最近重播《大時代》又帶起一股追劇熱潮，上星期劇情講到丁蟹打傻方進新，方進新去疊報紙賺錢養家，疊得差畀老闆炒，之後跪地求老闆「畀次機會」，感染力搞喊無數觀眾，令無數網民洗版要求TVB畀個視帝獎劉松仁。

方進新由一個聰明絕頂嘅股壇天才無啦啦畀丁蟹打傻，搞到要疊報紙養家，雖然手腳唔協調，但方進新都無放棄，努力重新學習，真係好勵志，同老闆講個段獨白簡直係神級演投，穿透力簡直可以穿過電視機直入觀眾心坎，感動觀眾為佢流淚。