大家好，相信大家都知道我鐘意儲1/18美國車模型，尤其係警車......
由於美國太多警察部門，模型車廠只會出產比較多人熟悉嘅城市。
冇出到嘅，就只有自己改一部出嚟......

我個目標先就係想儲美國西岸三個相連嘅州嘅州警警車，分別係加州，亞利桑那州同內華達。

由於模型車廠有出加州同亞里桑那州兩個地方，所以只需要上網買到手，唔洗自己改！而我亦喺較早前買咗


換言之，只有內華達州要改！


最基本，當然要搵一部模型車返嚟先！因為部車係深藍色，我就上網搵咗部返嚟.....


到手後見到隻深藍色有出入，又有銀色金粉底同埋bumper有條電渡邊，我決定幫佢重新噴色，以達致最好效果。

首先我要將車上所有嘢拆走，淨返車架，門同前往尾蓋，然後拎去浸天拿水，浸甩啲原裝油！



浸甩完所有嘢，就用沙紙省車身，然後噴primer, 上底油，再噴主色。

噴完主色，噴兩層光油就上水貼




跟住落嚟嘅步驟，就係再噴光油，然後等光油完全乾哂，再做拋光咁先可以完成......