首先講明，呢個系列應該會相當多鞭HKTV既劇集屍，特別係《選戰》
如果有會員認為《選戰》呢套爛屎好好睇，我勸閣下禁上一頁出返去，唔係造成身體不適恕不負責

第一回－一定要睇左三集先可以話好睇？

好多人睇完第一集會話「幾好睇呀」「唔差啊」之類既說話
其實呢句就等於「阿媽係女人」一樣既廢話，第一集永遠只有難睇而無好睇。
每套劇集為左吸引人注目繼續睇落去，一定會係花較大心機做出黎
例如HKTV的《警界線》第一集大量刺激場面，而TVB深明此道，即使而家一台獨大新既劇集都一樣會第一集「特別好睇」
都好理所當然，第一集如果做唔到吸引人眼光就失敗，即係好睇係理所當然，唔好睇就應該屌柒佢
話雖如此，但係第一集既並唔只係大量刺激畫面，槍戰，床戰，粗口橫飛就算成功。

劇集同動畫第一集既最大責任當然係介紹角色，表現主題仲有點樣吸引人睇（例如劇情伏筆，吸引人既角色或者觀眾）
而係「第一集」平均黎講，HKTV班導演好多都唔明呢個簡單道理，就算而家你禁去TVB睇兩眼第一集
佢地可能劇情好膠甚至估得出劇情點做點演，但係角色性格故事主題都比HKTV大部份劇集明顯
同理，TVB都證明第一集好睇都唔一定成套劇會好睇，所以點解要評一套劇好睇就最少睇三集

日本每季有二十幾至五十幾套動畫（頂峰期），而觀眾點決定追邊套動畫就基於「睇完第一集」同「睇完三集」呢兩個指標
因為無論劇集定動畫，第一集時間所限，可能只能說明故事背景或者簡介劇情，但係未能顯出自己既特式同基本功
特點係講緊人無我有，同長處唔同，例如TVB既演員「星味」比HKTV重，呢樣叫長處而唔係特式
筆者最近記憶尤深用第三集黎演出自己特點的是一套動畫，《アイドルマスター シンデレラガールズ》（THE IDOLM@STER cinderella girls)
第一集靠優秀的節奏只是說明了故事開端和主要角色，整集除了節奏和角情沒有特別引人注目的技巧
但是一到第三集，除左極有宣染力的緊張氣氛外，還有近年已經絕跡的超流暢手繪2D動畫角色舞蹈，呢類就係筆者所指的特點，可惜的是，近年港製劇集除了《天與地》有食人情節外而不見有任何特式的劇情，大多只有長處。

而三集只是一個多人用的指標，而非絕對，指的就是製作組能否在觀眾還接受的情況下展現出吸引力，所以可以用睇四集，五集做指標。
回歸主題，既然叫人睇三集先話套劇集好唔好睇，但係又話而家既劇集無特式即係想點？
筆者的用意想說經過了第一集一定「好睇」之後，第二第三集的基本功係咪真係足夠令人讚呢套劇集好睇呢？
咁乜先係基本功？最簡單就係角色性格有無前後矛盾是否立體（當然角色「入魔轉邪」不在此限），劇情有無被喧賓奪主，台詞是否通順流暢無造為甚至自打嘴巴。
而HKTV既《選戰》就係最佳既反面教師
請問製作組在三集類有無展現出葉晴的性格？到底葉晴經歷過被群眾背叛，佢係咪變左為左票乜都做既人？
宋漫山的角色更是離譜，為左利益吞聲忍氣廿幾年，結果因為衝動成魔，成魔唔係問題，問題點解一個以冷靜為賣點既角色殺完人之後會驚？你話咁先現實，係既，但係以劇集黎講咁唔係叫立體而係叫精神分裂
第三集最後的《你會唔會同我一齊行落去》更是爛中之爛，問題不在於呢句句子，而係呢句句子加上背景音樂
請問《選戰》的體裁係陰謀定係愛情？講句有愛情性質既句子唔係致命，你配埋個愛情用既BGM仲要有歌詞先羅我命
你拍緊愛情MV定係乜野？完全比呢個sense喧賓奪主左
第四集寫得出咁既台詞更加係天才，「我要個火愈燒愈旺（我要葉晴體無完膚），我要葉晴落馬！」

今日講住咁多先，下次唔知幾時出。歡迎鍾意食選戰呢套爛屎既人入黎反駁