵
所以成班親戚都好識做講下其他話題咁
咁個男仔都講野嘅
食食下，伯伯屋企隻狗係度吠
我伯伯咪好似平時咁話佢「唔好吠啦食緊飯架」

之後我堂妹男朋友無啦啦拍枱拎起對筷子，然後大嗌「吠乜撚嘢呀而家屌你老母呀！阿ＳＩＲ做緊嘢！阿ＳＩＲ做嘢唔洗你教！」
成埸靜晒…靜咗大約１０秒左右
我見我堂妹紅都面晒直頭想搵窿捐
我咪轉移大家視線囉
我：「吖！大家不如睇下電視輕鬆下喇喂！」
好衰唔衰電視啱啱做緊大台套屢見奇工　
個畫面就係狗…
我又反應唔切，講咗句：「啲狗都幾可愛呀何？戇鳩鳩咁又一世喇！哈哈哈哈！」（我諗住笑下緩和下個氣氛 ）
我堂妹男朋友原本都平靜返啲
聽到我咁講，又發作！「笑乜撚嘢呀！將個頭擺喺手度！趴埋牆！將個頭擺喺手度呀！」
我都嚟唔切反應
我伯伯已經出咗聲「乜撚嘢將個頭擺喺手度呀？我見個女講到你幾好幾好先話叫你嚟做冬至飯，點知你未食已經發晒癲咁…」
呢個時候我堂妹終於出聲打斷咗我伯伯講嘢
「唔洗講喇老豆！呢啲咁嘅癲狗我當冇識過算喇！我地分手啦」
我為咗畀個下台階嗰個男仔
「你走啦，我唔想搞大件事」

個男仔知道自己好失禮，一路喊一路走
啲喊聲一直到佢入LIFT都仲聽到

最後我為咗緩和下個氣氛
「吖！大家不如睇下電視輕鬆下喇喂！啲狗都幾可愛呀何？戇鳩鳩咁又一世喇！哈哈哈哈！」

－完－