今早(或更早)網上瘋傳呢張「讓孩子成為interview之皇」嘅海報，係一間補習抽社運水，拋出金句「你不愛競爭？但競爭會找上你」，(即係「你討厭政治，但政治會找上你」變奏版。課程適合幾多歲小朋友？準備讀K1(即18個月大)或者P1嘅小朋友。重點還有圖中一臉無助流淚的小朋友，hit中怪獸家長嘅心：「interview衰咗喎…世界末日喇！」有網民譏下次可能整張父母同哭都唔出奇。未必，或者該「學店」會馬上活學林鄭金句，改寫成「interview之皇？一定要得！」




水唔係咁抽的，教育小朋友，亦唔應該係咁樣。網民紛紛留言痛斥，李珊珊亦看不過眼，於微博轉貼並爆粗轟：「好 X 反感。18個月還是嬰兒，對不？已和競爭扯上？還要稱『皇』？小孩不是大人的附屬品，亦不是生來為父母面子貼金。只有被廁蓋夾過腦袋的人才受落這一套。那更希望被廁蓋夾過的人不多 …」


有網民就指小朋友早啲接觸社會絕對係好事，更合況依家幼稚園學位加雙非童競爭激烈，珊珊即點出問題是小朋友應接觸世界，但不是提早被迫面對無謂的競爭:「樂見小孩接觸世界，亦樂見小孩接觸多國語言，能給予廣闊無垠的學習教育環境，懂得德智體群美是成人的責任。因此，弄清楚這條微博問題所指，18個月的嬰兒，額外的補習班，所謂的競爭，及無謂的稱皇，為的是應付入學面試的廣告招攬。不要有事無事就打比喻扯到不同地域，別陷入另一議題太深影響思路分析。」


也有網民指:「呢個係咁多年嚟最令人不寒而慄嘅廣告，十萬字粗口都唔能夠表達內心嘅憤怒同不安。同港媽港爸講咁樣會影響小朋友心智成長，佢哋就話你:『我個仔關你鬼事呀！』，『你識教細路仔咩？』，『你咁鍾意理人嘅事，你依家好得閒咩？』... ...（呢啲父母，經常係Facebook晒BB照或家庭照，好幸福好開心0架......」

捫心自問，你係咪呢種家長？你想要小朋友擁有一個怎樣的童年？

http://hk.apple.nextmedia.com/enews/realtime/20150422/53661646



女童喊樣推面試班被鬧爆 活學教育：不會收回廣告


活學教育發言人回覆《蘋果》查詢時表示不會收起廣告，解釋是「坦誠地將殘酷的事實呈現在家長眼前，訴說出家長的心聲及小朋友面對巨大壓力的真相」。

活學教育表示，該廣告上年9月已經推出，並只在該校校舍出現，又指該廣告概念是想呈現現在教育制度的競爭之大，強調校方辦學目的是從小培養學生應付香港沈重的教育制度。

該廣告直幡近上半部是一名淚凝於睫小女孩的照片，中間為「你不愛競爭﹖但競爭會找上你！」字句，宣傳適合18個月或以上兒童的K1面試班，及適合K2至K3兒童報讀的P1面試班，呼籲家長「立即報名，讓孩子成為INTERVIEW之皇！」。


網民活學教育facebook專頁留言節錄：
● 你地呢個廣告好心寒，俾番一個快樂既童年小朋友，唔該！
● 我覺得依個係咁多年嚟最令人不寒而慄嘅廣告，十萬字粗口都唔能夠表達內心嘅憤怒同不安！
● 喺現今香港咁畸形嘅教育環境下，呢啲咁嘅interview班絕對係有佢嘅存在價值同市場，但係，你地呢個廣告真係令人非常嘔心同憤怒！！唔好為咗搞綽頭同賺錢就做埋啲咁嘅野啦，太過份喇！
● Are you guys CRAZY？我明白你哋身為一間教育機構，梗係賺錢為上啦，但依個廣告嘅slogan再加上個小朋友張相，成件事真係難聽過粗口，賺錢都唔使咁呀，依家社會上嘅成功人士，有邊個係小朋友個嗰陣就補習呀！教育喎？老師喎？

http://hk.apple.nextmedia.com/realtime/news/20150422/53662400



網上被鬧爆 實際班班爆滿

「活學教育」的廣告推廣K1面試班被網民鬧爆，家長們在網上群情洶湧，但實際上又點呢？《蘋果》記者以家長身份致電活學教育查詢，學費約2000元的面試班，職員稱上一輪面試班已經爆滿，部分更已完成課程，著記者幫子女報讀5月的新一輪課程，「每班1(教師)對5(學童)」，由Mrs Zarina Casi教授。


事實上，「活學教育」教育指該廣告去年9月已出現，證明開班已長逾半年，根據活學教育網頁的介紹，幼稚園面試班（K1面試班）的課程目標是教導小朋友自理能力、故事演說、對答技巧、加強觀察力、表達能力和訓練聆聽敏感度令小朋友令小朋友能建立自信心。


小一面試班（P1面試班）的課程目標是加深小朋友對常識和通識的認識、教導小朋友團體合作精神、自理能力、令他們加強溝通能力以及訓練小朋友紀律和禮儀。兩個課程同樣是每周上1至2堂，每堂1小時，總共10堂，學費由2000元至2300元不等，視乎在哪間分校上堂，首次報名有9折。


心智會教育及心理服務教育心理學家麥依華不評論廣告的手法，但她指出對幼兒來說，最好的發展是透過遊戲去學習，他們的學習動機才會更大，亦能更大發揮其所長﹔除非幼兒有特殊需要，否則太結構性的學習方法並不適合，「0至6歲的幼兒都最好冇呢啲壓力。」

http://hk.apple.nextmedia.com/realtime/news/20150422/53662456