啱啱做咗金像影帝嘅劉青雲，得獎嘅時候，喺台上講咗一段女人聽到都冧爆嘅說話，當時青雲同老婆郭藹明(Amy)話：「每當我揸住太空船，飛到宇宙唔知邊度，你總方法令我安全返到地球。」之後問番青雲點解，佢就話唔會再解釋，原來呢段「太空船」嘅冧爆嘅說話背後，係有一個好浪漫嘅愛情故事。

資深記者陳曉蕾喺facebook指，話當年郭藹明選港姐前係美國南加州大學機械工程學碩士學生，曾經喺美國太空總署(NASA)實習, 是難得被選中嘅華人，當年暑假返咗香港，去咗選港姐，點知就拎咗冠軍，之後就拍埋神劇《大時代》，知情人話：「Amy當時入到NASA開心到彈起，因為華人女仔工程師嗰陣仲係得幾個。Amy嗰時train咗半年，再過半年就可以正式成為工程師。點知Amy選完港姐之後同青雲拍拖，竟然改變主意，唔返美國。」

而網民知道呢件事之後，有部分就覺得可惜，有部份就認為佢揀得好網民話：「証明她揀樓同㨂老公都眼光獨到！」「愛情毀一生，不過睇你點睇。」「她的選擇她自己知，她丈夫明就好！」「娶到郭藹明真是一生的福氣。」「他們的愛情已經是很好的電影題材！」











http://hk.apple.nextmedia.com/enews/realtime/20150423/53664504