昔日嘅女子組合Cookies，即使解散咗，都是非多多，始終都係一班女仔嘛，o依家呢個年紀都開始結婚，好似退出嘅成員何綺玲（Elaine）同蒲茜兒（Serena）已經嫁咗做人妻，不過咁啱得咁橋，佢兩個結婚有請餅碎去飲，唯獨就係冇請最近傳出嫁內地富二代嘅舊成員傅穎(Theresa)。

日前Theresa自己喺微博貼咗隻手戴巨鑽嘅相，咪就係惹來各方猜測，仲有周刊去追訪傅媽媽，當時Theresa受訪表示:「其實都嚇到媽咪，突然有人影佢相。」每次Cookies成員結婚都冇請佢，其實交情唔深就一定嘅，不過Theresa今日突然開咗個新浪博客寫咗篇文，除咗承認同Cookies一班成員冇聯絡，又話每次Cookies有咩事又搵佢回應冇乜意義，仲間接承認以前Cookies內部的確係有「分黨分派」，佢仲被排擠，節錄如下:


「近幾年，我已經無心再為一些假新聞和假消息作回應了，因為我明白到，無論我怎樣解釋也是徒然。當別人帶著有色眼鏡看你，你在別人心中便有了一個既定形象，然後你說甚麼都會給你加上語氣助詞，做甚麼都會給你加上目的。」

關於結婚報道:

「這並不是我第一次被揑造新聞，我還好，但騷擾到我家人，就很不好。如果是你的親人被騷擾，你會怎麼樣？」
「我並沒有秘婚，也還沒有結婚，戒指是戲裏的道具。」
「這麼多年了，關於我的新聞總要問十多年前的組合成員作回應。坦白說，我們確實很多年沒聯繫，相信我們彼此也不太清楚對方現在的為人和生活。除了在她們生日和結婚時我有送上祝福，其他時候我們並沒聯繫。找跟當事人沒交流的人作回應，好像沒有什麼意義。就如同每次她們出新聞時問我回應，我除了站在保護她們的立場去回答，個中因由我確實不瞭解。」

關於前隊友：
「很遺憾我跟她們沒變成知心好友，對上一次真正的溝通應該是2012年吳雨霏辦演唱會的時候，被邀請時我也感到很高興，也很希望能夠參與其中，當時她們更對我的顧慮作出保證：不會有人在那時候向媒體對我作出言語上的攻擊。可惜當下我在台灣拍攝電視劇，實在分身無術。」

「後來前隊友在專訪裏也有說到我們以前分黨分派的來龍去脈，我被問及時沒多作解釋和回應，因為我覺的那些已經是很多年前的事了，現在大家各有各的工作和生活，實在沒必要再提。但事實說明，有些事情，不明說反而讓人惦記。所以這一次，我不希望借別人的嘴巴，也不希望借別人的筆，就想簡單的回應這一次。」

「是的，那時候被排擠了，所以我們的關係一直沒有很親密。關於排擠，是抹黑也好，誤會也罷，那段不愉快的時間都已經過去了，而且也過去很久了。現在我們都長大了，有些更成家了，就算私下我們沒有交集，我也希望她們每一位都幸福安好。至此以後，有關於我們不和的實情，不用再旁敲側擊了。是的，我們曾不和，現在也不熟，可我們不是敵人。」


http://hk.apple.nextmedia.com/enews/realtime/20150416/53639766


矛頭疑指Angela
區文詩：講咗十三年，呢兩個字好重！



由傅穎（Theresa）、鄧麗欣、吳雨霏、楊愛瑾等組成嘅Cookies，拆夥多年，但餅女是非停不了，跟眾女不和嘅Therea因近日傳秘嫁北京富二代，有傳媒問餅碎的回應，點知就觸動咗Theresa嘅神經，今日喺微博發千字文爆當年被隊友排擠，直指不和並非空穴來風。

其實早於去年中，傅穎接受周刊專訪時，已曾爆當年被某成員指住鬧，原因為該成員聽咗另一成員對傅穎嘅中傷，所以先至當眾鬧佢云云。

被傳同傅穎最唔妥嘅餅碎區文詩(Angela)今日接受《蘋果》電話訪問，對於傅穎兩度爆seed，同埋自爆當年被排擠，佢話：「講咗十三年，佢要咁諗，每人有感受，但呢兩個字(指排擠)好重，自己唔刻意評論。」

Angela續道:「當年大家冇發生乜嘢大事，一班人可能某啲熟某啲未必好夾，人之常情，但唔一齊lunch係咪等於唔係朋友？」問Angela同傅穎是否朋友？佢就話：「唔係敵人，係舊同事，唔係好熟，唔會約出嚟，連佢電話都冇。」套用佢嗰句「唔一齊lunch係咪等於唔係朋友？」，而傳穎係屬於「舊同事」一類，Angela對傅穎嘅「定位」已經不言而喻。

至於已為人妻，同傅穎及Angela都有偈傾嘅吳雨霏，談到傅穎承認遭隊友「排擠」，吳雨霏直言:「坦白講，九個女仔唔同性格，一定有啲close，有啲冇咁close。其實我同佢冇嘢，當時大家仲細，而且好多年前事，以前嘢唔使回應太多，依家各自各有大家生活。」

吳雨霏再謂：「坦白講，呢幾年大家少聯絡，見面都少，喺Cookies各自各有自己生活，真係冇乜點聯絡，我結婚嗰陣佢有send message恭喜我，之外好少聯絡。」

http://hk.apple.nextmedia.com/enews/realtime/20150416/53640683

傅穎自爆 俾餅女指住嚟鬧







去年7月，傅穎接受周刊專訪時，已曾大談同眾餅女關係。當時九餅時代嘅Cookies，已略聞分黨分派；到四餅，不和傳聞更不脛而走。四餅之一楊愛瑾(Miki)更直言佢哋同傅穎「冇偈傾」到好出面，傅穎憶述一次九餅時代一齊拍網劇 :「我哋喺一架雙層巴士上，突然間其中一個隊員走過來指住我鬧。內容、有冇講粗口，我已經忘記，當時我好surprise。後來我問另外一個隊員點解佢會咁樣鬧我？佢話因為某人話我咁樣咁樣，於是謠言四起，我話：『我真係冇呢啲咁嘅嘢！』」

到四餅年代，又一次，傅穎話:「有一個畫面係我哋四個出席活動，佢三個唔講嘢，但又笑得好開心。或者如Miki所講，我要求很高，對自己嘅鞭策好嚴謹，所以都會俾身邊人帶來壓力。」

傅穎同Mike、Kary吳雨霏都有偈傾，至於同Stephy鄧麗欣，大多都係當年因為兩人經常被比較，自自然然就傳不和。但傅穎同區文詩，似乎真係唔妥到出面。

去年區文詩生日，被問到沒有邀請傅穎出席生日派對，區文詩話：「唔會因為外間點睇而請自己唔想請嘅人。」傅穎接受訪問時講起區文詩，就話:「我真係唔知道原因，不如你幫我問問佢。有時聽收音機，佢喺節目偶爾都會提及我，又會講一、兩句唔太好嘅說話。雖然我不明白原因，但我都希望佢好。」又笑言:「呢十多年來，佢一直都沒有忘記過我，我依然喺佢心中……哈哈！」

http://hk.apple.nextmedia.com/enews/realtime/20150416/53639893