Kay Lam：

有「大中華膠」經常質問－－香港人點解要走本土甚至港獨？在極權的共產黨統治之下，都冇方法做得到，點解要做？

其實答過好多次：[#ff0011]「港獨」或者「建設民主中國」，都同樣受到中共的打壓，中國人亦同樣當你係搞事份子，藍絲帶一樣覺得你阻住佢發達，藍絲帶憎唔憎李卓人？佢夠大中華啦掛？咪一樣被中共叫做港獨，有分別咩？[/#ff0011]

無論「港獨」或者「建設民主中國」，事實上大家都只係停留在思想與言論上面，從來都冇落手落腳做過－－正如有人講「革命」－－你準備好為革命而死未？你準備好為革命而坐五十年監未？你有準備為「建設民主中國」死未？你準備好為「建設民主中國」坐五十年監未？如果未，係咪都係得個講字呢？係咪都係大家一樣，等緊中共自己倒台呢？[#0000ff]我地係咪最多都係在旁邊叫下陣，鼓動一下希望加速中共倒台呢？[/#0000ff]

[#ff0011]然而香港人點解要走自己的路？因為歷史話畀我地知，當一個獨裁共產政權倒台的時候，往往係毫無先兆，就突然土崩瓦解－－例如蘇聯；而有準備的人，與冇準備的人，結果就係天與地；比較一下圖中三個波羅的海三小國，就係蘇聯一倒就決心走人，成功建立民主政制，仲經濟繁榮成為「波羅的之虎」；至於那些幻想可以「建設民主俄羅斯」的，如今仍然活在普京的獨裁制度之下，新聞才報反對派領袖被當街槍殺，呢個教訓仲唔夠深刻嗎？

命運，只給予肯捉住機會的人；中國太大啦，即使中共倒台，你認為以中國的體制、人民質素、人口與環境污染，可以成功變成民主中國？望下識字率100%的蘇俄都做唔到，你幻想中國做得到？梗係唔好搞啦，中共倒台，我地要學波羅的海的愛沙尼亞，拉脫維亞，立陶宛，立即走頭，你仲想留「建設民主俄羅斯」？唔係嘛？[/#ff0011]

又一個反證－－最初唔反抗的車臣，到想走的時候已經太遲，俄佬已經唔畀佢地走了....歷史已經一早解答了上述的問題，如果你有讀的話..

https://www.facebook.com/fokguy/posts/10152655998366121

一語中的